ഒരു ksrtc യാത്രയിൽ ❣️[Rabi] 157

അവളുടെ മുഖത്തേക്കൊരു പ്രാവശ്യംകൂടി നോക്കുക പോലും ചെയ്യാതെ ബാഗുമടിയിൽ വെച്ച് സീറ്റിൽ തലചാഴ്ച്ചു ഞാൻ കണ്ണുകളടച്ചു..

തൊട്ടടുത്തു ഒരു പെണ്ണിരിക്കുന്നതിനാലാണോ എന്തോ.. ഉറക്കം വരുന്നില്ല..

എന്നാലും ഞാൻ കണ്ണു തുറന്നില്ല..

ഘ്രാണ ശക്തിയും ശ്രവണശക്തീമെല്ലാമിരട്ടിച്ചപോലെ..

എനിക്കെല്ലാ ചെറിയ ശബ്ദവും കേൾക്കാൻ പറ്റുന്നുണ്ട്. അവളുടെയടുത്തിരിക്കുമ്പോൾ മുലപ്പാലിന്റെ മണം..

ഈ കൊച്ചുകുട്ടികൾക്കൊക്കെയുള്ള ആ മണമില്ലേ.. അത്..

അവളൊന്നനങ്ങിയപ്പോൾ കൈമുട്ടോ കയ്യോ എന്റെ ദേഹത്തു കൊണ്ടു..

ഹോ.. എർത്തടിച്ചപോലെ ..

നുമ്മള് പെണ്ണുങ്ങളുമായി ചെറുപ്പം തൊട്ടേ വലിയ കമ്പനിയൊന്നുമില്ലാത്തതിനാലാവ ണം എന്തോ പ്രത്യേകൊരനുഭൂതിയോ.. ഇക്കിളിയോ.. എനിക്കൊരു വിറവന്നു..

ഷർട്ടിലെ ചെറിയ നനവും ഇതുംകൂടി ആയപ്പോൾ.. ഇനിയെന്തായാലും ഉറക്കം വരുമെന്ന് തോന്നുന്നില്ല..

ഞാനൊന്നനങ്ങുകപോലും ചെയ്യാതെ ഒരു പ്രതിമയെപ്പോലിരുന്നു.

കുറച്ചു കഴിഞ്ഞപ്പോൾ ഒരു ഗട്ടറിൽ വീണപ്പോൾ പിന്നെയും അവളുടെ കൈ എന്റെ ദേഹത്തുരുമ്മിപ്പോയി..

ഹാ.. എന്താ പറയേണ്ടത്.. ശരീരം കുളിരുകോരി..

എനിക്കവളെയൊന്ന് കാണണമെന്ന് തോന്നി. ഞാൻ പതിയെ കണ്ണുകൾ തുറന്നു ഇടം കണ്ടിട്ടു നോക്കി. മഞ്ഞച്ചുരിദാറും ഇളം ഓറഞ്ചു പാന്റ്‌സും.. നല്ല ഭംഗിയുണ്ട്..

പാന്റ്സിന്റെ അതേ നിറത്തിലുള്ള ഷാളും. അതുകൊണ്ടവൾ മുടിയും മാറും മറച്ചിരുന്നു .

അവളുടെ മുഖം വെളുത്തിട്ടാണ്. ചുണ്ടുകൾക്കത്ര ചുവപ്പില്ല..

അതിന്റെ നിറമെന്താണ്..