മാന്ത്രികലോകം 13 [Cyril] 2156

“അവ്യവസ്ഥ-ശക്തി സൃഷ്ടിച്ച ആ ജീവനുള്ള ശക്തിയാണ് നമ്മുടെ ഫ്രെൻഷർ….,
അവ്യവസ്ഥ-ശക്തിയിൽ നിന്നും, നിഗൂഢ ശക്തികളില്‍ നിന്നും, നിഗൂഢ ശക്തികളുടെ ഉപബോധ ശക്തികളില്‍ നിന്നും, പ്രകൃതി ശക്തിയില്‍ നിന്നും എല്ലാം ഊര്‍ജ്ജം സ്വീകരിച്ച പുത്രന്‍….,
അഗാധമായ എല്ലാ നിഗൂഢതകളുടെയൂം ശക്തി നേടിയ പുത്രന്‍…,
എന്റെയും ഷൈദ്രസ്തൈന്യ യുടെയും പുത്രന്‍….,
റീനസിന് മുന്‍പേ സൃഷ്ടിക്കപ്പെട്ട ശക്തി…,
നിഗൂഢ ശക്തികളുടെ പോലും ജീവ ഊര്‍ജ്ജത്തെ സ്വീകരിച്ച ഏക ശക്തി…,
അങ്ങനെ ആത്മാവുള്ള, ഫ്രെൻഷർ എന്ന ആ ശക്തിയെ അവ്യവസ്ഥ-ശക്തിക്ക് അതിന്റെ ജീവ ഊര്‍ജ്ജത്തിൽ ലയിപ്പിച്ചു പരിണമിക്കാൻ കഴിഞ്ഞാൽ, നിഗൂഢ ശക്തികളെയും, നിഗൂഢ ശക്തികളെക്കാൾ ശക്തരായ ഉപബോധ ശക്തികളെ പോലും അവ്യവസ്ഥ-ശക്തിക്ക് നിയന്ത്രിക്കാനും നശിപ്പിക്കാനും കഴിയും….”

അൽദീയ പറഞ്ഞു നിര്‍ത്തി. എന്നിട്ട് ഞങ്ങൾ ഓരോരുത്തരുടെ കണ്ണിലും അവരുടെ തീക്ഷ്ണമായ നോട്ടം ആഴ്ന്നിറങ്ങി.

അവർ പതിഞ്ഞ ശബ്ദത്തില്‍ പറഞ്ഞു ——,

“നിങ്ങളെ ഒഷേദ്രസിന്റെ പിടിയില്‍ നിന്നും രക്ഷിക്കാൻ ജനിച്ച ശക്തിയല്ല ഫ്രെൻഷർ — ഈ പ്രപഞ്ചത്തെയും, പ്രകൃതിയെയും, പിന്നെ ഏറ്റവും ഉന്നതങ്ങളില്‍ നിലനില്‍ക്കുന്ന നിഗൂഢ ശക്തികളെയും, ഉപബോധ ശക്തികളെ പോലും നിയന്ത്രിക്കാനും നശിപ്പിക്കാനും ശേഷിയുള്ള മാരക ആയുധമാണ് ഫ്രെൻഷർ…..”

അൽദീയുടെ വെളിപ്പെടുത്തലുകള്‍ കേട്ട് എല്ലാവരുടെയും വായിൽ നിന്ന് ഭീതിയുടെയും നിസ്സഹായതയുടെയും സീൽക്കാരങ്ങൾ പുറത്തുവന്നു… തുറിച്ച് നിന്ന കണ്ണുകൾ നാനാ ദിക്കിലും സഞ്ചരിച്ചു…. പല അവ്യക്തമായ ചോദ്യങ്ങളും ശബ്ദങ്ങളും അന്തരീക്ഷത്തില്‍ നിറഞ്ഞു നിന്നു.

അവസാനം എല്ലാ ശബ്ദങ്ങളും അടങ്ങി… എല്ലാവരും അൽദീയയെ തുറിച്ചുനോക്കി.

“പക്ഷേ ഫ്രെൻ എന്തിനാണ് നിന്നെ സൃഷ്ടിക്കാന്‍ ഞങ്ങളെ പ്രേരിപ്പിച്ചത്, അൽദീയ…? ഞങ്ങളെ അവന്‍ എങ്ങനെയാണ് പ്രേരിപ്പിച്ചത്…?” സമാധാനത്തിന്‍റെ ദൈവമായ ഏറെൻ ചോദിച്ചു.

കുറച്ചുനേരം അൽദീയ മിണ്ടാതെ നിന്നിട്ട് പറഞ്ഞു —,

“അവ്യവസ്ഥ-ശക്തി അതിന്റെ ജീവ ഊര്‍ജ്ജത്തിൽ നിന്നും ഫ്രെന്നിനെ സൃഷ്ടിച്ചു… ‘സൃഷ്ടി ശക്തിയും’ ‘നശീകരണ ശക്തിയും’ ‘നിഗൂഢ ശക്തികളും’ ‘ഉപബോധ ശക്തികളും’ അവരവരുടെ ജീവ ഊര്‍ജ്ജത്തിൽ നിന്നും ഫ്രെന്നിന് നല്‍കി….

പക്ഷേ ഫ്രെൻ എത്രതന്നെ ശക്തന്‍ ആയിരുന്നെങ്കിലും നിഗൂഢ-ഉപബോധ ശക്തികളുടെ ജീവ ഊര്‍ജ്ജവും മറ്റുള്ള ശക്തികളുടെ ജീവ ഊര്‍ജ്ജവും ഒരുമിച്ച് പ്രവർത്തിച്ച് ഫ്രെന്നിന്റെ തൊണ്ണൂറു ശതമാനം ശക്തിയെയും ബന്ധനത്തില്‍ ആക്കി. അവന്റെ തിരിച്ചറിവിനെയും ഏറെകുറെ പൂര്‍ണമായി തുടച്ചു നീക്കി. അവന്റെ മനഃശക്തിയിൽ തൊണ്ണൂറ്റിയഞ്ച് ശതമാനത്തോളം നിയന്ത്രണം സൃഷ്ടിച്ചു ഏറെക്കുറെ പ്രവർത്തനരഹിതമാക്കി. എന്നിട്ട് ആ എല്ലാ ജീവ ഊര്‍ജ്ജ ശക്തികളും ചേര്‍ന്ന് അവനെ നിയന്ത്രിക്കാനും ശ്രമിച്ചുകൊണ്ടിരുന്നു.

പക്ഷേ അതെല്ലാം സംഭവിച്ചിട്ടും ഫ്രെൻ ഞങ്ങളുടെ ശക്തിക്കെതിരേ പോരാടാന്‍ തന്നെ തീരുമാനിച്ചു….”

അതുകേട്ട് ഞങ്ങൾ അന്തിച്ചു നിന്നു.

“എന്നാൽ അവന്റെ ശേഷിച്ച വെറും പത്തു ശതമാനം ശക്തിയും.. അഞ്ച് ശതമാനം മനഃശക്തിയും ഉപയോഗിച്ച് അവന് അവന്റെ ബന്ധനത്തില്‍