മാന്ത്രികലോകം 13 [Cyril] 2155

“അതുപോലെ മലാഹിയുടെ ആത്മാവിലെ വിള്ളലുകൾ കാരണം മലാഹിക്ക് ഉണരാന്‍ കഴിയുമോ…?” ഹവേല്യ അവളുടെ സംശയവും ചോദിച്ചു.

“മലാഹി ഒഷേദ്രസിന്റെ മറുപ്രതി ആണെന്നതിനെ നിങ്ങൾ മറക്കരുത്. മലാഹിക്ക് ഒരു തരി ജീവൻ എങ്കിലും ഉണ്ടെങ്കിൽ ഒഷേദ്രസിന് മലാഹിയെ രക്ഷിക്കാൻ കഴിയുമെന്നും അറിയുക…” അൽദീയ പറഞ്ഞു. “ഒഷേദ്രസ് ഞങ്ങളില്‍ നിന്നും ശക്തി സ്വീകരിച്ച് കൊണ്ടിരിക്കുന്നു.. ആ ശക്തിയില്‍ നിന്നും ഒഷേദ്രസിന്റെ ആത്മാവ് മലാഹിയേ സൌഖ്യമാക്കി കൊണ്ടിരിക്കുന്നതിനെ എനിക്കറിയാൻ കഴിയുന്നു.

പിന്നേ ഫ്രെൻ മലാഹിയുടെ നിയന്ത്രണത്തിലുള്ള പ്രതിമകളെ മാത്രമാണ് മോചിപ്പിച്ചതു. പക്ഷേ ലക്ഷക്കണക്കിന് പ്രതിമകള്‍ ഇപ്പോഴും ഒഷേദ്രസിന്റെ നിയന്ത്രണത്തിൽ ഉണ്ട് എന്നതാണ് സത്യം. അവരെയാണ് ശില്‍പ്പിയും ശില്‍പ്പിയുടെ പ്രതിമകളും നേരിടേണ്ടത്…” അൽദീയ അവസാനത്തെ വാചകത്തെ ശില്‍പ്പിയുടെ കണ്ണില്‍ നോക്കി പറഞ്ഞു.

ശില്‍പ്പി സമ്മത ഭാവത്തില്‍ തലയനക്കി.

“അത് കൂടാതെ ഒഷേദ്രസ് അവന്റെ ആത്മാവിന്റെ അംശത്തെ പകര്‍ത്തി വളരെ ശക്തരായ രണ്ട് ലക്ഷം പ്രതിമകളേയും സ്വയം സൃഷ്ടിച്ചിട്ടുണ്ട്. ഫെയറി ലോകത്തെ ആക്രമിച്ച ഒഷേദ്രസിന്റെ അഞ്ഞൂറ് സൃഷ്ടികളേക്കാൾ വളരെ ശക്തരാണ് ഈ പ്രതിമ-സൃഷ്ടികള്‍…”

അൽദീയ പറഞ്ഞത് കേട്ടിട്ട് ഫെയറികൾ സ്തംഭിച്ചു നിന്നു. അവരുടെ കണ്ണുകളില്‍ ദേഷ്യവും ഭയവും ഉണ്ടായിരുന്നു. ഞങ്ങളുടെയും ദൈവങ്ങളുടേയും അവസ്ഥ മറിച്ചായിരുന്നില്ല.

“പക്ഷേ ദനീർ, സാഷ, അമ്മു, സുല്‍ത്താന്‍, സിദ്ധാര്‍ത്ഥ്, ജാസർ, അഖില്‍, ഫ്രേയ, ഈഫിയ, ഹെമീറ എന്നവരുടെ ശക്തികള്‍ക്ക് ഒഷേദ്രസിന്റെ ആ പ്രതിമകളെ നേരിടാനും നശിപ്പിക്കാനും കഴിയുമെന്നാണ് എനിക്ക് തോന്നുന്നത്… പക്ഷേ മുന്‍പ് നിങ്ങൾ നശിപ്പിച്ച ആ അദൃശ്യമായ പ്രതിമകളെ പോലെ അത്ര എളുപ്പത്തില്‍ ഈ പ്രതിമകളെ നശിപ്പിക്കാന്‍ കഴിയില്ല എന്ന് അറിയുക…” അൽദീയ എന്നെയും എന്റെ കൂട്ടുകാരെയും കണ്ണില്‍ നോക്കി താക്കീതു പോലെ പറഞ്ഞു.

“അപ്പോ ഷൈദ്രസ്തൈന്യയും ഫെയറികളും എന്തായിരിക്കും ചെയ്യുക…?” കൈറോൺ ചോദിച്ചു.

ഉടനെ അൽദീയ ഷൈദ്രസ്തൈന്യയെ സൂക്ഷിച്ചു നോക്കി. എന്നിട്ട് പറഞ്ഞു, “ഫെയറികളുടെ നിയോഗം മറ്റൊന്നാണ്…”

ഷൈദ്രസ്തൈന്യ അൽദീയയെ നോക്കി സംശയത്തോടെ മുഖം ചുളിച്ചു.

“എന്താണ് അവരുടെ നിയോഗം..?” റാലേൻ ചോദിച്ചു.

“ഷൈദ്രസ്തൈന്യ യുടെയും ഫെയറികളുടെയും യഥാര്‍ത്ഥ നിയോഗം എന്താണെന്ന് നിഗൂഢ ശക്തികള്‍ ഈ നിമിഷം വരെ അവരില്‍ നിന്നുപോലും മറച്ചു വെച്ചിരിക്കുകയായിരുന്നു…. അതുപോലെ ഷൈദ്രസ്തൈന്യ യുടെ യഥാര്‍ത്ഥ ശക്തിയെയും നിഗൂഢ ശക്തികള്‍ അവളെ സൃഷ്ടിച്ച നിമിഷം തൊട്ടേ തഴഞ്ഞും വെച്ചിരുന്നു….” അൽദീയ പറഞ്ഞു.

“എന്റെയും ഫെയറികളുടെയും യാഥാര്‍ത്ഥ നിയോഗമോ…? എന്റെ യഥാര്‍ത്ഥ ശക്തിയെ നിഗൂഢ ശക്തികള്‍ തഴഞ്ഞു വെച്ചിരുന്നുവെന്നോ..?” ഷൈദ്രസ്തൈന്യ ചിന്താകുഴപ്പത്തോടെ ചോദിച്ചു.

എല്ലാ ഫെയറികളും സംശയത്തോടെ പരസ്പ്പരം നോക്കി.

“നിങ്ങളുടെ നിയോഗം എന്താണെന്ന് സമയം ആകുമ്പോള്‍ നിങ്ങൾ മനസ്സിലാക്കും, ഷൈദ്രസ്തൈന്യ…” അൽദീയ ഗൗരവത്തിൽ പറഞ്ഞു. “പിന്നേ ഫ്രെന്നിന്റെ ശക്തി അതിഭയങ്കരം ആണെന്നു ആരും മറക്കേണ്ട… അതുകൊണ്ട് അവന് എതിരായി നിങ്ങള്‍ക്ക് പ്രവർത്തിക്കാൻ സാഹചര്യം