നിയോഗം 2 Dark World Part X (മാലാഖയുടെ കാമുകൻ) 1563

“അർച്ചന.. മോളെ… “

മെറിൻ അർച്ചനയുടെ മുഖം പിടിച്ചു നോക്കി..

അടി കിട്ടി ചുവന്നു ഇരുന്നിരുന്നു.. മെറിൻ വല്ലാത്ത കുറ്റബോധത്തോടെ അവളെ നോക്കി.. മീനു ഇതൊക്കെ വിശ്വസിക്കണമോ വേണ്ടയോ എന്ന അവസ്ഥയിൽ ആയിരുന്നു..

“ചേച്ചി.. കുറ്റബോധം വേണ്ട.. ഞാൻ ഒരു ഡോക്ടർ ആണ്, സഹിച്ചോളാം.. അടിച്ചത് പോട്ടെ…. എന്നാലും അന്യായ ട്വിസ്റ്റ് ആയിപോയി..”

അർച്ചന ചെറിയ ഒരു ചിരിയോടെ മെറിനെ നോക്കി..

“മോളെ.. അവൻ നിന്നെ അടിക്കും എന്നൊന്നും വിചാരിച്ചില്ല.. ഞങ്ങളുടെ ബാക്കപ്പ് നിന്ന ആൾ സിഗ്നൽ തരാൻ അല്പം വൈകി.. അതാണ് അത്ര നേരം സഹിച്ചത്.. “

മെറിൻ അവളുടെ കവിളിൽ തലോടി..

“എന്നാലും പെണ്ണെ… നീ ആള് കൊള്ളാമല്ലോ…”

ലിസ മീനുവിനെ നോക്കി… അവൾ ഒന്ന് ചിരിച്ചു..

“ഒറ്റക്ക് ആയിരുന്നു ചേച്ചി ഞാൻ എന്നും.. എന്റെ മാനം ഇതുവരെ പോകാത്തത് ഞാൻ ഇതുപോലെ ഒക്കെ ആയതുകൊണ്ടാണ്…എന്റെ പഴയ സ്വഭാവം മഹാ അലമ്പ് ആണ്…”

അവൾ പറഞ്ഞതിന് മറുപടി ആയി ലിസ അവളെ കെട്ടിപിടിച്ചു ചുംബിച്ചു…

“അല്ലാ.. അപ്പോൾ നിങ്ങൾ കരച്ചിൽ അഭിനയിച്ചത് ആണോ?”

മീനു അതിശയത്തോടെ ചോദിച്ചു.. അത് കേട്ടപ്പോൾ മെറിൻ ചിരിച്ചു..

“മോളെ.. ഒരു പെണ്ണായ നീ തന്നെ ഇത് ചോദിക്കണോ? വി ക്യാൻ ഇവൻ ഫേക്ക് ആൻ ഓർഗാസം.. ഇസ്ന്റ്‌ ഇറ്റ് ലിസ?”

“ഓ സോറി.. ആം നോട് ഇൻ ഫോർ ദാറ്റ്..”

ലിസ ചിരിച്ചു.. മീനുവും അർച്ചനയും കൂടി ചിരിച്ചു.

“നിങ്ങൾ വീട്ടിലേക്ക് പൊയ്ക്കോളൂ.. പേടിക്കണ്ട.. പുറകിൽ ഒരാൾ ഉണ്ടാകും…”

മെറിൻ അർച്ചനയോട് പറഞ്ഞു..മെറിൻ ആ പിസ്റ്റൾ സീറ്റിന്റെ അടിയിൽ വച്ച് കൊടുത്തു.

അർച്ചന ഡ്രൈവിംഗ് സീറ്റിൽ കയറി.. മീനുവും ഫ്രണ്ടിൽ കയറി..

അവൾ മെറിനെ നോക്കി വണ്ടി മുൻപോട്ട് എടുത്തു..

ഫോർച്യുനർ റോഡിലേക്ക് കയറിയപ്പോൾ പുറകിൽ കറുത്ത ഹോണ്ട ആഫ്രിക്കൻ ട്വിൻ ബൈക്ക് ഉണ്ടായിരുന്നു…

അതൊരു അകലം വിട്ടു അവരുടെ വണ്ടിയുടെ പുറകെ പോയി.. ഒരു മാലാഖയെപ്പോലെ..

മീനുവോ അർച്ചനയോ അത് കണ്ടില്ല..

“എന്താടീ അവിടെ നടന്നത്? അയാൾ ഒരു പോലീസ് കമ്മീഷണർ അല്ലെ? ഇങ്ങനെ ഒക്കെ….”

അർച്ചന വണ്ടി ഓടിച്ചുകൊണ്ടു മീനുവിനെ നോക്കി..

“എല്ലാം തീരുന്നു എന്ന് വിചാരിച്ചു.. “

മീനു അത് പറഞ്ഞപ്പോൾ അർച്ചന അവളുടെ വലത്തേ കൈ മുറുക്കി പിടിച്ചു…

****

ഒരു വണ്ടി മൈതാനത്തേക്ക് കയറി വന്നു.. ഒരു ഫോഴ്സ് ട്രാവലർ ആയിരുന്നു അത്.

അതിൽ നിന്നും നാലുപേർ ഇറങ്ങി അതിൽ ഒരാൾ മെറിന്റെ അടുത്ത് വന്നു..

“മുഹമ്മദ്.. താങ്ക്സ് ഫോർ കമിങ്.. ആ ജീപ്പിൽ ഉണ്ട്.. എടുത്തോളൂ.. ശ്രദ്ധിക്കണം.. ഞങ്ങൾ നാളെ എത്തും… “

“റോജർ ദാറ്റ്.. മാം..”

അയാൾ നടന്നു ചെന്ന് ഡി എയ്‌ഞ്ചൽസിൽ രണ്ടുപേരെയും ഓരോ കയ്യിൽ അവരുടെ അരയിലെ ബെൽറ്റിൽ പിടിച്ചു പൊക്കി എടുത്തു പോകുന്നത് കണ്ടപ്പോൾ ലിസ മെറിനെ നോക്കി..