ഡെറിക് എബ്രഹാം 18 [അഹമ്മദ് ശഫീഖ് ചെറുകുന്ന്] 227

പക്ഷേ , അതിന് പിന്നിലെ ഡെറിക് എബ്രഹാം എന്ന പേര് അവർക്കെവിടുന്ന് കിട്ടി…? ”

 

“ആർക്കറിയാം…തന്റെ സുഹൃത്തിനോട് തന്നെ ചോദിക്ക്…”

 

അപ്പോഴേക്കും ഡെറിക് ഓഫീസിലേക്ക് കയറി വന്നു…..

 

“ഫോണിൽ ആരാണെടോ…..? ”

 

“അത് ഗീതയാണ്…”

 

“എന്തെങ്കിലും വിശേഷമുണ്ടോ…? ”

 

“ഡോക്ടർ അഞ്ജലി, അവളുടെ ഫ്ലാറ്റിലേക്കാണ് അവരെയും കൂട്ടി പോകാൻ പറഞ്ഞതെന്ന് പറഞ്ഞു… ഹോസ്പിറ്റലിനേക്കാൾ നല്ലത് ഫ്ലാറ്റിലല്ലേ എന്ന് ഞാൻ ഇന്നലെ അവളോട് ചോദിച്ചിട്ടുണ്ടായിരുന്നു…”

 

“എന്നിട്ട് ഇപ്പോൾ ഫ്ലാറ്റിലേക്കാണോ പോയത്….? ”

 

“അതെ…അവരെ അവിടെ ഇറക്കിയതിന് ശേഷം ഗീതയോടും അജിത്തിനോടും അവൾ പോയ്ക്കോളാൻ പറഞ്ഞു…

വരണോ, അല്ലാ അവിടെ നിൽക്കണോ എന്ന് ചോദിക്കാൻ വിളിച്ചതാ…”

 

“എന്നിട്ട് താനെന്ത് പറഞ്ഞു….? ”

 

” വന്നോളാൻ പറഞ്ഞു….”

 

“അപ്പോൾ അവിടെ ആവശ്യങ്ങളൊന്നും ഉണ്ടാവില്ലേ…? ”

 

“അവളത് കൈകാര്യം ചെയ്യും..നമ്മൾ ടെൻഷൻ അടിക്കേണ്ട ആവശ്യമില്ല…

ഇനി അഥവാ ആവശ്യം വല്ലതുമുണ്ടെങ്കിൽ ഇവിടുന്ന് അഞ്ച് മിനിറ്റേയുള്ളൂ അവിടേക്ക് ”

 

“എന്നാലും അവർക്ക് ഒറ്റക്ക് ശ്രദ്ധിക്കാൻ പറ്റുമോ ഡെറിക്? “