ഡെറിക് എബ്രഹാം 15 [അഹമ്മദ് ശഫീഖ് ചെറുകുന്ന്] 174

ദൃഢനിശ്ചയത്തോടെയുള്ള ഡെറിക്കിന്റെ വാക്കുകൾ കേട്ടപ്പോൾ അവിടെ കൂടിയിരുന്നവർക്കെല്ലാം വേദനയോടെയാണേലും ഇച്ചിരി ആശ്വാസമായി…

തന്റെ പേരോ മറ്റു വിവരങ്ങളോ പുറത്തറിയരുത് എന്ന് ഓർമിപ്പിച്ചും കൊണ്ട് അവനവരെ യാത്രയാക്കി…

ഈ സമയത്ത് അതിർത്തിയിൽ പരിശോധന തകൃതിയായി നടക്കുകയായിരുന്നു…

വലുതും ചെറുതുമായ ഓരോ വണ്ടികളും സസൂക്ഷ്മമായി പരിശോധിക്കുന്നുണ്ടെങ്കിലും നിരാശ തന്നെയായിരുന്നു ഫലം….

ഗീതയും സേവിയറും കണ്ട്രോൾ റൂം വഴി ക്യാമറയിൽ എല്ലാ അതിർത്തികളും നിയന്ത്രിക്കുന്നുണ്ടായിരുന്നു…കേരള അതിർത്തികളിൽ നിന്നും പരിശോധിച്ചു വരുന്ന വണ്ടികളിൽ നിന്ന് ഒന്നും കണ്ടെത്തിയില്ലെങ്കിലും , തമിഴ്നാട് അതിർത്തിയിൽ വെച്ചും പരിശോധിക്കുന്നുണ്ടായിരുന്നു…..

ഡെറിക്കിന്റെ നിർദ്ദേശപ്രകാരം പരിശോധന നടത്തുന്ന പോലീസുകാരുടെ ബട്ടണിൽ ക്യാമറയും ഘടിപ്പിച്ചിട്ടുണ്ടായിരുന്നത് കൊണ്ട് തന്നെ ,

പോലീസുകാരുടെ കൂടെ ഗീതയ്ക്കും സേവിയറിനും വണ്ടികൾ പരിശോധിക്കാൻ സാധിക്കുന്നുണ്ട്….

പല വണ്ടികളും പരമാവധി പരിശോധിച്ചെങ്കിലും യാതൊരു പ്രയോജനവുമുണ്ടായില്ല…പരിശോധന നടത്തുന്ന പോലീസുകാർക്ക് പോലും മടുത്തു തുടങ്ങി….. നിർത്തി വെക്കാൻ അവർ പല തവണ അപേക്ഷിച്ചെങ്കിലും ഡെറിക്കിനെ വിളിച്ചു പറയാൻ വേണ്ടി രണ്ടു പേർക്കും പേടിയായിരുന്നു..

അത് കൊണ്ട് തന്നെ പാതിരാത്രിയായിട്ടും അവർ പരിശോധന തുടർന്നു കൊണ്ടേയിരുന്നു…

കുറച്ചു സമയം കൂടി കഴിഞ്ഞപ്പോൾ വാളയാർ റൂട്ടിലേക്കുള്ള കേരള അതിർത്തിയിൽ ഒരു മിനിബസ് വന്നു നിന്നു….അസമയത്ത് വന്ന ആ ബസ് കണ്ടപ്പോൾ സേവിയർ പോലീസുകാരോട് അകത്ത് പോയി പരിശോധിക്കാൻ പറഞ്ഞു…..

പക്ഷേ, അവിടെയും പ്രതീക്ഷിച്ചതിന് വകയുണ്ടായില്ല…