ഒരു ksrtc യാത്രയിൽ ❣️[Rabi] 157

എന്റെ മനസ്സിലെ ആ മിടിപ്പ്.. ഒളിച്ചുവെച്ചുകൊണ്ട്‌ ഞാൻ കതകിനടുത്തേക്ക് നടന്നു. മുമ്പിലാണിരുന്നതെങ്കിലും പിൻ വാതിലിനടുത്തേക്കാണ് ഞാൻ നീങ്ങിയത്.. കുറച്ചു പേർ അവിടെയിറങ്ങുന്നുണ്ട് .. അവളെന്റെ പുറകേ തന്നെയുണ്ട് ..

പിൻസീറ്റുകാലിയായിരുന്നു ..

എന്റെ കൂടെ കയറിയവരുമില്ല..

ആ സ്‌ത്രീയുമില്ല..

ആ സീറ്റിനറ്റം വരെ നോക്കിയപ്പോൾ..

ടർക്കിപൊതിഞ്ഞെന്തോ…

മ്മ്.. അതാകുഞ്ഞാണ്..!

അവിടെയിറങ്ങുന്നവർ ഇറങ്ങിക്കഴിഞ്ഞിരുന്നു..

ഞാനാക്കുഞ്ഞിനെ വാരിയെടുത്തു തോളിൽ കിടത്തി ആരുടെയും മുഖത്തു നോക്കാതെയിറങ്ങി ..

എന്റെ പുറകെ ഫാത്തിമ്മയും..

“ഇതാരുടെ കുഞ്ഞാണ് ..? ” ഞങ്ങളിറങ്ങിക്കഴിഞ്ഞതിനു ശേഷം പാത്തി ആകാംഷയോടെ ..

” ഞാൻ കയറിയ സ്റ്റോപ്പിൽ നിന്നൊരു സ്‌ത്രീ കയറിയിരുന്നു.. ആ സ്ത്രീയുടേതാണ്..”

” അവരെന്താ കുഞ്ഞിനെയെടുക്കാതെ.. ”

”  വേണ്ടായിരിക്കും..”

“അപ്പ യീ കുഞ്ഞിനെയെന്തു ചെയ്യാൻ പോണൂ.. ”

പാത്തിയുടെ അമ്പരന്നു നിക്കുന്ന മുഖം കാണാൻ നല്ല ചേലാണ്..

“കൂടെ കൂട്ടാം..”

പാത്തിയുടെ ചുണ്ടുകൾ ചെറുതായി വിരിഞ്ഞു..

അവളുടെ ചിരി കണ്ടാൽ ആരുടെയും മനസ്സൊന്നു മന്ദഹസിക്കും..