ഡെറിക് എബ്രഹാം 18 [അഹമ്മദ് ശഫീഖ് ചെറുകുന്ന്] 227

“മനസ്സിലായില്ല സാർ…”

 

“മീഡിയയെ അവിടെയെത്തിക്കാൻ എന്നോട് പറഞ്ഞത് തന്റെ മുന്നിൽ ചിരിച്ചു നിൽക്കുന്ന മഹാത്മാവ് തന്നെയാണ്….”

 

അത് കേട്ടപ്പോൾ സേവിയറിന്റെ കണ്ണ് പുറത്തേക്ക് തള്ളിപ്പോയി…

 

“അപ്പോൾ സാർ ആണോ ഇതൊക്കെ മീഡിയയെ അറിയിച്ചത്….? ”

 

“അറിയിച്ചത് ഞാൻ തന്നെയാണ്…

പക്ഷേ, അതിങ്ങനെയൊരു പണിക്ക് വേണ്ടിയാണെന്ന് ഞാനറിഞ്ഞോ…? ”

 

തലയിൽ ഇടി വീണത് പോലെ സേവിയർ ഡെറിക്കിനെ തന്നെ നോക്കി നിന്നു…

വീണ്ടും ചോദ്യശരങ്ങൾ ഉയർന്നപ്പോൾ അവൻ എന്തോ പറയാൻ തുടങ്ങുകയായിരുന്നു….അപ്പോഴാണ് അവനൊരു ഫോൺ വന്നത്…ആ കോൾ അറ്റൻഡ് ചെയ്തു കൊണ്ട് അവൻ പുറത്തേക്ക് പോയി….

ഇതൊക്കെ കണ്ട് , സേവിയർ ഒന്നും മനസ്സിലാകാതെ വായും പൊളച്ചു നോക്കി നിൽക്കുകയായിരുന്നു…

 

“സേവിയർ…. താനവിടെയിരിക്ക്…

അവൻ വരട്ടെ..”

 

“എന്നാലും സാർ… അവനെന്തിനാ അവിടെ മീഡിയയെ വിളിച്ചു വരുത്തിയത്…? ”

 

” ആംബുലൻസിന്റെ കൂടെ മീഡിയയുമുണ്ടാകണമെന്ന് പറഞ്ഞപ്പോൾ എനിക്കാദ്യം അത്ഭുതമായിരുന്നു…

പിന്നെ അവനെന്തെങ്കിലും മനസ്സിൽ കണ്ടിട്ടുണ്ടാകും എന്ന വിശ്വാസത്തിൽ തിരിച്ചൊന്നും പറയാതെ മീഡിയയെ അറിയിച്ചു….

പക്ഷേ, ഇന്ന് ന്യൂസിൽ അവന്റെ പേര് വന്നത് കണ്ടപ്പോൾ അവന് പോലും തോന്നിക്കാണും, വിഡ്ഢിത്തമായിപ്പോയെന്ന്..”

 

” മീഡിയ വന്നാലും കൊല്ലപ്പെട്ട വാർത്ത മാത്രമല്ലേ പുറത്ത് വരുള്ളൂ സാർ….