നിഴലായ് അരികെ -8 [ചെമ്പരത്തി] 369

വസുന്ധരാമ്മ അടുക്കളയിലേക്കും നീങ്ങി…

 

എങ്ങോട്ട് പോകേണ്ടൂ എന്നറിയാതെ പ്രകാശ് ഇരുന്നു വീർപ്പുമുട്ടി…

 

“നിങ്ങൾ എന്താ കുട്ടികളെ ഇവിടെ….??? ”

അവസാനം പ്രകാശ് ചോദിച്ചു….

 

“ഞങ്ങൾ ഇവിടെ ഒരു കൂട്ടുകാരിയെ കാണാൻ വന്നതാ അച്ഛാ……. അപ്പോൾ അവളാ പറഞ്ഞത് നന്ദൻ സാറിന്റെ വീടിവിടാണെന്നു.അങ്ങനെ കയറിയതാ… ”

 

“മ്മ്….

പ്രകാശ് കനത്തിൽ ഒന്ന് മൂളി.

 

“നന്ദൻ പറഞ്ഞിട്ട് ഞങ്ങൾ കുട്ടിയുടെ  വീട്ടിൽ വന്നിരുന്നു. പക്ഷെ വീട്ടുകാർക്ക് ഈ കാര്യത്തിൽ ഒരു താല്പര്യം ഇല്ലാന്ന് തോന്നണല്ലോ…. അപ്പൊ പിന്നെ അവർക്കു ഇഷ്ടമില്ലാത്ത കാര്യവുമായി മുന്നോട്ട് പോകണോ…???? ”

 

“അയ്യോ അച്ഛാ… അത്… എന്നെ പഠിപ്പിക്കുന്ന സർ ആണെന്ന് പറഞ്ഞപ്പോൾ ഉള്ള ഒരു വിഷമം ആണ്…. എല്ലാവർക്കും എന്റെ ഇഷ്ടം ആണ് പ്രധാനം…. ”

 

 

ഒന്ന് തലയാട്ടിയിട്ടു പ്രകാശ് എഴുന്നേറ്റു.

“എനിക്കൊന്നു അർജന്റ് ആയി പുറത്തു പോകേണ്ട ആവശ്യം ഉണ്ട്….. നിങ്ങൾ ചായകുടിച്ചിട്ടേ പോകാവൂ….. ”

 

“മ്മ്… ശരി അച്ഛാ….. ”

പ്രിയ പതിയെ പറഞ്ഞു.

 

“അച്ഛൻ എങ്ങടേക്കാ പെട്ടന്ന്??… ”

എന്ന നന്ദന്റെ ചോദ്യത്തിന് മറുപടി പറയാതെ

മുഖത്തെ ഇഷ്ടക്കേട് ഒളിപ്പിച്ചു, വണ്ടിയുടെ കീയും എടുത്തു അയാൾ പുറത്തേക്കു നടന്നു…

 

“ഇനി പറയൂ… നിങ്ങൾ എന്തിനാ വന്നത്???? ”

നന്ദൻ പ്രിയയുടെ മുഖത്തേക്ക് സൂക്ഷിച്ചു നോക്കി…..

 

“ഇവൾക്ക് സാറിനെ കാണണമെന്ന് വാശി അങ്ങനെ പോന്നതാണ്……. ”

മറുപടി പറഞ്ഞത് നിരഞ്ജന ആയിരുന്നു..