രണ്ടാം കെട്ട് [നൗഫു] 1754

അല്ല..

അതെല്ലാം ആ പാവം ചോര നീരാക്കി കല്ലും മണ്ണും ചുമന്നു നടുവും ഉളുക്കി കൊണ്ടു വരുന്ന പണമാണ് … എന്നിട്ടും നിങ്ങക്ക് എന്റെ ഇക്ക സ്റ്റാറ്റസ് കുറഞ്ഞവൻ അല്ലെ…

ഇപ്പോ ഇറങ്ങണം എല്ലാം ഇവിടുന്നു.. ഒന്നിന്റെയും സഹായം ഈ ഷാന ക് വേണ്ട…

ഒരൊറ്റ എണ്ണത്തിനെ ഇനി എന്റെ ഇക്കാന്റെ മുന്നിൽ പോലും കണ്ടു പോകരുത്… കണ്ടാൽ സത്യമായിട്ടും ഞാൻ എന്താണ് ചെയ്യുക എന്ന് എനിക്കറിയില്ല..”

എന്റെ ഉള്ളിൽ നിറഞ്ഞു കവിഞ്ഞ ദേഷ്യം മുഴുവൻ പുറത്ത് വന്നു ഞാൻ ചീറി..

അവരെല്ലാം പെട്ടന്ന് തന്നെ അവിടെ നിന്നും ഇറങ്ങി..

ഇനി എന്ത് ചെയ്യുമെന്ന് എനിക്കൊരു എത്തും പിടിയും കിട്ടുന്നില്ല.. ആരെയാ ഒന്ന് വിളിക്കുക…

ഞാൻ എന്റെ ഫോൺ എടുത്തു ഇക്ക ഇല്ലാത്തപ്പോൾ എന്തേലും ആവശ്യം ഉണ്ടേൽ വിളിക്കാനായി തന്ന ഫോൺ നമ്പറിലേക് വിളിച്ചു..