നിഴലായ് അരികെ -8 [ചെമ്പരത്തി] 369

“സോറി…….സർ. അത് പെട്ടന്നുള്ള വെപ്രാളത്തിൽ  വിളിച്ചു പോയതാ ”

 

“സാറോ….???? അതൊക്കെ കോളേജിൽ മ്മ്മ്മ്……ഇനി മുതൽ നീയെന്നെ പഴയപോലെ ദേവേട്ടാ എന്ന് വിളിച്ചാൽ മതി…. കോളേജിൽ അല്ല നമുക്കിടയിൽ മാത്രം….. കേട്ടല്ലോ ”

 

 

അടക്കിപ്പിടിച്ചൊരു നിശ്വാസം അവളിൽ നിന്നു പുറത്തു വന്നു.. ഒപ്പം നിരഞ്ജനയുടെ കൈയിൽ മുറുകിയിരുന്ന കയ്യും അയഞ്ഞു….. അതോടൊപ്പം അവൾ ശരിയെന്നു തലയാട്ടി.

 

“ആരാ നന്ദൂട്ടാ അവിടെ???? ”

 

“അമ്മയാണ്….”

പ്രിയയോടായി പറഞ്ഞിട്ട്  നന്ദൻ വിളിച്ചു പറഞ്ഞു

“നമുക്ക് രണ്ട് സ്പെഷ്യൽ ഗസ്റ്റ്‌ ഉണ്ടമ്മേ… ”

 

“നിങ്ങൾ അകത്തേക്ക് വാ…. ”

നന്ദൻ രണ്ടുപേരെയും വിളിച്ചു അകത്തേക്ക് നടന്നു…

“ഈ കുട്ടികൾ ഏതാ  നന്ദൂട്ടാ….. ”

 

ഇതാണ് ഞാൻ പറഞ്ഞ ആള് …. പ്രിയ.അത് നിരഞ്ജന… പ്രിയയുടെ കൂട്ടുകാരി ആണ്….പ്രിയാ ഇത് അച്ഛൻ, ഇത് അമ്മ….ഇവർ രണ്ടുപേരും ആര്യ മിസ്സിന്റെ പപ്പയും മമ്മിയും ആണ്.

പ്രിയ എല്ലാവരെയും നോക്കി മനോഹരമായി ഒന്ന് പുഞ്ചിരിച്ചു..

 

നന്ദൻ ഇരുവരെയും പരിചയപ്പെടുത്തിയപ്പോഴേക്കും പക്ഷെ  എല്ലാവരുടെയും മുഖത്തെ തെളിച്ചം പോയ്‌ മറഞ്ഞു.

 

“ഓ… ഇതാണല്ലേ ആള്… ഞങ്ങൾ വീട്ടിൽ വന്നപ്പോൾ അവിടുണ്ടായിരുന്നില്ല അല്ലെ..?? ”

 

“ഇല്ലായിരുന്നു അങ്കിൾ….. വളരെ അത്യാവശ്യം ആയി ഒരിടത്തു പോകേണ്ടി വന്നു…. അതാണ്…… ”

 

” മ്മ്.. ശരി…. ന്നാ പിന്നെ ഞങ്ങൾ ഇറങ്ങുവാ….. നിങ്ങൾ സംസാരിച്ചിരിക്കൂ……”

നന്ദനോടായി പറഞ്ഞിട്ട്, ഫിലിപ്പ്, എമിലിയെയും വിളിച്ചു പുറത്തേക്കിറങ്ങി….

 

“നിങ്ങൾ ഇരിക്ക് കുട്ട്യോളെ….. ഞാൻ ചായയെടുക്കാം…..”