ഡെറിക് എബ്രഹാം 15 [അഹമ്മദ് ശഫീഖ് ചെറുകുന്ന്] 174

ഫോൺ വെച്ചതിന് ശേഷം ഡെറിക്കും അജിത്തും അവരുടെ ജോലി തുടർന്നു….

“ഡെറിക്…. ഒരു സംശയം ചോദിക്കട്ടെ ? ”

“താൻ ചോദിക്കെടോ…”

“എത്രയോ വണ്ടികൾ അതിർത്തി കടക്കുമ്പോൾ അവരെ കണ്ടു പിടിക്കുന്നത് അത്ര എളുപ്പമാകുമോ…? ”

“ഇല്ല…അതെനിക്ക് നന്നായി അറിയാം…

എന്നാലും ആറു പെൺകുട്ടികൾ അല്ലേ… അത് കൊണ്ട് വാൻ അല്ലെങ്കിൽ മിനിബസ് പോലെയുള്ളതിലായിരിക്കും കൊണ്ടു വരുന്നത്…പെൺകുട്ടികളായത് കൊണ്ട് ലോറി ഉപയോഗിക്കാൻ ശ്രമിക്കില്ല…..അംഗസംഖ്യ കൂടുതലായത് കൊണ്ട് ഡിക്കിയിലോ മറ്റോ മറച്ചു വെക്കാനും സാധിക്കില്ല….ഭീഷണിപ്പെടുത്തിയിട്ടോ ബോധം കെടുത്തിയിട്ടോ ആയിരിക്കാം കൊണ്ട് വരുന്നത്…സ്റ്റീഫന്റെ മുന്നേയുള്ള രീതി മാതൃകയാക്കിയാൽ എല്ലാവരെയും ഒന്നിച്ചു തന്നെ കടത്തും…. അവിടെയാണ് പ്രതീക്ഷ…..”

“അഥവാ.. നമ്മൾ പ്രതീക്ഷിച്ചതിൽ കവിഞ്ഞു അവർ ഏതെങ്കിലും രീതിയിൽ വേലിയും പൊട്ടിച്ചു കടന്നാൽ വേറെന്തെങ്കിലും വഴി കണ്ടു വെച്ചിട്ടുണ്ടോ….? ”

” അങ്ങനെ ചോദിച്ചാൽ ഉണ്ടെന്ന് തന്നെ പറയാം….

അതിർത്തി കടന്നു പോയ വണ്ടികളൊക്കെയും ചെട്ടിയാരുടെ , ഇപ്പോൾ നമ്മൾ കണ്ടു പിടിച്ച നാല് സങ്കേതങ്ങളുടെ ഭാഗത്തേക്ക്‌ പോകുന്നുണ്ടോ എന്ന് നോക്കണം…”