മാന്ത്രികലോകം 13 [Cyril] 2155

“അപ്പോ ഒഷേദ്രസിന് ഫ്രെൻ ആരാണെന്ന് അറിയാമായിരുന്നോ..?” നല്യത്രിദ ചോദിച്ചു.

“പണ്ട് പ്രകൃതിയുടെ ഊര്‍ജ്ജ ശക്തിയില്‍ ലയിച്ച സമയം, അവ്യവസ്ഥ-ശക്തിയിൽ നിന്നും ഒരു ശക്തി ജനിച്ചു എന്നത് മാത്രം ഒഷേദ്രസിന് അറിയാമായിരുന്നു. ആ ശക്തിയെ പ്രകാശ തേജസ്യ രൂപത്തിൽ മാത്രമാണ് അന്ന് ഒഷേദ്രസ് കണ്ടത്. പക്ഷേ ആ ശക്തിയാണ് ഫ്രെൻ എന്നത് ഒഷേദ്രസിന് അറിയില്ല. ഫ്രെൻ ജനിച്ച ശേഷം ഒഷേദ്രസ് ഒരിക്കല്‍ കൂടി പ്രകൃതിയില്‍ ലയിച്ചിരുന്നെങ്കിൽ ഫ്രെന്നിനെ കുറിച്ച്‌ ഒഷേദ്രസിന് മനസ്സിലാക്കാൻ കഴിയുമായിരുന്നു….”

“ഒഷേദ്രസ് എത്ര ശക്തനാണ്…” റാലേൻ ചോദിച്ചു.

“ഒഷേദ്രസും അത്ര നിസ്സാരനല്ല, റാലേൻ. പ്രകൃതിയുടെ ഊര്‍ജ്ജ ശക്തിയില്‍ ലയിച്ച് ഒഷേദ്രസ് പ്രകൃതിയില്‍ നിന്നും നിഗൂഢ ശക്തികളില്‍ നിന്നും എല്ലാം ഉന്നത രഹസ്യങ്ങളെ മനസ്സിലാക്കിയിരുന്നു…. അതനുസരിച്ച് ഒഷേദ്രസ് ശക്തനായും മാറിക്കൊണ്ടിരുന്നു.

നിഗൂഢ ശക്തികളിൽ അടങ്ങിയിരിക്കുന്ന എല്ലാ രഹസ്യങ്ങളെയും പൂര്‍ണമായി മനസ്സിലാക്കുന്ന ഏതു ശക്തിക്കും നിഗൂഢ ശക്തികളേയും പ്രകൃതി ശക്തിയേയും തന്റെ നിയന്ത്രണത്തിൽ കൊണ്ടുവരാനും.. അതിന്റെ ഇഷ്ടപ്രകാരം, അവ്യവസ്ഥ-ശക്തി ഒഴികെ, എല്ലാ ശക്തികളേയും പ്രയോഗിക്കാനും കഴിയും.

അതുകൊണ്ട് ഒഷേദ്രസ് നിഗൂഢ ശക്തിയില്‍ ഉള്ള എല്ലാ ഉന്നത രഹസ്യങ്ങളുടെയും ചുരുളഴിച്ച് പൂര്‍ണ ശക്തിയും നേടിയാൽ, തിന്മയുടെ ശക്തിയായ ഒഷേദ്രസ് എല്ലാറ്റിനെയും അടിമയാക്കി മാറ്റി ഏറ്റവും ഉയർന്ന ശക്തിയായി നിലനില്‍ക്കുകയും.. എല്ലാ സൃഷ്ടികള്‍ക്കും – ശക്തികള്‍ക്കും വെറും പരീക്ഷണ എലികളായി പ്രപഞ്ച അവസാനം വരെ കഴിയേണ്ടിയൂം വരുമായിരുന്നു.

അതുകൊണ്ടാണ് ഫ്രെൻ നന്മയുടെ ഭാഗത്ത് ഉറച്ചു നിൽക്കാൻ തുടങ്ങിയതും, നിഗൂഢ ശക്തികളില്‍ നിന്ന് കാലത്തിനും സാഹചര്യത്തിനും അനുസരിച്ചുള്ള മാറ്റങ്ങളും പുതിയ പ്രവചനങ്ങളും താനേ ഉണ്ടായത്…. നിഗൂഢ ശക്തികളും പ്രകൃതി ശക്തികളും പോലും അറിയാതെ സംഭവിക്കുന്ന കാര്യങ്ങളാണ് ഈ മാറ്റങ്ങളും പ്രവചനങ്ങളും. ഞങ്ങൾക്ക് പോലും ഇതുപോലത്തെ കാര്യത്തില്‍ നിയന്ത്രണം ഇല്ല എന്നതാണ് സത്യം.

നിഗൂഢ ശക്തികളുടെയും, പ്രകൃതി ശക്തികളുടെയും, പ്രപഞ്ചത്തിന്റെയും, അതിലുള്ള എല്ലാ ജീവികളുടെയും എല്ലാം നന്മയ്ക്ക് വേണ്ടി കാലവും സാഹചര്യവും മാറിക്കൊണ്ടിരിക്കും. അതിനനുസരിച്ച് പ്രവചനങ്ങളും മാറിക്കൊണ്ടിരിക്കും. അതാണ് നിഗൂഢ ശക്തികള്‍ക്ക് പോലും മനസ്സിലാക്കാനോ നിയന്ത്രിക്കാനോ കഴിയാത്ത ഏറ്റവും ഉയർന്ന നിഗൂഢ രഹസ്യം… നിഗൂഢ ശക്തികള്‍ക്ക് പോലും മനസിലാക്കാന്‍ കഴിയാത്ത കാര്യങ്ങൾ ഉണ്ടെങ്കിൽ, തീർച്ചയായും നിഗൂഢ ശക്തികള്‍ക്ക് മുകളില്‍ മറ്റൊരു ശക്തി ഉണ്ടെന്ന തെളിവാണ് ഇത്…”

അൽദീയ പറഞ്ഞു കഴിഞ്ഞ് ഒരുപാട്‌ നേരത്തേക്ക് ആരും മിണ്ടിയില്ല.

“ഇപ്പോൾ ഫ്രെന്നിന് എങ്ങനെയാണ് മാറ്റം സംഭവിച്ചതു…? അവന്‍ എങ്ങനെയാണ് അവന്റെ പഴയ അവ്യവസ്ഥ-ശക്തി ഉള്ള വ്യക്തിത്വം സ്വീകരിച്ചതു…?” ലാവേഷ് ചോദിച്ചു.

“നന്മയുടെ ഭാഗത്ത് നിന്നിരുന്ന ഫ്രെൻ, ഒഷേദ്രസിനെ നശിപ്പിക്കാന്‍ ഫ്രെന്നിന്റെ നന്മയുടെ ശക്തിക്ക് മാത്രമായി കഴിയില്ല എന്നു മനസ്സിലായി…

സത്യത്തിൽ ഒഷേദ്രസും ഫ്രെന്നും രണ്ട് അനന്യത ശക്തികളാണ്. ദൈവഘാതകവാൾ ഉപയോഗിച്ച് ഫ്രെന്നിന് ഒഷേദ്രസിനെ വധിക്കാന്‍ കഴിയുമായിരുന്നു. പക്ഷെ ആ വെള്ളി ഹൃദയത്തെ തന്റെ ശരീരത്തിൽ സ്വീകരിച്ച ഒഷേദ്രസിനെ എങ്ങനെ നശിപ്പിക്കാന്‍ കഴിയുമെന്ന് നിഗൂഢ ശക്തികള്‍ക്ക് പോലും നിശ്ചയമില്ലാതായി….