നിഴലായ് അരികെ -12 [ചെമ്പരത്തി] 379

 

എമിലി വേഗം ഫിലിപ്പിനെയും വിളിച്ചു വീട്ടിലേക്കു നടന്നു….

 

 

 

 

അടുത്ത മാസം പകുതിയോടെ കല്യാണം നടത്താം എന്ന് എല്ലാവരും കൂടി തീരുമാനം എടുത്തിരുന്നു ….

 

 

 

 

 

വിവാഹത്തീയതി അടുത്തതോടെ   ഒരുക്കങ്ങൾ തുടങ്ങി… കല്യാണം വിളിതുടങ്ങി……. ബന്ധുക്കൾ അധികം ഇല്ലെങ്കിലും സുഹൃത്തുക്കളും അയൽക്കാരും ആയിട്ട് കുറെയേറെ പേർ ഉണ്ടായിരുന്നു…..ആദ്യം   അമ്പലത്തിൽ വച്ചു കല്യാണം നടത്തിയതിനു ശേഷം പിന്നീട് രെജിസ്റ്റർഓഫീസിൽ വച്ചു ഒപ്പിടാം എന്ന് എല്ലാവരും കൂടി തീരുമാനിച്ചിരുന്നു…..

വിവാഹ വസ്ത്രങ്ങളും സ്വർണവും മറ്റും എടുക്കാൻ ഉള്ള തിരക്കിലായി എല്ലാവരും…..

 

ആര്യയെ കാണാനും സംസാരിക്കാനും ഒന്നും നന്ദനെ  ആരും സമ്മതിച്ചിരുന്നില്ല……

 

അവളുടെ ഫോൺ എമിലിയുടെ കയ്യിൽ ആയിരുന്നു…..

 

ആര്യയെ ഒറ്റക്ക് കിടത്താതെ എമിലിയുടെ റൂമിലേക്ക്‌ മാറ്റി…. ഫിലിപ്പ് തൊട്ടടുത്ത റൂമിലും…..

 

റോബിൻ പോലും നന്ദൻ വിളിച്ചാൽ എടുക്കാതായി ……..

അവൻ ആകെ ഭ്രാന്ത്‌ പിടിച്ച അവസ്ഥയിൽ ആയി……

 

ആഭരണങ്ങൾ എടുക്കാനും ഡ്രസ്സ്‌ എടുക്കാനും പോയപ്പോൾ നന്ദൻ ആര്യയോട് സംസാരിക്കാൻ പരമാവധി ശ്രമിച്ചുവെങ്കിലും…..

മറ്റുള്ളവർ അവൾക്കു ചുറ്റും വലയം തീർത്തിരുന്നു……….

 

ആര്യ പോലും തന്നോട് സംസാരിക്കാതെ ഒഴിഞ്ഞു മാറുന്നപോലെ നന്ദന് തോന്നി……

 

ഒരു മാസം കൊണ്ട് അവൻ ആകെ കോലം കെട്ടിരുന്നു…….

 

 

എല്ലാം തീരുമാനിച്ച സ്ഥിതിക്ക് നന്ദന് ഒഴിഞ്ഞു മാറാൻ വേറെ വഴിയില്ലാതായി…… കോളേജിൽ അത്ര അടുത്ത കുറച്ചു പേരെ മാത്രമേ അവൻ വിളിച്ചുള്ളൂ അതും അച്ഛന്റെയും അമ്മയുടെയും നിർബന്ധം കാരണം മാത്രം….

 

 

നന്ദന് ലവലേശം താല്പര്യം ഇല്ലായിരുന്നെങ്കിലും ആഘോഷങ്ങൾക്ക് ഒരു കുറവും വന്നില്ല………