ഒരു ksrtc യാത്രയിൽ ❣️[Rabi] 157

പല്ലിളക്കും മാതിരിയൊരടിയായിരുന്നു. കവിളിൽ വേദന നന്നേയുണ്ട്..

ഞാനവളെയൊന്ന് പാളിനോക്കി..

എന്നെയൊന്ന് നോക്കുക പോലും ചെയ്യാതെ മുഖം താഴ്ത്തിയിരിപ്പാണ്..

ധൈര്യവും ഗൗരവവുമുണ്ടായിരുന്ന ആ മുഖമിപ്പോൾ വിളറിയിട്ടുണ്ട്..

കണ്ണുനീർ അവൾക്കു നിയന്ത്രിക്കാൻ പറ്റാത്തവണ്ണമൊരു തോടുപോലൊഴുകുന്നുണ്ട്..

ഞാനപ്പോളൊന്നും ചോദിച്ചില്ല.

അവൾ മുഖം ടവൽ കൊണ്ട് തുടച്ചു.. എന്റെ മുഖത്തേക്ക് ഒറ്റ നിമിഷത്തേക്ക് വെട്ടിച്ചു നോക്കി.

” ബാപ്പയാണല്ലേ ..? ”

“ഉം ”

” എന്റെ പേര് ദിൽബർ ..

ടൗണിനടുത്തുതന്നാണു താമസം..

കോട്ടയം ഇന്നായിൽ ജോലിക്കു പോകുന്ന വഴിയാണ്‌..

നിന്റെ പേരെന്താണ് ..? ”

അവൾക്കായൊരടിവാങ്ങിയ അവകാശത്തിൽ സ്വയം പരിചയപ്പെടുത്തിയതിനു ശേഷം ഞാൻ ചോദിച്ചു .

” ഫാത്തിമ‌ കമാൽ ”

“ങ്ഹാ.. അപ്പ കമാൽക്കയായിരുന്നല്ലേ അത് ..” ഞാൻ ചിരി കലർത്തി ചോദിച്ചു..

അവൾ ഭാവവിത്യാസമില്ലാതെ മൂളി..

“നിന്നെ കഷ്ടപ്പെട്ട് വളർത്തിയ ബാപ്പയല്ലേ മോളേ.. നീയെന്തിനാ ആ വാപ്പയേം ഉമ്മാനേമൊക്കെ വിട്ടിട്ട് പോണേ.. ” ഞാൻ വാത്സല്യ ഭാവത്തോടെ ചോദിച്ചു ..

മറുപടിക്കായ്‌ കാതോർത്തെങ്കിലും ഒന്നും മൊഴിഞ്ഞില്ല.

” തിരിച്ചു പോകുന്നോ ..?വാപ്പയിതൊക്കെയങ് ക്ഷമിക്കുമെന്നേ..

ഉം ..? “