മാന്ത്രികലോകം 13 [Cyril] 2155

നിന്നും മോചനം നേടാൻ കഴിയുമായിരുന്നില്ല… തിരിച്ചറിവ്‌ ഏറെക്കുറെ പൂര്‍ണമായി നഷ്ടമായ സ്ഥിതിക്ക് അവന് ശെരിക്കും ചിന്തിക്കാൻ പോലും കഴിയുമായിരുന്നില്ല…. പിന്നെ അവന്റെ ഉപബോധ മനസ്സും ചില സമയങ്ങളില്‍ ഒന്നോ രണ്ടോ നിമിഷത്തേക്ക് പ്രവർത്തിക്കാൻ കഴിയാത്ത അവസ്ഥയില്‍ ആകുന്നതും ഞങ്ങളുടെ ഒരു ഭാഗ്യമായി മാറി. അങ്ങനെ എല്ലാ കൂടി അവന്റെ ഹൃദയവും, ആത്മാവിനും, മനസ്സിനും എല്ലാം ശരിക്കുള്ള പരസ്പ്പര ബന്ധം സൃഷ്ടിക്കാനും കഴിയാതായി….

അവന്റെ സ്വബോധവും നശിച്ച് കൊണ്ടിരുന്നു…. തന്റെ ശക്തി വര്‍ദ്ധിക്കാതെ നിഗൂഢ ശക്തികളുടെ ബന്ധനത്തില്‍ നിന്നും രക്ഷ നേടാൻ കഴിയില്ലെന്ന് അവന്‍ മനസ്സിലാക്കി. പക്ഷേ അപ്പോഴും ഫ്രെൻ അതിവേഗം ചിന്തിക്കുകയും, പ്രവര്‍ത്തിക്കുകയും, പരീക്ഷണങ്ങൾ നടത്തി അവന്റെ ശക്തിയെ വര്‍ധിപ്പിക്കുകയും ചെയ്തുകൊണ്ടിരുന്ന.

ഞങ്ങൾ എല്ലാവരെയും ഞെട്ടിച്ചുകൊണ്ട് അവനില്‍ ഞങ്ങൾ പ്രയോഗിച്ചിരുന്ന നിയന്ത്രണ ശക്തിയുടെ ചെറിയ അംശത്തെ നിയന്ത്രിച്ച് അവന്റെ ശക്തിയുടെ അംശമായി മാറ്റാനും അവന്‍ തുടങ്ങി.

ഈ അവസ്ഥയില്‍ പോലും അവന്റെ ശക്തി അപാര മായിരുന്നു എന്നത് ഞങ്ങളെ ശെരിക്കും ഭയപ്പെടുത്തി. അവന്‍ അപ്പോഴും പൊരുതി കൊണ്ടിരുന്നു… അതേ സമയം അവന് എതിരായി പ്രവർത്തിക്കുന്ന എല്ലാ ശക്തികളേയും അവന്‍ പതിയെ സ്വാധീനിക്കാനും ശ്രമിച്ചു കൊണ്ടിരുന്നു.

അവന്റെ യഥാര്‍ത്ഥ ശക്തിയുടെ സവിശേഷതകളെ പൂര്‍ണമായി ഞങ്ങൾ ആര്‍ക്കും മനസിലാക്കാന്‍ കഴിഞ്ഞിരുന്നില്ല… കാരണം അവന്റെ പരീക്ഷണങ്ങളും തിരിച്ചറിവും എല്ലാം വളരെ വേഗത്തിൽ ആയിരുന്നു… അതുപോലെ അവന്റെ തിരിച്ചറിവിന്‍റെ അടിസ്ഥാനത്തിൽ അവന്റെ ശക്തിക്ക് പെട്ടന്നു…പെട്ടന്നു പരിവര്‍ത്തനവും സംഭവിച്ചു കൊണ്ടിരുന്നു… അതുകൊണ്ട് അവന്‍ എപ്പോഴും ഞങ്ങൾക്കൊരു അജ്ഞാത ശക്തിയായിരുന്നു…. അവന്‍ ഒരു അല്‍ഭുതം ആയിരുന്നു…

ചില സമയങ്ങളില്‍ ഞങ്ങൾ അവന് എതിരായി പ്രവർത്തിക്കുന്നു എന്നോ , അതോ അവന് അനുകൂലമായി പ്രവര്‍ത്തിക്കുന്നു എന്നോ മനസിലാക്കാന്‍ പോലും കഴിയാതെ ബുദ്ധിമുട്ടിയിട്ടുണ്ട്.

അങ്ങനെ കാലങ്ങള്‍ കടന്നുപോയ് കൊണ്ടിരുന്നു.

ആ ഇടയ്ക്കാണ് തിരിച്ചറിവ്‌ ഇല്ലാത്ത പ്രകൃതിയുടെ നന്മയുടെ ഭാഗം എന്തെല്ലാമോ സൃഷ്ടിച്ചു കൊണ്ടിരുന്നതിനെ.. പ്രകൃതിയുടെ തിന്മയുടെ ഭാഗം നശിപ്പിച്ചു കൊണ്ടിരുന്നതും….

അങ്ങനെ ഒരു സമയത്താണ് റീനസിനെ സൃഷ്ടിച്ചത്.

പിന്നീടെപ്പോഴോ പ്രകൃതിക്ക് തിരിച്ചറിവും ലഭിച്ചു.

ശേഷം ഒഷേദ്രസിനെ സൃഷ്ടിച്ചു…

പിന്നേ ഷൈദ്രസ്തൈന്യയെ യും സൃഷ്ടിച്ചു… പിന്നീട് പ്രധാനികളായ ദൈവങ്ങളെയും… ശേഷം ശക്തി കുറഞ്ഞ ദൈവങ്ങള്‍. അതെല്ലാം സൃഷ്ടികള്‍ക്കും അവ്യവസ്ഥ-ശക്തിയെ കുറിച്ചുള്ള ചെറിയ അറിവിനെ മാത്രമാണ് പകര്‍ന്നു കൊടുത്തിരുന്നത്. അങ്ങനെ കാലങ്ങള്‍ കടന്നുപോയി.

അപ്പോഴും ഫ്രെൻ തന്റെ ശക്തിയില്‍ ഏർപ്പെടുത്തിയിരുന്ന ബന്ധനത്തെ തകര്‍ക്കാന്‍ കഠിനമായി പൊരുതി കൊണ്ടിരുന്നു.

ഫ്രെന്നിനെ കുറിച്ചുള്ള വിവരങ്ങളെ എല്ലാം ദൈവങ്ങള്‍ക്ക് പകര്‍ന്നു കൊടുത്താൽ അതു അവരേ എങ്ങനെ ബാധിക്കും എന്നറിയാത്തത് കൊണ്ടു, പ്രകൃതി എല്ലാ ദൈവങ്ങളെയും അതിന്റെ ഊര്‍ജ്ജ ശക്തിയില്‍ ലയിച്ച് പല സത്യങ്ങളും സ്വയം മനസ്സിലാക്കാൻ പ്രേരിപ്പിച്ചു. പക്ഷേ ഒഷേദ്രസ് ഒഴികെ മറ്റൊരു ദൈവവും അതിന്‌ തയ്യാറായില്ല.