ഒരു ksrtc യാത്രയിൽ ❣️

Author : Rabi

&nbsp
സോഷ്യൽ മീഡിയ പ്ലാറ്റഫോംമിൽ ആദ്യമായെഴുതിയതാണ്. തെറ്റുകളും പോരായ്മകളും ക്ഷമിക്കുക.

 

ഞാൻ ദിൽബർ ho. എറണാകുളം ജില്ലയിലെ ഒരു ഗ്രാമത്തിൽ പണയ വീട്ടിലാണ് താമസം.

“വീട് “എന്നൊന്നും പറയാനില്ല..

ഒരു ഒറ്റ മുറി.. അതു തന്നെയാണെന്റെ അടുക്കളയും കിടപ്പുമുറിയും..

പതിവു പോലെ അന്നും ജോലിക്കുപോവാനായി അതിരാവിലെ ചിട്ട വട്ടങ്ങളൊക്കെ കഴിച്ചു റെഡിയായി വീടുപൂട്ടി ബസ്റ്റോപ്പിലേക്കു നടന്നു. ബസ്റ്റോപ്പിലേക്ക് ഏതാണ്ട് ഒന്നര കിലോമീറ്ററുണ്ട്.

കോട്ടയത്തെ ഒരു ഗവണ്മെന്റ് സ്ഥാപനത്തിലെ ഓഫീസ് സ്റ്റാഫാണു ഞാൻ. നേരത്തേ എറണാകുളത്തുതന്നെയായിരുന്നു ജോലി. പിന്നെ ട്രാൻസ്‌ഫറായതാണ്.

അപ്പോൾ നിങ്ങൾ വിചാരിക്കും പിന്നെയെന്തിനാ ഈ പണയവീട്ടീ കിടക്കുന്നേയെന്ന്.. അതെന്താണെന്ന് പറഞ്ഞാൽ, എനിക്കരപ്പിരി ലൂസുണ്ടെന്ന് നിങ്ങൾ കരുതുമെന്നതിനാൽ പറയുന്നില്ല.

ഒരഞ്ചുമിനിട്ടു വൈകിയതിനാൽ നടത്തത്തിന്റെ സ്പീഡ് കൂട്ടി.

6:10 ആയപ്പോഴേക്കും സ്റ്റോപ്പിലെത്തി.

രണ്ടുപേർ ബസ്റ്റോപ്പിൽ നിൽപ്പുണ്ടായിരുന്നു. രണ്ടു മധ്യവയസ്‌കന്മാർ..

വഴിയിലൂടെ വന്നപ്പോളെല്ലാം ചെറിയ കാറ്റുണ്ടായിരുന്നു.

തണുത്ത കാറ്റ്..

വിചാരിച്ചതുപോലെതന്നെ നല്ലൊരു മഴ, പെയ്ത്തു തുടങ്ങി. കാറ്റിന്റെയും ശക്തികൂടി. ബസ് സ്റ്റോപ്പിലെ ഷെഡ്‌ഡിൽ കയറിനിന്നിട്ടും., മഴവെള്ളം ഊത്തലടിച്ചു കയറി.

തേച്ചു നിവർത്തിയ ഇളം നീല ഷർട്ടിന്റെ നെഞ്ചിൽ നനവു പടർന്നു.

അകലെ നിന്നും നമ്മടെ ksrtc യുടെ ലൈറ്റു കണ്ടപ്പോൾ ആശ്വാസമായി. ബസ്സു നിർത്തി.