ശ്രാവണി 3 [Shana] 185

“അതൊക്കെ നിങ്ങളെ പറ്റിക്കാൻ പറഞ്ഞതാവും അല്ലാതെ അങ്ങനൊന്നുമില്ലന്നെ ഞാനപ്പോഴേ പറഞ്ഞതല്ലേ ഇതൊന്നും വേണ്ടാന്ന് അപ്പോ നിങ്ങൾ സമ്മതിക്കാഞ്ഞിട്ടല്ലേ…”

“എന്നാലും ” അവൾ വീണ്ടും സംശയത്തോടെ നോക്കി…

“ഒരേന്നാലുമില്ല… ഇനി ഇതുപോലത്തെ ഓരോ പൊട്ടത്തരം കൊണ്ട് വരാതിരുന്നാൽ മതി…വേഗം തൊഴുതു മടങ്ങാം ഇവിടെ അധികം നിൽകേണ്ട..”

“അല്ലെങ്കിലും ശ്രാവണി ചേച്ചിക്ക് എല്ലാത്തിനും ദൃതിയാണ്.. വാ അനു നമുക്ക് പോകാം…”

അനുവും ധനുവും നിരാശയോടെ വീട്ടിലേക്കു നടന്നു…

“നിൽക്കു ദേ ഞാനും കൂടെ വരുന്നു… തൊട്ടാവാടി മുള്ളിൽ കൊളുത്തിയ പാട്ടുപാവാടാ സാവധാനം വിടുവിച്ചു കൊണ്ടവൾ പറഞ്ഞു.. ഞങ്ങൾ പോവാണ് ചേച്ചി പതുക്കെ വന്നാൽ മതി…

മുള്ളുകളിൽ കൊരുത്ത പാവാട തുമ്പുവിടുവിച്ചു കൊണ്ടവൾ പതുക്കെ വീട്ടിലേക്ക് നടന്നു…മനസ്സ് മുഴുവൻ സ്വപ്നലോകത്തായിരുന്നു… കാവിനോടും നാഗങ്ങളോടുമുള്ള ഭയം കുറഞ്ഞത് പോലെ തോനുന്നു… എന്ത് മായയാണ് ഒറ്റ രാത്രിയിൽ സംഭവിച്ചത്… രാവിലെ കുളികഴിഞ്ഞു കണ്ണാടിക്ക് മുൻപിൽ നിന്നപ്പോൾ എത്ര കണ്ണെഴുതിയിട്ടും മതിവരാത്തത് പോലെ… മനസ്സിൽ ഒരു കുളിർ തെന്നൽ വീശുന്ന സുഖം.. ചെറിയൊരു മഞ്ഞു തുള്ളിയുടെ സ്പർശനം പോലും ശരീരമാകെ കുളിരണിയിക്കുന്നു….

പതുക്കെ ഓരോന്ന് ആലോചിച്ചവൾ വീടെത്തിയത് അറിഞ്ഞില്ല..

വീടിന്റെ മുറ്റത്തെത്തിയപ്പോൾ രണ്ടു പേരും പുറത്തേക്കിറങ്ങി വരുന്നുണ്ട്…

എവിടെക്കാ രണ്ടുപേരും…

ചേച്ചി ഞങ്ങൾ ട്യൂഷന് പോയിട്ട് വരാം….

മ്മ്… യാന്ത്രികമായി മൂളിക്കൊണ്ടവൾ മുറിയിലേക്ക് പോയി… ജനാല തുറന്ന് പുറത്തേക്ക് നോക്കിനിന്നു  അവൾക്ക് തലേദിവസം കണ്ട സ്വപ്നം ഓർമവന്നു… ഇലഞ്ഞിപ്പൂക്കളുടെ കാറ്റ് അവളെവന്നു തഴുകി കടന്നുപോയി.