കുഞ്ഞുറുമ്പുകളുടെ ലോകം [Fire blade] 152

തോന്നുന്നു…തീരെ ചിന്തിക്കണ്ട എന്നല്ല, ചിലതൊക്കെ ആലോചിച്ചു കോംപ്ലിക്കേറ്റ് ചെയ്യരുത്.. കേട്ടിട്ടില്ലേ dont overthink, just do it എന്ന്… ഇപ്പോ ഇതാ ഈ നിമിഷത്തിലെ സന്തോഷം അത് മാത്രം ചിന്തിക്കൂ അപ്പൊ ലൈഫ് ഇപ്പൊ ഉള്ളതിനേക്കാൾ സൂപ്പർ ആവും…അങ്ങനെ ആവുമ്പോൾ നിങ്ങളെ മനസിലാക്കാനും ആളുകൾ വരും.. സിമ്പിൾ…. ”

അവൻ വളരെ ആവേശത്തോടെ സംസാരിച്ചു കയറി, എനിക്ക് അവൻ പറയുന്നതിലെ പോയിന്റ്‌ മനസിലാവുന്നുണ്ടെങ്കിലും അത് എങ്ങനെ പ്രാവർത്തികമാക്കണമെന്നു ഒരു എത്തും പിടിയും കിട്ടിയില്ല…. ഞാൻ തലക്ക് പെരുപ്പ് കേറിയപ്പോൾ ഒന്ന് ചൊറിഞ്ഞു

” ഈ ലോകത്ത് ആരും മുഴുവൻ പെർഫെക്റ്റ്‌ ആയവരില്ല, ഭൂരിഭാഗം പേരും സ്വയം നമ്മൾ പെർഫെക്റ്റ്‌ ആണെന്ന് വിചാരിച്ചു മറ്റുള്ളവരോട് പെരുമാറുമ്പോ ഉള്ളൊരു പ്രശ്നം, അത്രേ ഉള്ളൂ… !! പിന്നെ ഇതൊക്കെ കേട്ട് ഒരു ഫ്രണ്ടിനെ വേണമെന്നും കരുതി നാളെ മുതൽ അതിനിറങ്ങണ്ട, വെറുതെ ഒരു നേരമ്പോക്കിനുള്ള ഫ്രണ്ട്ഷിപ് അല്ല ആവശ്യം നമ്മുടെ അതേ വേവ് ലെങ്ങ്ത് ഉള്ള എന്തിനും കട്ടക്ക് സപ്പോർട്ട് ചെയ്തും കൂടെ നിക്കുന്ന ഒരാൾ, അത് ആണോ പെണ്ണോ ആകട്ടെ, ഇനിയിപ്പോ കല്യാണം കഴിച്ചു ആ പെണ്ണ് ത്തന്നെ ആയാലും പ്രശ്നല്ല്യ, അങ്ങനൊരാൾ വരുന്നത് വരെ തല്ക്കാലം നിങ്ങൾ സ്വന്തം ലൈഫിൽ ഹാപ്പി ആയി ജീവിക്കാൻ നോക്ക്… ”

എന്റെ പരാക്രമം കണ്ടിട്ടാവണം അവൻ തോളിൽ തട്ടി ആശ്വസിപ്പിച്ചു… പിന്നെ ചായ കൊണ്ട് പോയിരുന്ന ഒരുത്തനെ വിളിച്ചുനിർത്തി രണ്ടു മസാല ചായ വാങ്ങി ഒന്ന് എനിക്ക് തന്നു…

” നിങ്ങൾ ഒരൂസം ഞങ്ങടെ നാട്ടിലേക്ക് വരണം, നമുക്ക് മനുവിനേം കൂട്ടി അടിച്ചുപൊളിച്ചു കുറെ ഓര്മകളൊക്കെ ഉണ്ടാക്കി തിരിച്ചുപോകാം……അമ്മയുടെ ചടങ്ങ് കഴിഞ്ഞു കുറച്ചു കഴിയുമ്പോൾ ഒറ്റക്കായി, ഇനി ഒന്നും ചെയ്യാനില്ല എന്നൊക്കെ തോന്നുമ്പോൾ വിളിക്കണം ഇതാണ് എന്റെ നമ്പർ…. ”

പേർസിൽ നിന്നും കാർഡ്‌ എടുത്തു തന്നശേഷം അവൻ പറഞ്ഞു….ഞാൻ അത് വാങ്ങി എന്റെ പേർസിൽ സൂക്ഷിച്ചു വെച്ചു… എനിക്ക് അറിയാമായിരുന്നു ആ നമ്പർ ആയിരിക്കും എനിക്ക് ഇനിയും ഏറ്റവും ആവശ്യമുള്ളത് എന്ന്..

പ്രണയത്തിനു മാത്രമല്ല ചില സൗഹൃദത്തിനും വല്ലാത്തൊരു ലഹരിയാണ്.. പറഞ്ഞറിയിക്കാൻ പറ്റാത്തത്ര മാസ്മരികത ഉള്ള ലഹരി… ഈ 38 വയസുള്ള ഞാൻ ഒരു 25 വയസിനടുത് പ്രായമുള്ള ഒരു പയ്യനുമായി ഇത്രയധികം മനസ് തുറന്നെങ്കിൽ അത് സൗഹൃദത്തിന്റെ ലഹരി അല്ലാതെ വേറെന്താണ്..

” ഹെലോ….. ”

കണ്ണിന്റെ മുൻപിൽ ഒരു കൈ ഞൊടിക്കൽ കേട്ടപ്പോൾ ഞാൻ പെട്ടെന്ന്