ഒന്നും ഉരിയാടാതെ 31 [നൗഫു] 4969

❤❤❤

“”ജാബിറെ നീ പറഞ്ഞത് മുഴുവൻ സത്യമാണ്… ഞാൻ തന്നെ ആണ്…അത് പക്ഷെ നിന്നോടുള്ള ദേഷ്യത്തിൽ ചെയ്തതാണേലും നന്നായി എന്ന് തോന്നുന്നു… ജീവിതം എന്നാൽ നിങ്ങൾക്കൊക്കെ വെറും ആസ്വാദനം മാത്രം ആയിരിക്കും… എന്നാൽ നമ്മുടെ ചുറ്റും ഒന്ന് കണ്ണോടിച്ചാൽ കാണാം.. വിശ്വാസം എന്നത് വലിയ ഒരു സത്യമാണ്.. അത് നമുക്ക് കാണാൻ പറ്റും.. അനുഭവിക്കാൻ പറ്റും, കള്ളമാക്കി മറ്റാനും പറ്റും..

പക്ഷെ അതൊരു സത്യമാക്കി മാറ്റിയാൽ…

നീ ഒന്നോ രണ്ടോ പേരെ ആണോ ചതിച്ചത്.. നിനക്കും ഇല്ലേ ഒരു പെങ്ങൾ.. അവളിൽ കാണാത്ത എന്താണ് നീ മറ്റുള്ളവരിൽ കാണുന്നത്..ഒരു പെണ്ണും നിന്റെ ഇണ ആകാത്ത കാലത്തോളം നീ ചെയ്യുന്നത് തെറ്റാണ്.. ചെയ്തതെല്ലാം തെറ്റ് തന്നെ ആയിരുന്നു.. 

സത്യത്തിൽ എനിക്ക് നിന്നോട് കുറച്ചു ബഹുമാനം ഉണ്ടായിരുന്നു.. അത് വേറെ ഒന്നുമല്ല നീ നാജിയുടെ കൂട്ടുകാരൻ ആണെന്ന് കേട്ടപ്പോൾ.. ഏതൊരു പെണ്ണും കൂട്ടുകാരനെ തിരഞ്ഞെടുക്കുമ്പോൾ തന്നെ ഒരു ബ്രദറിനെ പോലെ കാണാൻ കഴിയുന്നവനെയെ തിരഞ്ഞെടുക്കു… അല്ലേൽ അത് അവൾക് തന്നെ ദോഷം ചെയ്യുമെന്ന് മറ്റാരേക്കാളും അവൾക് അറിയാം.. പക്ഷെ നാജിക് നിന്നെ തിരിച്ചറിയാൻ പറ്റിയില്ല  എന്നെനിക്ക് മനസ്സിലായപ്പോൾ നീ ഒരു ചെന്നായ ആണെന്ന് മനസിലായി..അതിലും ഒരു കുഴപ്പം ഉണ്ട്.. അവ ജീവിതത്തിൽ ഒരു ഇണയുടെ കൂടെ മാത്രമേ ജീവിത കാലം മുഴുവൻ ജീവിക്കൂ.. നിനക്ക് പറ്റിയ ഒരു മൃഗത്തെ പോലും ഉപമിക്കാൻ എന്റെ മുന്നിലില്ല…