ഒരു ksrtc യാത്രയിൽ ❣️[Rabi] 157

അദ്ദേഹത്തിന്റെ ക്ഷീണത്തിന്റെയാകാം. അല്ലെങ്കിൽ ജീവിതത്തിൽ തന്നെയുള്ള ക്ഷീണം കൊണ്ടാകാം.

” വാപ്പാടെ കഷ്ടപ്പാട് കണ്ടിട്ട് ഫാത്തിമ ഒരു ജോലി തേടിപ്പോയതാണ്.

വിരോധമില്ലെങ്കിൽ എന്റെയൊരിഷ്ട്ടം പറയാനാണ് ഞാനിവിടെ വരെ വന്നത്.

വാപ്പയുടെ മോളെ നിക്കിഷ്ട്ടായി.

നിക്കാഹു ചെയ്യാനിഷ്ടം അറിയിക്കാൻ.. ”

ഞാൻ പാത്തിയെ നോക്കാതെ തുടർന്നു.

” എന്നെ പറ്റി അന്വേഷിക്കാം..

അഡ്രസ്സ് തരാം. സ്വയം പരിചയപ്പെടുത്താൻ പേരും ജോലിയും സ്ഥലപ്പേരുമേ ഉള്ളൂ..

വാപ്പയുമുമ്മയുമാരുമില്ല.. ”

എന്റെ സംസാരം മുഴുവിപ്പിക്കാനെന്നോണം അദ്ദേഹം പിന്നീടും കുറച്ചു സമയം മൗനം പാലിച്ചു.

” ഈ കുട്ടി…? ”

കണ്ടുമുട്ടലിലെ വാപ്പയുടെ ആദ്യത്തെ സംസാരം! കനമുള്ള ശബ്ദമായിരുന്നു.

“അത്…”

ഞാൻ അടുക്കള വാതിലിനോട് ചേർന്നു നിൽക്കുന്ന പാത്തിയെ നോക്കി . ഉടുമ്പൊട്ടിപ്പിടിച്ചിരിക്കുമ്പോലെ വാവ അവളിൽ ഒട്ടിപ്പിടിച്ചിരിക്കുകയാണ് . ഞാൻ നോക്കിയപ്പോളവളുടെ മുഖം വീണ്ടും ചുമന്നു. മുഖത്തെ കുഞ്ഞിക്കുരുകൾ ഇപ്പോൾ പൊട്ടുമെന്നപോലെ രക്തവർണമായി.

” ആരുമില്ലാത്തൊരു കുട്ടിയാണ്.. ബസ്സിൽ ഒരു സ്ത്രീ ഉപേക്ഷിച്ചു പോയി ”

“മ്മ്..”

” എന്നാ ഞാൻ ഇറങ്ങിക്കോട്ടെ. അന്വേഷിച്ചിട്ട് ഇഷ്ടക്കേടില്ലെങ്കി അറിയിക്കാമോ. നമ്പറിതാ.. ”