ഡെറിക് എബ്രഹാം 18 [അഹമ്മദ് ശഫീഖ് ചെറുകുന്ന്] 227

 

“ഡെറിക്…”

 

“പറയൂ അജീ…”

 

“താൻ ഇന്നലെ…”

 

“ഹാ… പറയെടോ…”

 

“താൻ ഇന്നലെ ബസിൽ നിന്നിറങ്ങി ആ ചുമരിൽ വരച്ചത്…

അല്ല…

എഴുതിയത് ‘ഡെറിക് എബ്രഹാം’ എന്നാണ്..അല്ലേ….? ”

 

“ഹഹഹ….”

 

അവന്റെ ആ പൊട്ടിച്ചിരിയിൽ തന്നെ അതിനുള്ള മറുപടിയുണ്ടായിരുന്നു…..

ഇത് കേട്ട് ഞെട്ടിയ നാല് പേരും ഡെറിക്കിനെ അന്തം വിട്ട പോലെ നോക്കി നിന്നു…

 

കുറച്ചു നേരത്തെ ഇടവേളയ്ക്ക് ശേഷം , അവർ മുന്നോട്ടുള്ള കാര്യങ്ങളെ കുറിച്ചുള്ള ചർച്ചയായി….

 

“സാർ…ഞങ്ങൾക്കിനി ഒരു രഹസ്യ സങ്കേതം വേണം….

ഇനി ഹെഡ് ഓഫീസിൽ പറ്റില്ല..

അധികം വൈകാതെ തന്നെ സ്റ്റീഫൻ ഞങ്ങളെ തേടിയിറങ്ങും….

അവനൊന്നു ആഞ്ഞു പിടിച്ചാൽ , വിവരങ്ങളൊക്കെ എത്തിച്ചു കൊടുക്കാൻ സാറിന്റെ ആൾക്കാർ തന്നെയുണ്ടാകുമല്ലോ അവിടെ…”

 

അത് കേട്ടപ്പോൾ കമ്മീഷണർക്ക് പിരിയിളകി…

 

“നീ വീണ്ടും എനിക്കിട്ട് കൊട്ടാൻ തുടങ്ങിയല്ലേ…? ”

 

“ഹഹഹ….