ഡെറിക് എബ്രഹാം 15 [അഹമ്മദ് ശഫീഖ് ചെറുകുന്ന്] 174

“ഓകെ….. ഇനി മുതലങ്ങോട്ട് ശ്രദ്ധിക്കണം…കേരള അതിർത്തിയിൽ നമ്മുടെ കുറച്ചു പോലീസുകാരെ നിർത്തിയിട്ടുണ്ട്…തമിഴ്നാട് അതിർത്തിയിൽ ജയന്ത് സാറും നിയമിച്ചിട്ടുണ്ട്….അവരോട് വളരെ ശ്രദ്ധയോടെ തന്നെ പരിശോധിക്കാൻ പറഞ്ഞിട്ടുണ്ട്…

അവരുടെ ബട്ടണുകളിൽ ക്യാമറയും ഘടിപ്പിച്ചു വെച്ചിട്ടുണ്ട്… അത് വഴി നിങ്ങൾക്കും ഓരോ വണ്ടികളും പരിശോധിക്കാം…

അവർക്ക് നിരന്തരം നിർദ്ദേശങ്ങൾ കൊടുത്തു കൊണ്ടേയിരിക്കണം…

ആർക്കായാലും സാധാരണ പോലെയുള്ള പരിശോധനയാണെന്നേ തോന്നാവൂ…

അത് പ്രത്യേകം ശ്രദ്ധിക്കണം…

കുട്ടികളെ കുറിച്ചുള്ള വിവരങ്ങളൊക്കെ കിട്ടിയിട്ടുണ്ടാകുമല്ലോ…

അവരുടെ ഫോട്ടോ പരിശോധിക്കുന്നവരുടെ കൈയിൽ ഉണ്ടാകരുത് , മനസ്സിൽ മാത്രമേ ഉണ്ടാകാൻ പാടുള്ളൂ…

അഥവാ കുട്ടികളെ ഏതെങ്കിലും വണ്ടിയിൽ കാണപ്പെട്ടാൽ തന്നെ ഞെട്ടരുത്…ഞാൻ നേരത്തേ പറഞ്ഞത് പ്രകാരം ,മനസ്സിലാകാത്തത് പോലെ തിരിഞ്ഞു നടക്കണം…അല്ലെങ്കിൽ അതവരിൽ സംശയമുണ്ടാക്കും….. അങ്ങനെ ചെറിയൊരു തെറ്റ് ഉണ്ടായാൽ അവർ പ്ലാൻ മാറ്റും…ഈ കുട്ടികളെയും നമുക്ക് നഷ്ടപ്പെടുത്തേണ്ടി വരും… നമ്മുടെ തെറ്റ്‌ കാരണം നഷ്ടപ്പെടാൻ പോകുന്നത് ഒരുപാട് ജീവിതങ്ങളാണ്…

നിങ്ങൾ രണ്ട് പേരും ഇതൊക്കെ പരിശോധിക്കുന്ന ഉദ്യോഗസ്ഥരെ ഇടയ്ക്കിടെ ഓർമപ്പെടുത്തിയേ പറ്റൂ…”

“ഓകെ ഡെറിക്….”

“എന്നാൽ ഓകെ.. എന്തെങ്കിലും ഉണ്ടെങ്കിൽ വിളിക്ക്…..ഞാൻ വെക്കുകയാണ്….”

“ഓക്കേ….”