വൈഷ്ണവം (അവസാന ഭാഗം) മാലാഖയുടെ കാമുകൻ 1452

അവൻ വണ്ടിയുടെ വേഗം ഒന്ന് കുറച്ചു..

“ഓഹോ… കൊല്ലും ഞാൻ..”

അവളുടെ നഖം അവന്റെ കാലിൽ അമർന്നപ്പോൾ അവൻ ചിരിച്ചു.

“നിന്റെ മനസ്സിൽ എന്താണ് എന്നറിയാൻ വേണ്ടി ആയിരുന്നു.. നീ കരഞ്ഞു നിലവിളിക്കും എന്നാ കരുതിയത്.. പക്ഷെ നീ എന്നെയും അവളെയും ഞെട്ടിച്ചു..”

അവൻ ചിരിയോടെ പറഞ്ഞപ്പോൾ അവളും ചിരിച്ചു.

“അന്ന് വിഷ്ണു എന്റെ മുഖത്ത് നോക്കിയപ്പോൾ തന്നെ എനിക്ക് മനസിലായിരുന്നു.. ബിസിനസ്‌ പഠിച്ചു.. പക്ഷെ നുണ പറയാനും അതിനൊത്തു ഉയരനും പഠിച്ചിട്ടില്ല..”

അവൾ അത്‌ പറഞ്ഞപ്പോൾ അവൻ ചിരിച്ചു..

അവൻ അവളുടെ കൈ എടുത്ത് ഗിയർ ലിവറിന്റെ മുകളിൽ വച്ചു അവന്റെ കൈ അതിന്റെ മുകളിൽ വച്ചു..

അവൾ പ്രണയത്തോടെ അവനെ നോക്കി..

വണ്ടി ഗേറ്റ് കിടന്നപ്പോൾ അവിടെ ഭദ്ര ഉണ്ടായിരുന്നു..

അവളുടെ കാറിൽ ചാരി..

അവരെ ഒരുമിച്ചു കണ്ടപ്പോൾ അവളുടെ ചുണ്ടിൽ ഒരു പുഞ്ചിരി വന്നു.. എന്നാലും ഗൗരവത്തിൽ ആയിരുന്നു അവൾ.

“എന്താടീ.. എന്റെ ഭദ്ര ദേവിക്ക് ഒരു ഗൗരവം..?”

വൈഷ്ണവി ഇറങ്ങി ചെന്ന് അവളുടെ കവിളിൽ നുള്ളി..

“നിന്റെ ചുണ്ടിൽ എന്താ..?”

അവളുടെ ചോദ്യം കെട്ട് വൈഷ്ണവി പെട്ടെന്ന് നാണിച്ചു പോയി..

“കല്യാണത്തിന്.. മട്ടൻ കഴിച്ചപ്പോ.. ചുണ്ട് കടിച്ചതാ..”

അവൾ ഒരു നുണ പറഞ്ഞു..

വിഷ്ണു ഇതൊക്കെ നോക്കി നിൽക്കുന്നുണ്ടായിരുന്നു.

“ഇതായിരിക്കും അല്ലെ മട്ടൻ കഴിക്കുന്നത്..?”

അവൾ ഫോൺ എടുത്തു കാണിച്ചു.. വൈഷ്ണവി അതിലേക്ക് നോക്കി..