ഒന്നും ഉരിയാടാതെ 31 [നൗഫു] 4969

“എടി.. നിന്നോട് പറഞ്ഞാൽ മനസിലാകില്ലേ.. അതോ.. നിന്റെ മനസിൽ ഇപ്പൊ അജ്മലിനെക്കാൾ വലുതായോ ഈ പീറ ചെറുക്കൻ…”

“”അജ്മലും നീയും എന്നെ കൊണ്ട് കെട്ടിയാടിച്ച വേഷത്തിലെ റിസൾട്ട്‌ ആണ് ഇത്.. നിനക്കും അജ്മലിനും ഒരു വിചാരം ഉണ്ടാകും അവൻ നാട്ടിലെത്തി എന്നെ വിളിച്ചാൽ ഞാൻ കൂടെ ഇറങ്ങി വരുമെന്ന്… വന്നിരുന്നേനെ എന്റെ വിവാഹത്തിന്റെ, എന്റെ ഉപ്പ എനിക്കായ് ഇവന്റെ കയ്യിൽ ഏൽപ്പിക്കുന്നതിന് മുമ്പ് വന്നു വിളിച്ചിരുന്നേൽ.. അല്ലേൽ അന്ന് ആ കല്യാണാലോചന വന്ന സമയം ഞാൻ നിന്റെ കൂട്ടുകാരനെ വിളിച്ചു ഈ വിവാഹം മുടക്കാൻ പറഞ്ഞപ്പോൾ… അല്ലെ എന്നോട് അവൻ ആലോചന ഒഴിവാക്കി ഇഷ്ട്ടമല്ലെന്ന് പറയാൻ പറഞ്ഞിരുന്നേൽ.. തീർച്ചയായും അജ്മൽ എന്നുള്ള നാമം കൊണ്ട് ഞാൻ തന്നെ മുടക്കിയേനെ.. ഇന്നിപ്പോൾ എന്റെ മനസിൽ മഹർ തന്നവൻ ആണ് ഇവൻ… ഇവനെ എനിക്ക് അറിയാം,.. സ്നേഹിക്കാൻ മാത്രം അറിയുന്നവൻ.. നാജിയുടെ മുന്നിൽ ഒരുപാട് പേര് വന്നു പോയിട്ടുണ്ട്… അവരെല്ലാം എന്തേലും കാരണം കൊണ്ട് എന്നിൽ നിന്നും വിട്ടു പോയവർ ആണ്… പക്ഷെ എന്തിന്റെ പേരിൽ ആണേലും എന്നോട് ഒരു കുഞ്ഞു വഞ്ചന കാണിക്കാൻ ബാവുവിന് കഴിയില്ല.. അത് എനിക്ക് ഇത്ര ദിവസം കൊണ്ട് തന്നെ മനസിലാക്കുവാൻ സാധിച്ചുവെങ്കിൽ…””