അഭിരാമി Part 10 241

പിറ്റേന്നത്തെ ആഴ്ച ഒരു ഞായറാഴ്ച ദിവസം, അതിഥി വിളിച്ചത് പ്രകാരം സിദ്ധുവും പൊടി മോളും ആമിയും കൂടി ആമിയുടെ വീട്ടിലേക്ക് പോയി……
വീട്ടിൽ എത്തിയപാടെ വേറെ ആരോ വീടിനകത്തു ഉള്ളത് പോലെ തോന്നി…. അകത്തു കയറിയപ്പോ തന്നെ അവിടെ ഇരിക്കുന്ന ആളെ കണ്ട് ആമി സന്തോഷത്തോടെ ചെന്നു…. നവ്യ ആയിരുന്നു അത്……
അടുത്ത് ചെന്ന് കുറെ നേരം വിശേഷം പറഞ്ഞു…. സിദ്ധുവേട്ടനെയും മോളെയും ഒക്കെ പരിചയപ്പെട്ടു. മോളുടെ കൂടെ കുറച്ചു നേരം ഇരുന്ന് കളിക്കുകയും ഒക്കെ ചെയ്തു അവൾ…

“എന്താണ് മോളേ നവ്യ സർപ്രൈസ് ആയിട്ട് ഒരു വരവൊക്കെ…. മ്മ്….. ”
കളിയാക്കി കൊണ്ട് ഞാൻ അവളോട് ചോദിച്ചു…
നീ ഉദ്ദേശിച്ചത് തന്നെ മോളേ….. കല്യാണം വിളി…. നിന്നെ കാണണം എന്ന് കുറെ നാളായി ആഗ്രഹിക്കുന്നു…. പിന്നേ… അങ്ങോട്ടേക്ക് വരാൻ എന്തോ ഒരു മടി ….. ഇത്തിരി ദൂരവും ഉണ്ടല്ലോ… ഇവിടെയാകുമ്പോ പിന്നേ എല്ലാരേയും ഒന്നിച്ചു കാണാലോ.. അതോണ്ട് വേഗം അതിഥിയെ വിളിച്ചു… വീട്ടിലോട്ട് പോകുന്ന ദിവസം ചോദിച്ചു…. നിന്നെയും പൊക്കാൻ പറഞ്ഞു….. നിനക്കൊരു സർപ്രൈസ്….. എങ്ങനെ ഉണ്ട്….? ”
“നന്നായിട്ടുണ്ട്….. അങ്ങനെ രണ്ട് വർഷത്തെ കാത്തിരിപ്പിനു വിരാമം ആയല്ലേ…. “ചിരിയോടെ ഞാൻ അവളോട് മറുചോദ്യം ചോദിച്ചു….
“പിന്നേ…… പറയാൻ ഉണ്ടോ….. ജാതകവും സമയദോഷവും  ഒക്കെ കാരണം സുന്ദരമായി ജീവിക്കേണ്ട രണ്ട് വർഷമാണ് നഷ്ടമായത്…. ആ…. അതും ഒരു തരത്തിൽ നന്നായി…. അറേഞ്ച് മാര്യേജ് ആയോണ്ട് ആളെ വല്യ പരിചയം ഇല്ലായിരുന്നു…. രണ്ട് വർഷം നന്നായിട്ടങ്ങ് പ്രേമിച്ചു….. ”
ചിരിയോടെ അവൾ പറഞ്ഞു നിർത്തി.
“അപ്പൊ ഞാൻ ആ ചടങ്ങ് അങ്ങ് നടത്തിക്കളയാം… അടുത്ത മാസം 15 നു എന്റെ കല്യാണമാണ്…. തലേന്ന് തന്നെ അവിടെ കുടുംബ സമേതം പ്രേസേന്റ് ആയിരിക്കണം… ”
അത് കേട്ട് ഞാൻ ഒന്ന് പരുങ്ങി…. അപ്പൊ തന്നെ അവളെന്റെ കയ്യിൽ പിടിച്ചു….
“നീ എന്താണ് ആമി ആലോചിക്കുന്നേ… എനിക്ക് മനസിലായി…… എനിക്ക് മനസിലായി… ഹരിയേട്ടനെയും കുടുംബത്തെയും കാണേണ്ടി വരുന്നത് ഓർത്തിട്ടാണോ….? ”
ഞാൻ മറുപടി ഒന്നും പറഞ്ഞില്ല…..
