ഡെറിക് എബ്രഹാം 18 [അഹമ്മദ് ശഫീഖ് ചെറുകുന്ന്] 227

ഡെറിക് എബ്രഹാം 18
( In the Name of COLLECTOR )

~~~~~~~~~~~~~~~~~~~~~~~~~~

✒️ അഹമ്മദ് ശഫീഖ് ചെറുകുന്ന്

PART 18

Previous Parts

 

“ടോ…സേവിയർ…..

താൻ ഞെട്ടിയോ ആ വാർത്ത കണ്ടപ്പോൾ…? ”

 

“തീർച്ചയായും സാർ…

ഒരിക്കലും സംഭവിക്കാൻ പറ്റാത്തതാണ് നടന്നത്….ഇനിയെന്ത് ചെയ്യും..? ”

 

“എന്ത് ചെയ്യാൻ…

എല്ലാം കഴിഞ്ഞിട്ട് ഇനിയെന്ത് ചെയ്യാനാ…?

ഒരു കാര്യം ശ്രദ്ധിച്ചോ…?

താനും ഞെട്ടി…ഞാനും ഞെട്ടി….

എന്നാൽ തന്റെ അടുത്തിരിക്കുന്നവനെ കണ്ടോ….?

ഒന്നങ്ങട് നോക്കിയേ…

അവന്റെ മുഖത്ത് എന്തെങ്കിലും ഭാവവ്യത്യാസം കാണുന്നുണ്ടോ….? ”

 

അപ്പോഴാണ് സേവിയർ ഡെറിക്കിനെ ശ്രദ്ധിക്കുന്നത്…അവൻ മുഖവും താഴ്ത്തി ചിരിക്കുകയായിരുന്നു…..

 

“ഡെറിക്..

ഇതൊക്കെ കേട്ടിട്ട് തനിക്കെന്താ ഒരു ഞെട്ടലും ഇല്ലാത്തത്…?

നമ്മുടെ പദ്ധതിയൊക്കെ ആകെ താറുമാറാകില്ലേ…

എന്നിട്ടും താനിവിടെ ചിരിച്ചു നിൽക്കുകയാണോ…?

എന്നാലും ഇതെങ്ങനെയാ പുറത്തായതെന്നാണ് എനിക്ക് മനസ്സിലാകാത്തത്….”

 

“താനെന്ത് പദ്ധതിയെ കുറിച്ചാടോ പറയുന്നത്….?

നിന്റെ ആ മഹാനായ സുഹൃത്ത് ചിരിക്കുന്നതെന്തിനാണെന്നറിയോ….? ”