ഡെറിക് എബ്രഹാം 18 [അഹമ്മദ് ശഫീഖ് ചെറുകുന്ന്] 227

“അത് പിന്നെ….”

 

“എന്താണ് സാർ… അതും ചോർന്നു പോകുമെന്ന് താങ്കൾക്ക് സംശയമുണ്ടോ…? ”

 

“ഇല്ല..അതൊരിക്കലും ചോരില്ലാ ”

 

“പിന്നെ വെറുമൊരു പേര് അവനറിഞ്ഞാൽ എന്താണ് പ്രശ്നം സാർ…? ”

 

അത് ശരിയാണല്ലോ എന്ന ഭാവത്തിൽ എല്ലാവരും മുഖാമുഖം നോക്കി…..

 

“ഓക്കേ.. സമ്മതിച്ചു…

പക്ഷേ, അതവനെ അറിയിച്ചത് കൊണ്ടു തനിക്കെന്തെങ്കിലും നേട്ടമുണ്ടോ…?

ഇല്ലല്ലോ…

പിന്നെന്തിനാ ആവശ്യമില്ലാതെ പുലിവാൽ പിടിക്കാൻ പോകുന്നത്…? ”

 

“നേട്ടമില്ലെന്നാര് പറഞ്ഞു സാർ….

നേട്ടം മാത്രമേയുള്ളൂ…”

 

“അതെങ്ങനെ…? ”

 

“നമ്മൾ മീഡിയയെ അറിയിക്കാതെ അവിടെ അവരെ കൊന്നിട്ടാൽ ആ വാർത്ത എവിടെയുമെത്തില്ല…

ഇനി ഏതെങ്കിലും രീതിയിൽ വാർത്തയായാൽ തന്നെ ഒരു ദിവസം മാത്രം ആയുസ്സുള്ള ഒരു കോളത്തിലുള്ള വാർത്ത മാത്രം…

‘ക്രിമിനലുകൾ അജ്ഞാതരാൽ കൊല്ലപ്പെട്ടു ‘വെന്ന്…

അതിനപ്പുറം ഒന്നുമുണ്ടാവില്ലല്ലോ….

സൂത്രധാരനായ സ്റ്റീഫൻ പോലും കരുതുക , കൊന്നത് ആ കൊട്ടേഷൻ സംഘത്തിന്റെ ഏതെങ്കിലും ശത്രുക്കളായിരിക്കുമെന്ന് മാത്രമാണ്..അല്ലേ….? ”

 

“അതെ..

അവനങ്ങനെ വിചാരിക്കുന്നതല്ലേ നമുക്കും നല്ലത് ഡെറിക്…..? ”

 

“ഒരിക്കലുമല്ല…