ഒരു ksrtc യാത്രയിൽ ❣️[Rabi] 157

” ങും..”

“ഉണരാതെ നോക്കിക്കോ..”

പാത്തിയവളെ കുറച്ചുകൂടി ചേർത്തുപിടിച്ചു ..

സ്റ്റോപ്പെത്തിയപ്പോൾ പാത്തി പറഞ്ഞു.. അങ്ങനെ ഞങ്ങളിറങ്ങി..

മണി 8 :40

അടുത്തുള്ള കടയിൽ നിന്നും കുഞ്ഞിനു കുടിക്കാനുള്ള പാലുംകുപ്പി വാങ്ങി..

ഒരു പെണ്ണായിരുന്നു ആ കടയിൽ..

അവളെന്നെ നന്നായിയുഴിഞ്ഞു നോക്കി.

റോഡ് ക്രോസ്സ് ചെയ്തു. അവിടെ റോഡരികിൽ തന്നെയുള്ള ഹോട്ടലിൽ കയറി പാല് ചൂടാറ്റിയൊഴിച്ചു തരാൻ പറഞ്ഞു കുപ്പിയും കൊടുത്തു .

കിട്ടിയപ്പോൾ ഞാനത് പാത്തിക്ക് കൊടുത്തു .

ഹോട്ടലിലുള്ളവർ ഞങ്ങളെ തുറിച്ചു നോക്കുന്നുണ്ടായിരുന്നു. ഞാൻ ഗൗരവത്തിലിടപ്പെട്ടതു കൊണ്ടായിരിക്കണം.., അവർ ഞങ്ങളോടൊന്നും ചോദിച്ചില്ല. പാത്തിയപ്പോഴും എന്റെപുറകിൽ കുഞ്ഞിനേം പിടിച്ചു തലകുനിഞ്ഞിരിപ്പായിരുന്നു..

കുഞ്ഞിത്ര നേരമായിട്ടും ഉണരാത്തത്തിലെനിക്കു ഭയം തോന്നി.. അതുപുറത്തു കാട്ടാതെ..

“പാല് കൊടുക്കാർന്നല്ലോ ”

കുഞ്ഞിനെയെണീപ്പിക്കാനായി

” മോളേ ..” യെന്ന് വിളിച്ചവൾ അവളെയൊന്ന് കുലുക്കി..

എണീക്കുന്നില്ല ..

എനിക്കാകെ പേടിയായി.. ഇനിയാ സ്‌ത്രീയെങ്ങാനും ഉറങ്ങാനായി കുഞ്ഞിനു വല്ലതും കൊടുത്തിരുന്നോ എന്തോ..

” അവളുടെ മുഖമൊന്ന് വെള്ളം കൊണ്ട് തുടച്ചു നോക്കിയാലോ ..”

ഞങ്ങൾ വാഷ്പേഴ്സൺടെയടുത്തേക്ക് പോയി.

അവൾ കൈ നനച്ചൊന്ന് കുടഞ്ഞിട്ട് കുഞ്ഞാവയുടെ മുഖം തുടച്ചു ..

ഇല്ല.. വാവയുണരുന്നില്ല..