വൈഷ്ണവം (അവസാന ഭാഗം) മാലാഖയുടെ കാമുകൻ 1452

“ഓഹ് മൈ ഗോഡ്.. വിഷ്ണു.. അത് നീയാണോ..? വിശ്വസിക്കാൻ ആകുന്നില്ല എനിക്ക്..”

അവൾ കണ്ണ് മിഴിച്ചുകൊണ്ട് പറഞ്ഞു..

“യെസ് അത്‌ ഞാൻ തന്നെയാണ്.. അതും ബൈ ചാൻസ് സംഭവിച്ച ഒരു കാര്യം ആണ്‌..”

അവൻ അത്‌ പറഞ്ഞപ്പോൾ വൈഷ്ണവി ആലോചനയിൽ ആയിരുന്നു.

വളരെ പെട്ടെന്ന് പേരെടുത്ത ഒരു കമ്പനി ആണ്‌ സെവൻ.

അവരുടെ പ്രേത്യേകത പെണ്ണുങ്ങൾ ആയിരുന്നു..

ആണുങ്ങൾക്ക് പകരം സ്ത്രീകൾ ആയിരുന്നു ആവരുടെ സ്റ്റാഫ്‌ എല്ലാം.. ഓണർ ഒഴികെ..

അതും ഹൈ ലെവൽ ട്രെയിൻഡ് ഫൈറ്റേർസ്‌.. അവർ ഉണ്ടാക്കിയ ഓളം ചെറുതല്ല..

ഏത് ജോലി കൊടുത്താലും വളരെ പെട്ടെന്ന് ചെയ്തു തീർക്കുന്ന..

പത്തു പേര് സെക്യൂരിറ്റി നിൽക്കേണ്ടതിന് പകരം ഒരു പെണ്ണിനെ വച്ചു മാത്രം ജോലി കൃത്യതയോടെ ചെയ്യുന്ന ഏജൻസി..

ഗവർമെന്റ് വരെ അവരെ ചില സാഹചര്യത്തിൽ ആശ്രയിക്കാറുണ്ട്..

അവർക്ക് ഇപ്പോൾ പതിനെട്ടു രാജ്യങ്ങളിൽ ബ്രാഞ്ചുകൾ ഉണ്ട്.. അത്രക്ക് സുരക്ഷയാണ് ഈ ഏജൻസി കൊടുക്കുന്നത്..

“വിഷ്ണു എങ്ങനെ..? അതും ഇതുപോലെ ഒരു ഏജൻസി..?”

“പറഞ്ഞില്ലേ ബൈ ചാൻസ്.. ഒരിക്കൽ ഞാൻ തമിഴ്നാട് ഒരു സ്ഥലത്ത് പോയപ്പോൾ വഴിയരികിൽ രണ്ട് പോലീസ് ഓഫീസർമാരെ കണ്ടു..

അവർക്ക് ഒരു ഒരു വണ്ടി അറേഞ്ച് ചെയ്യണമായിരുന്നു..

ഒരു ട്രക്ക്…

ആ ചെറിയ സഹായം അതു ഞാൻ ചെയ്തു കൊടുത്തു..

അതിൽ ഒരാൾ എന്നെ നന്നായി പരിചയപെട്ടു.. എന്താ ചെയ്യുന്നത് എന്നൊക്കെ ചോദിച്ചു..

അതിന് ശേഷം നമ്പർ വാങ്ങി അവർ പോയി..

പിന്നെ അവർ വിളിച്ചില്ല പക്ഷെ കുറെ നാൾ കഴിഞ്ഞു അവർ എന്നെ കാണാൻ വന്നു..

അവർ പറഞ്ഞു അവരുടെ കയ്യിൽ ഇരുപതോളം പെൺകുട്ടികൾ ഉണ്ട്..

ഒരിടത്ത് നിന്നും രക്ഷപ്പെടുത്തിയ ആ പെൺകുട്ടികളെ കുറച്ചു നാൾ മാറ്റി താമസിപ്പിക്കാൻ പറ്റുമോ എന്ന് എന്നോട് ചോദിച്ചു..

ഞാൻ ഓക്കേ പറഞ്ഞു..