ശ്രാവണി 3 [Shana] 185

“ടാ……”

അര്‍ജുന്‍ അവനെ കളിയാക്കിയും കാളി ദേഷ്യത്തോടെ അലറി. കാളി അവനു മറുപടി നല്‍കുന്നതിനു മുന്നേ അര്‍ജുന്‍ ചിരിയോടെ ഫോണ്‍ കട്ട് ചെയ്തു ഫോണിലേക്ക് നോക്കി നെടുവീര്‍പ്പിട്ടു. അര്‍ജുൻ അവന്റെ വരവിനായുള്ള കാത്തിരിപ്പില്‍ ആയിരുന്നു. അവിടുത്തെ കാര്യങ്ങള്‍ ഒറ്റക്കു അവനെ കൊണ്ടു സാധിക്കില്ലെന്നു അവനറിയാമായിരുന്നു.

? ? ? ? ? ? ?

ദേവയാമി കൂവളച്ചുവട്ടിലെ നാഗപ്രതിഷ്ടക്കു മുന്നില്‍ തൊഴുകൈയ്യോടെ ഇരുന്നു അവരുടെ അടുത്തേക്കു കരിനാഗം ഇഴഞ്ഞ് വന്നു . അര്‍ജുന് വിഷബാധ ഏറ്റിട്ടും ഒന്നും സംഭവിക്കാതിരുന്നത് അവരില്‍ സംശയം ജനിപ്പിച്ചിരുന്നു അതിന്റെ നിഗൂഢത എന്തെന്നറിയാനുള്ള ശ്രമങ്ങൾ എല്ലാം പരാജയപ്പെട്ടു. ഇനി കണ്ണപുരം ഇല്ലത്തെ തിരുമേനി തന്നെ ശരണം… കുറച്ചു സമയം അവിടിരുന്നു പ്രാര്‍ത്ഥിച്ചശേഷം അല്പം മഞ്ഞള്‍ കൂവളത്തിലയില്‍ലെടുത്തു ചെറിയൊരു തുണി സഞ്ചിയിലാക്കി…
അച്ഛാ… ഞാൻ ഇറങ്ങുകയാണ് ഉച്ചക്ക് ഊണ് കണ്ണപ്പുരം ഇല്ലത്തുനിന്നാവും.. വൈകിയാലും പരിഭ്രമിക്കേണ്ട.. തിരുമേനിയെ കണ്ട് മഷിനോക്കിക്കണം..

ഒരുപാട് വൈകുമോ യാമി…

“ചിലപ്പോൾ വൈകും തൃസന്ധ്യ നേരത്തെ അറയിലെ നാഗങ്ങൾക്ക് ശക്തിയേറു അപ്പോഴവരെ പ്രീതിപ്പെടുത്തിയാൽ എന്തും നേടിത്തരും…”ദേവയാമിയുടെ കണ്ണുകൾ തിളങ്ങി… കരിനാഗം അവളുടെ സ്വർണ്ണരോമരാജികൾ നിറഞ്ഞ കാലിൽ ചുറ്റി പിണഞ്ഞു മുകളിക്കു കയറി അരക്കെട്ടിൽ ചുറ്റിപിണഞ്ഞു…തിളങ്ങുന്ന കറുത്ത ചരടായി മാറി…

അച്ഛാ… ഇനി യാത്ര പറയുന്നില്ല…

നഗ്നപാതയായി അവൾ നടന്നകലുന്നതും നോക്കിനിന്നയാൾ നെടുവീർപ്പിട്ടു…

? ? ? ? ? ?

സൂര്യന്‍ അസ്ഥമിച്ചു കഴിഞ്ഞു…മെല്ലെ വീശിയടിക്കുന്ന കാറ്റിൽ ഗ്രാമത്തിന്റെ തണുത്ത ഗന്ധം നിറയുന്നുണ്ട്.. ആൽതറയിലെ കരിങ്കൽ വിരിച്ച തറയിലേക്ക് കിടക്കുമ്പോഴും മനസ്സിൽ മുഴുവനും അവളെ പറ്റിയുള്ള