ഒരു ksrtc യാത്രയിൽ ❣️[Rabi] 157

ആ ചുണ്ടുകളിലേക്കൊന്നുകൂടെ നോക്കണമെന്നെനിക്കു തോന്നി .

വേണ്ടാ..

എനിക്ക് നിയന്ത്രിക്കാൻ പറ്റുമെന്ന് തോന്നുന്നില്ലാ..

” ഫാത്തിമ്മക്ക് വിശക്കുന്നുണ്ടോ.. ”

“ഇല്ല.. ”

” നല്ല തണുപ്പ്.. ഒരു ചായ കുടിക്കാം..”

” കുഞ്ഞിനെ ഞാനെടുത്തോട്ടെ …? ”

കുഞ്ഞിനെയെന്റെ കയ്യിൽ നിന്നും വാങ്ങിയവൾ എനിക്ക് മുന്നേ നടന്നു..

പിന്നെ നടത്തത്തിന്റെ സ്പീഡ് കുറച്ചു എന്റെ പിന്നിലായി .

ഞാൻ മനസ്സിൽ ചിരിച്ചു ..

ആ ചിരി കുറച്ച് ചുണ്ടിലും വന്നു .

ഒരു ഉന്തു വണ്ടിക്കാരന്റെയടുത്തു നിന്നും കട്ടനും കേക്കും കഴിച്ചു.

നേരമിപ്പോഴും വെളുത്തിട്ടില്ല. ആകാശത്തെ കറുത്ത മേഖങ്ങൾ ആടയണിയിപ്പിച്ചിരിക്കുകയാണ്.

തിരിച്ചു ബസ്സു കയറാൻ സ്റ്റാൻഡിൽ കാത്തു നിന്നു. അവൾക്കു കുഞ്ഞിനെത്തരാൻ ഭാവമുണ്ടായിരുന്നില്ലാ.

ഒരു ksrtc വന്നു.. ഞങ്ങൾ കയറി..

സീറ്റുകൾ കുറേ ഒഴിവുണ്ടായിരുന്നു ..

മുന്നിലെയൊരു സീറ്റിലേക്ക് നോക്കിയപ്പോൾ ഫാത്തിമയവിടെയിരുന്നു. എനിക്കവളുടെ കൂടെയിരിക്കാനെന്തോ മടി തോന്നി. ഇരിക്കാതെ നിൽക്കുന്നത് കണ്ടപ്പോൾ അവളൊന്നുകൂടെ ഒതുങ്ങിയിരുന്നു. ഞാൻ ഇരുന്നു.

ഞാൻ എന്നിലേക്കും അവളിലേക്കും നോക്കി. അവളുടെ കയ്യിലിരിക്കുന്ന കുഞ്ഞിലേക്കും..

ഒരു കുടുംബം യാത്ര ചെയ്യുമ്പോലെ.

” ഫാത്തിമ്മാ.. എന്റെ കൂടെ വരുന്നതിൽ പേടിയുണ്ടോ..? ”

“ല്ല ” പാത്തി ചെറുതായി ചിരിച്ചു മുഖം ചെരിച്ചു..