ശ്രാവണി 3 [Shana] 185

” ടാ നീയൊക്കെ പോയി നിന്നേ ഇങ്ങോട്ട് വിട്ടവന്‍മാരില്ലേ.. കുരിശുംമൂട്ടില്‍ ആന്റണി മുതലാളിയും മക്കളും. പറഞ്ഞേക്ക് അവന്‍മാരോട് കാളി ഇനിയിവിടെ ഉണ്ടാകുമെന്ന്. ഇനി അവന്റെയോ അവന്റെ മക്കളുടെയോ നിഴലുപോലും ഈ ദേശത്തു കണ്ടാ. അവന്റെയൊക്കെ തല അറുത്തിട്ടേ കാളി അടങ്ങൂ. ”

കാളി താക്കീതോടെ പറഞ്ഞിട്ടു വണ്ടിയിക്കരികലേക്കു ചെന്നു. അര്‍ജുന്റെ കൂട്ടുകാര്‍ ഭയന്നു മാറി നല്‍പ്പുണ്ടായിരുന്നു. അവരെ നോക്കാതെ കാളി വണ്ടിയിലേക്കു കേറി. പിന്നാലെ അര്‍ജുനും.

അവന്‍ പിന്നില്‍ ഇതെല്ലാം കണ്ടു വിറച്ചിരിക്കുന്ന അനുവിനെയും ധനുവിനെയും നോക്കി

“നീയൊക്കെ എന്താടീ ഈ സമയത്ത് ഇവിടെ….”

അവന്റെ ചോദ്യം കേട്ടതും രണ്ടിന്റെയും പേടി കൂടി. അര്‍ജുന്‍ അവരുടെ പരിഭ്രാന്തി കണ്ടു ചിരി കടിച്ചു പിടിച്ചു. ധനു അവനെ ദയനീയമായി നോക്കി.

” ഏട്ടാ , ടൂഷ്യന്‍ ക്ലാസു തീര്‍ന്നപ്പോള്‍ വൈകി അതാ….. “അനു വിറച്ചുകൊണ്ടു മറുപടികൊടുത്തു.

” ഹമ്മ്..”

കാളി ഒന്നു മൂളികൊണ്ട് അവന്റെ ട്രക് എടുത്തു. ഒരു ഇരമ്പലോടെ അതു മുന്നോട്ടു പാഞ്ഞു. അപ്പോഴേയ്ക്കും മഴ ശക്തമായിരുന്നു. കാളിയുടെ ദേഷ്യം അടങ്ങിയിട്ടില്ലെന്ന കണ്ട അര്‍ജുന്‍ ഒന്നും മിണ്ടിയില്ല. കാളി അവനോട് ഒന്നും ചോദിക്കാനും പോയില്ല.

കാളിയുടെ ട്രക് അനുവിന്റെയും ധനുവിന്റെയും തറാവാടിനു മുന്നിലെത്തി. വണ്ടിയുടെ ശബ്ദം കേട്ടു വീടിനുള്ളില്‍ ഉണ്ടായിരുന്നവര്‍ വെളിയിലേക്കു വന്നു. കുട്ടികളെ കാണാതെ ആധിപിടിച്ചിരിക്കുകായിരുന്നു അവര്‍. വല്യമ്മാവന്‍ കുടയും ആയി പുറത്തേക്ക് ഇറങ്ങാന്‍ നില്‍ക്കുമ്പോളാണ് കാളി വന്നതു. അവന്‍ ഡോര്‍ തുറന്ന് പുറത്തേക്കിങ്ങി. പിന്നാലെ അനുവും ധനുവും ഇറങ്ങി മഴ നനയാതിരിക്കാന്‍ ഉള്ളിലേക്കു ഓടി. അര്‍ജുന്‍ വണ്ടിക്കുള്ളില്‍ തന്നെ ഇരുന്നു. അപ്പോഴും കാളി മഴയത്തു തന്നെ നില്‍ക്കുകയായിരുന്നു.

” അവര്‍ക്കു എക്‌സട്രാ ക്ലാസുണ്ടായിരുന്നു. അതാ താമസിച്ചത്. അതിന്റെ പേരിലെന്തേലും പിള്ളാരെ പറഞ്ഞ ഞാന്‍ ഒന്നുകൂടി വരും അറിയാല്ലോ എന്നെ. “