കുഞ്ഞുറുമ്പുകളുടെ ലോകം [Fire blade] 152

” ഏയ്‌, ഓർമ്മിപ്പിക്കാൻ അതിനു ഞാൻ ഇത് മറന്നിട്ടില്ല ടോ…. അമ്മക്ക് ഞാൻ ഒരു ഇള്ളക്കുട്ടിയാരുന്നു, അമ്മക്ക് മാത്രം … എന്നെ ബാക്കി ആർക്കും അങ്ങനെ ഇഷ്ടമൊന്നും ആവില്ല, നാട്ടിലൊക്കെ മോയന്ത് എന്നാണ് വിളിക്കാറ്, അമ്മ ഉള്ളോണ്ട് കണ്ണേ പൊന്നേ ന്നു പറഞ്ഞു ഇതുവരെ എത്തിച്ചു, ഇനി അങ്ങോട്ട്‌ ഒറ്റക്കായി … ”

അത്രേം പറഞ്ഞപ്പോളേക്കും എന്റെ ശബ്ദം ഇടറി, കണ്ണ് നിറഞ്ഞുകവിഞ്ഞു… ശബരി എന്റെ തോളിലൂടെ കയ്യിട്ടു ചേർത്തുപിടിച്ചു… ഞാൻ അവനു മുന്നിൽ എന്റെ കുഞ്ഞുനാൾ തൊട്ടു അനുഭവിച്ചുപ്പോന്ന ഓരോന്നും പറഞ്ഞു തീർത്തു, കെട്ടിക്കിടന്ന സങ്കടങ്ങൾ, ചിന്തകൾ, തോൽവികൾ എല്ലാം കരഞ്ഞും, പതം പറഞ്ഞും എന്റെ മനസ്സിൽ നിന്നും ലാവാപ്രവാഹം പോലെ ഉരുകിയൊലിച്ചു…. കാലങ്ങളായി ആരും കേൾക്കാനോ പറയാനോ ഇല്ലായിരുന്നത് കൊണ്ടാകാം ഒരു ഘട്ടത്തിലും എനിക്ക് നിർത്തുവാൻ സാധിച്ചില്ല, അത് തടസപ്പെടുത്താൻ അവനും ശ്രമിച്ചില്ല….ആരൊക്കെ ശ്രദ്ധിക്കുന്നുണ്ടെന്നോ ഏതൊക്കെ സ്റ്റേഷനിൽ നിന്നും ആളുകൾ കയറുന്നുണ്ടെന്നോ ഒന്നും എന്നെ സ്വാധീനിച്ചില്ല… ഒടുവിൽ എല്ലാം പറഞ്ഞുകഴിഞപ്പോൾ മനസ് വളരെ ഫ്രീ ആയതുപോലെ തോന്നി… എന്നെ കേള്ക്കാനും ഒരാളുണ്ടെന്നു കാണുമ്പോൾ വല്ലാത്ത ഒരു ആശ്വാസം…!!!

” വിളിക്കുന്നവർ എന്തും വിളിച്ചോട്ടെ ചേട്ടാ, അതൊന്നും മൈൻഡ് ചെയ്യണ്ട….. ഈ ലോകം ജയിച്ചവന് മാത്രമുള്ളതൊന്നും അല്ല, അല്ലെങ്കിത്തന്നെ എന്താണീ ജയം….. നിങ്ങടെ ജീവിതത്തിൽ സന്തോഷത്തോടെ ഇരിക്കാൻ പറ്റുന്നുണ്ടോ എന്നതാണ് പ്രധാനം… ഞാൻ മനസ്സിലാക്കിയിടത്തോളം നിങ്ങൾക്കൊരു കുറവേ ഉള്ളൂ, അത് നല്ലൊരു ഫ്രണ്ടിന്റെയാണ്, ചേട്ടനെ കേൾക്കാനും ഇതുപോലെ മനസ് തുറന്ന് സംസാരിക്കാനും ഒക്കേ പറ്റുന്ന നല്ലൊരു ഫ്രണ്ട്…..ഇതിപ്പോ കളിയാക്കുമെന്നുള്ള പേടി കൊണ്ട് നിങ്ങള്ക്കും, നിങ്ങൾ മണ്ടത്തരം പറയുമെന്നുള്ള മുൻധാരണയിൽ നാട്ടിലെ മറ്റുള്ളവരും ഇരുന്നുകൊണ്ട് അവിടെ നല്ലൊരു ഫ്രണ്ട് ഉണ്ടായില്ല… പോട്ടെ, ഇനി അങ്ങോട്ടേക്ക് നല്ലൊരു സുഹൃത്തിനെ നിങ്ങൾ കണ്ടെത്തണം… അപ്പൊ എല്ലാ പ്രശ്നവും തീരും.. ”

അവൻ പറഞ്ഞ ആ കാര്യം എനിക്ക് പുതിയൊരു വെളിച്ചം തന്നു….

” ചേട്ടാ…. എന്നെങ്കിലും പറ്റിയാൽ ചേട്ടൻ എന്റെ നാട്ടിലേക്കു വരണം, അവിടെ എന്റൊരു ചങ്ക് ഉണ്ട്., മനു….. നിങ്ങളോട് ചോദിച്ചില്ലേ നിങ്ങടെ നിൽപ്പ് കണ്ടിട്ട് ട്രെയിനിൽ നിന്നും ചാടുമോന്നു തോന്നിയെന്ന്… പണ്ട് ഊമ്പിച്ചുപ്പോയ ഒരുത്തിക്കു വേണ്ടി ചാവാൻ നോക്കിയവനാണ് ഇന്നു ജീവൻ കൊടുത്തു സ്നേഹിക്കുന്ന ഒരുത്തിയേം കെട്ടി നാട്ടിൽ സുഖായിട്ട് ജീവിക്കുന്നത്… അന്ന് ആ പന്നി ചത്തിരുന്നെങ്കിൽ എന്തായേനെ…”