വൈഷ്ണവം (അവസാന ഭാഗം) മാലാഖയുടെ കാമുകൻ 1441

 

വൈഷ്ണവം (അവസാന ഭാഗം)

മാലാഖയുടെ കാമുകൻ

Previous Part

 

 

ഹലോ ആൾ.. സുഖമല്ലേ..? പറഞ്ഞത് പോലെ തന്നെ വൈഷ്ണവം അവസാന ഭാഗം ഇതാ തന്നിരിക്കുന്നു..

ഇതിൽ വേറെ ഒരു കഥയുടെ അല്പം റഫറൻസ് കൂടെ ഉണ്ട് കേട്ടോ.. എല്ലാം ചേർത്തു കഴിഞ്ഞപ്പോൾ ഈ സ്റ്റോറി കുളമായോ എന്നൊരു സംശയം എനിക്ക് ഇല്ലാതെ ഇല്ല..

എന്തായാലും വായിച്ചു അഭിപ്രായം പറയണേ എന്ന് സ്നേഹത്തോടെ ഓർമിപ്പിക്കുന്നു..

ഒത്തിരി സ്നേഹത്തോടെ..
എംകെ

തുടർന്ന് വായിക്കുക…

“വാട്ട്‌..? നീ എന്താ പറഞ്ഞത്..?”

വൈഷ്ണവി കേട്ടത് വിശ്വസിക്കാൻ ആകാതെ തേൻമൊഴിയെ നോക്കി..

അവൾ കാര്യമായിട്ട് പറഞ്ഞത് തന്നെയാണെന്ന് അരണ്ട വെളിച്ചതിലും കാണുന്ന അവളുടെ മുഖത്ത് നിന്നും വൈഷ്ണവി കണ്ടു..

“പറഞ്ഞത് കേട്ടില്ലേ..? ഞാൻ വിഷ്ണുവിനെ കെട്ടാൻ പോകുന്നു എന്ന്…!”

തേൻമൊഴി അത്‌ പറഞ്ഞപ്പോൾ വൈഷ്ണവി വിഷ്ണുവിനെ നോക്കി..

അവൻ ഒന്നും മിണ്ടാതെ എവിടേക്കോ നോക്കി ഇരിക്കുന്നു.. മുഖഭാവം വ്യക്തമല്ല..

അവന്റെ സമ്മതത്തോടെ ആണോ ഇതൊക്കെ..?

അവൾക്ക് ചോദിക്കണം എന്നുണ്ടായിരുന്നു.. എന്നാൽ കഴിഞ്ഞില്ല..

മനസ്സിനൊത്തു പ്രവർത്തിക്കാൻ നാവിന് കഴിയുന്നില്ല..

“എന്തെങ്കിലും പറയാൻ ഉണ്ടോ വൈഷ്ണവിക്ക്..?”

വീണ്ടും അടുത്ത ചോദ്യം വന്നു..

വൈഷ്ണവി ഒന്നും മിണ്ടിയില്ല..

“ലേഡി പെർഫെക്ട് എന്താ ഒന്നും മിണ്ടാത്തത്..? അതോ ഈ ഉശിരൊക്കെ ബിസിനസ്സിൽ മാത്രമേ ഉള്ളോ..? സ്വന്തം കാര്യങ്ങളിൽ ഒന്നും ഇല്ലേ..?”