“അവരെ കുറിച്ചൊന്നും നീ ഓർക്കേണ്ട… എനിക്കും ഇപ്പൊ വല്യ അടുപ്പം ഒന്നുമില്ല. പിന്നേ അയൽവാസികൾ അല്ലേ, വിളിക്കാതിരിക്കാൻ പറ്റില്ലല്ലോ, അത്കൊണ്ട് അവിടെ ക്ഷണിച്ചിട്ടുണ്ട്.അവര് വരുമെന്ന് തന്നെ ഉറപ്പില്ല….അവിടത്തെ വഴക്ക് ഒഴിഞ്ഞാലല്ലേ വരാൻ കഴിയൂ…. “ഒരു നെടുവീർപ്പോടെ അവൾ പറഞ്ഞു നിർത്തി….
“വഴക്കോ? “അതിഥി പെട്ടെന്ന് കയറി ചോദിച്ചു…
“ആന്നേ….. അമ്മായിയമ്മയും മരുമോളും തമ്മിൽ അത്ര രസത്തിൽ അല്ലെന്ന് തോന്നുന്നു… മിക്കപ്പോഴും അവിടെ രണ്ട് പേരുടെയും വഴക്ക് കേൾക്കാം.. ഒരിക്കൽ ഹരിയേട്ടന്റെ അമ്മയെ എന്തോ പറഞ്ഞതിന് ഹരിയേട്ടൻ ശരണ്യയെ തല്ലി… അതിനു അവൾ കുഞ്ഞിനേയും കൊണ്ട് ഇറങ്ങി പോകാൻ ഒക്കെ പോയി… വല്യ ബഹളം ഒക്കെ ഉണ്ടായിരുന്നു… അതോടെ ഹരിയേട്ടൻ അടങ്ങി എന്ന് തോന്നുന്നു… മിക്കവാറും വീട്ടിൽ തന്നെ ഉണ്ടാവാറില്ല…. എന്തായാലും വേറെ കെട്ടിയതോടെ അവരുടെ സമാധാനം പടിയിറങ്ങി പോയിട്ടുണ്ട്…. ”
അതിഥിയോടായി നവ്യ പറഞ്ഞു നിർത്തി… അതിഥി ആവേശത്തോടെ കേൾക്കുന്നുണ്ട്…
“എന്തായാലും പുതിയ മരുമോൾ കൊള്ളാം… ഇപ്പൊ അവർക്ക് മനസ്സിലായിക്കാണും എന്റെ ചേച്ചീടെ വില…. “അതിഥി പറഞ്ഞു… ഞാൻ ഒന്ന് ദേഷ്യത്തിൽ നോക്കിയപ്പോൾ അവര് വേഗം വിഷയം മാറ്റി….
എനിക്ക് എന്തോപോലെ തോന്നി… ഒരിക്കലും അവരുടെ ജീവിതത്തിൽ പ്രശ്നങ്ങൾ ഉണ്ടാകാൻ ആഗ്രഹിച്ചിട്ടില്ല….. എന്നെ വേണ്ടെന്ന് പറഞ്ഞപ്പോൾ പോലും….. ഒക്കെ ദൈവം ശരിയാക്കി കൊടുക്കട്ടെ… ഒരു നെടുവീർപ്പോടെ ഞാൻ എഴുന്നേറ്റ് അമ്മയുടെ അടുത്ത് പോയി…
ഭക്ഷണം ഒക്കെ കഴിഞ്ഞ് വൈകുന്നേരം ഞങ്ങൾ ഇറങ്ങി. നവ്യയും കൂടെ ഇറങ്ങി.. അവളുടെ അച്ഛൻ വന്നിരുന്നു കൂട്ടാൻ….
കാറിൽ കയറി കുറെ മുന്നോട്ട് നീങ്ങിയപ്പോഴാണ് മനസിലായത്.. ഇത് വീട്ടിലേക്കുള്ള വഴിയല്ല എന്ന്….
“ഇത് എവിടെക്കാ പോകുന്നെ? ”
“അവിടെ എത്തുമ്പോൾ അറിയും ”
ഇത്തിരി ഗൗരവത്തിൽ മുഖത്ത് നോക്കാതെ തന്നെ മറുപടിയും വന്നു… പിന്നേ ഒന്നും ചോദിച്ചില്ല…. എത്തുമ്പോൾ അറിയട്ടെ എന്ന് ഞനും കരുതി…. വണ്ടി നിർത്തിയത് ഒരു ഇരുനില വീടിന്റെ മുമ്പിലാണ്…. ആരുടെ വീടാണെന്ന് ആലോചിച്ചു കൊണ്ട് തന്നെ വണ്ടിയിൽ നിന്നും ഇറങ്ങി… വണ്ടിയുടെ ശബ്ദം കേട്ട് വീടിന്റെ അകത്തു നിന്നും പുറത്തേക്ക് വന്ന ആളെ കണ്ട് ഞാൻ ഞെട്ടി….
വിദ്യയുടെ അമ്മ… !!!