ശ്രാവണി 3 [Shana] 185

പുറത്തേക്കിറങ്ങി. അവന്റെ കണ്ണില്‍ സര്‍വതും ചുട്ടെരിക്കാനുള്ള ദേഷ്യം ഉണ്ടായിരുന്നു. വെളള കുര്‍ത്തയുടെ കൈയ് അവന്‍ മുകളിലേക്കു തെറുത്തുകേറ്റി കറുത്തനിറത്തിലുള്ള മുണ്ട് മടക്കി കുത്തി അവന്‍ നിലത്തു അനങ്ങാന്‍ വയ്യാതെ കിടന്നവനെ മറികടന്നു അര്‍ജുന്റെ മുന്നിലേക്കു ചെന്നു. പിന്നെയാണ് അപ്പുറത്ത് വിറങ്ങലിച്ചു നില്‍ക്കുന്ന അനുവിനെയും ധനുവിനെയും കാണുന്നത്.

“വണ്ടിയില്‍ പോയി കേറെടി..” അവന്റെ അലര്‍ച്ച കേട്ടു കുട്ടികളും എന്തിനു അര്‍ജുന്‍ വരെ ഒന്നു ഭയന്നു.

“കാളി.. ഇവന്‍മാര് നമ്മുടെ പള്ളാരെ..”

അര്‍ജുന്‍ പറഞ്ഞു മുഴുവിപ്പിക്കുന്നതിനു മുന്നെ കാളി നിലത്തി കിടന്നവന്റെ മുഖത്ത് ആഞ്ഞു ചവിട്ടി. അവന്റെ അലര്‍ച്ച അവിടമാകെ ഭീതിപടര്‍ത്തി. പ്രകൃതി അവന്റെ വരവറിയിച്ചു.. ഇടി വെട്ടി മഴ ഭൂമിയിലേക്കു പെയ്‌തിറങ്ങി..

നിലത്തുകിടന്നവനെ രക്ഷിക്കാനായി വന്നന്റെ കുത്തിനുപിടിച്ചു കാളി വലിച്ചെറിഞ്ഞു. അതു കണ്ട അര്‍ജുന്‍ കളി കാണുന്നവനെ പോലെ കാളിയുടെ റാപ്ടിറില്‍ ചാരി നിന്നു. റാപ്ടിന്റെ ഹെഡ്‌ലാംപിന്റെ വെളിച്ചത്തില്‍ അവന്‍ കണ്ടു കാളിക്കു ചുറ്റും നില്‍ക്കുന്ന നാലു പേരെ. അവരെ കണ്ടു കൂസലില്ലാതെ കാളി നിന്നു. മുന്നോട്ടു പാഞ്ഞവന്റെ കാല്‍മുട്ടില്‍ കാളി ആഞ്ഞു ചവിട്ടി. വേച്ചു പോയവന് നില കിട്ടും മുന്നേ കാളി അവന്റെ തലയ്ക്കു നേരെ തൊഴിച്ചു. അലര്‍ച്ചയോടെ നിലത്തേക്കു വീണ അവനെ കണ്ടു കൂടെ വന്നവര്‍ ഭയന്നു.

” വാടാ നാറികളെ.. ”

കാളി അവനെ വെല്ലുവിളിച്ചലറി. ഭയന്നു നില്‍ക്കുന്ന അവരെ കണ്ടു കാളി കലി കയറി കടന്നാക്രമിച്ചു. അവരുടെ ചെറുത്തു നില്‍പ്പുകള്‍ കാളിയുടെ കരുത്തിനു മുന്നില്‍ നിലംപരിശായി . അവരെ മാറി മാറി അടിച്ചിച്ചും അവന്റെ കലി അടങ്ങുന്നുണ്ടായിരുന്നില്ല.

“കാളീ.. മതിയെടാ…..ഇനി അടിച്ചാ അവന്‍മാര് ചത്തുപോകും. ”

അര്‍ജുന്‍ വിളിച്ചു പറഞ്ഞു കാളി അവനെ ദഹിപ്പിക്കും വിധം ഒന്നു നോക്കി. അര്‍ജുന്‍ തല കുനിച്ചു.