നിഴലായ് അരികെ -12 [ചെമ്പരത്തി] 379

അറിയിച്ചു തന്നെ ആണ് ഇരു വീട്ടുകാരും നടത്തുന്നത്….ആദ്യം അമ്പലത്തിൽ വച്ചു താലി കെട്ടിന് ശേഷം, വൈകുന്നേരത്തോടെ  വീടിനടുത്തുള്ള ഓഡിറ്റോറിയത്തിൽ ഇരു വീട്ടുകാരും കൂടി ആഘോഷമായ റിസപ്ഷൻ ആയിരുന്നു പ്ലാൻ ചെയ്തിരുന്നത്……

വീട്ടിലെത്തിയ വാശി പിടിച്ചു മുഖം കറുപ്പിച്ചിരുന്ന നന്ദനെ, പ്രകാശ് നിർബന്ധിച്ചു ഫ്രഷ് ആകാൻ പറഞ്ഞു വിട്ടു…… വന്ന കുടുംബക്കാരിൽ പലരും നന്ദന്റെ ഭാവം കണ്ടിട്ട്, അവനു ഈ വിവാഹത്തിനു സമ്മതം അല്ലെ എന്ന് പ്രകാശിനോട് ചോദിച്ചിരുന്നു….. അതും കൂടി അറിഞ്ഞ നന്ദൻ എന്തോ തീരുമാനിച്ചുറപ്പിച്ചത് പോലെആണ് ഫ്രഷ് ആകാൻ കയറിയത്….

പുറത്തിറങ്ങിയ നന്ദനെ,കസിൻസ് എല്ലാവരും കൂടി പിടിച്ചിരുത്തി ബ്രേക്ക്‌ഫാസ്റ്റ് കഴിപ്പിച്ചു.. അതിനു ശേഷം പുതുമണവാളൻ ആയി ഒരുക്കി…

ഗോൾഡൻ കരയുള്ള മുണ്ടും ലൈറ്റ് ഗോൾഡൻ കളർ ഷർട്ടും ലെതർ ഹാഫ് ഷൂ വും ആയിരുന്നു നന്ദന്റെ വേഷം…. താടി വളരെ ഭംഗിയായി ഡ്രിം ചെയ്തു… കഴുത്തിൽ അധികം കനം ഇല്ലാത്ത ഒരു ഇറക്കം കുറഞ്ഞ മാലയും, വലം കയ്യിൽ ഒരു തടിച്ച ബ്രേസ്ലെറ്റും ഉണ്ടായിരുന്നു…..നെറ്റിയിൽ ഒരു ചന്ദന കുറിയും….. ഒരുങ്ങിയിറങ്ങിയ നന്ദനെ കണ്ടു അവിടെ ഉണ്ടായിരുന്ന പലമുഖങ്ങളിലും അസൂയയും, നഷ്ടബോധവും നിഴലിച്ചിരുന്നു….

മനസ്സ്,കുലംകുത്തിയോഴുകുന്ന നദി പോലെ ആശാന്തമെങ്കിലും നന്ദന്റെ മുഖം പ്രസന്നമായിരുന്നു….. പക്ഷെ വിളറിയ കണ്ണുകൾ വരച്ചു കാട്ടിയിരുന്നു അശാന്തമായ അവന്റെ മനസിനെ..,…

10.30 യോടെ നന്ദനും വീട്ടുകാരും അടുത്തുള്ള ഭഗവതി ക്ഷേത്രത്തിൽ എത്തി…. നന്ദൻ കാറിനുള്ളിലെ എസിയിലും വിയർക്കാൻ തുടങ്ങിയിരുന്നു…. തന്റെ ശരീരം വല്ലാതെ ചൂടാകുന്നതും നെഞ്ചിടിപ്പ് കൂടുന്നതും നന്ദന് പെട്ടന്ന് തന്നെ മനസിലായി….. അവൻ കയ്യിലിരുന്ന ടവൽ കൊണ്ട് ഇരു കയ്യും മുഖവും കഴുത്തും പതിയെ ഒപ്പിയെടുത്തു…..കാറിലിരുന്ന വെള്ളത്തിന്റെ ബോട്ടിൽ എടുത്തു വായിലേക്ക് കമിഴ്ത്തി….

നന്ദന്റെ വെപ്രാളം കണ്ട, കാർത്തിക് പതിയെ അവന്റെ കൈ പിടിച്ചമർത്തി….

അവൻ ഏതാനും തവണ ശ്വാസം വലിച്ചു വിട്ടു…അവൻ സാവധാനം നോർമൽ ആയി….

10.45 ആയപ്പോഴേക്കും ആര്യയും ബന്ധുക്കളും അങ്ങോട്ടേക്ക് എത്തിച്ചേർന്നു….കാറിൽ നിന്നിറങ്ങിയ ആര്യയെ കണ്ട് നന്ദന്റെ കണ്ണ് മിഴിഞ്ഞു….