അഭിരാമി Part 10 241

ഇങ്ങനെ ഓരോന്ന് ചിന്തിച്ചു കൊണ്ടിരിന്നു ആമി… ഇതേ സമയം മുറിയിലേക്ക് സിദ്ധാർഥ് കടന്ന് വന്നു…. താൻ കയറി വന്നത് പോലും അവളറിഞ്ഞില്ല… അപ്പോഴേ സിദ്ധാർത്ഥിന് മനസിലായി, ആള് ഈ ലോകത്തൊന്നും അല്ല എന്ന്….
മുഖഭാവം കണ്ടപ്പോ വേറൊന്നും കൂടെ മനസിലായി….. ചിന്തിച്ചു കൂട്ടുന്നതൊന്നും സന്തോഷകരമായ കാര്യങ്ങൾ അല്ല എന്ന്…  മുഖത്ത് എഴുതി വച്ചത് പോലെ വ്യക്തം……

സിദ്ധാർഥ് മെല്ലെ പോയി തോളിൽ തട്ടി വിളിച്ചു ആമിയെ…. അപ്പോഴാണ് സ്വബോധത്തിലേക്ക് വന്നത് അവൾ… ഞെട്ടി കൊണ്ടാണ് തിരിഞ്ഞ് നോക്കിയത്…..
“ആമി എന്താണ് എപ്പോഴും ഇങ്ങനെ ചിന്തിച്ചു കൊണ്ടിരിക്കുന്നത്…? ”
സിദ്ധാർഥ് സൗഹൃദ പൂർവ്വം ആമിയോട് തിരക്കി….
“അത് ഞാൻ വെറുതെ…..ഓരോന്ന്…… അത് പിന്നെ….. ”
ആമി വിക്കിക്കൊണ്ട് നിന്നു….
“ഇത് എന്റെ മുന്നിൽ നിൽക്കുമ്പോൾ മാത്രം വരുന്ന വിക്ക് ആണോ ആമി…..? ”
ഒരു ചിരിയോടെ സിദ്ധാർഥ് വീണ്ടും ചോദിച്ചു….
“ഏയ്‌… അത്….. പിന്നേ….. ടെന്ഷൻ വരുമ്പോൾ… അങ്ങനെ വ…. വന്നു പോകുന്നതാണ്…. “പിന്നെയും വിക്കി കൊണ്ടുള്ള ആമിയുടെ മറുപടി കേട്ട് ഒരുവിധം സിദ്ധാർഥ് ചിരിയടക്കി…..
“എന്റെ മുന്നിൽ നിൽക്കുമ്പോൾ എന്തിനാണ് ടെൻഷൻ?  ആമി ആമിയുടെ സുഹൃത്തുക്കളുടെ അടുത്ത് ഇത്പോലെ ആണോ സംസാരിക്കുക?ഒന്നുമില്ലെങ്കിലും നമ്മൾ സുഹൃത്തുക്കൾ അല്ലേ…? ”
ആമിയുടെ അവസ്ഥ മനസിലായത് പോലെ സിദ്ധാർഥ് പുഞ്ചിരിയോടെ പറഞ്ഞു…. അത് ആമിയിലും ഒരു ആശ്വാസത്തിന്റെ പുഞ്ചിരി വിടർത്തി…. മെല്ലെ ഒന്ന് പുഞ്ചിരിച്ചു കൊണ്ട് ആമി പുറത്തേക്ക് നടന്നു…..

ആമിയുടെ ഈ അകൽച്ച തന്നെ നോവിക്കുന്നുണ്ട്…. പക്ഷേ താൻ കാണിക്കുന്ന അടുപ്പം അവളെ അസ്വസ്ഥപ്പെടുത്തുന്നുമുണ്ട്….  അത് ആദ്യം മാറ്റി എടുക്കണം… അവളെ ഒരിക്കലും കുറ്റം പറയാൻ കഴിയില്ല… മോളുടെ അമ്മ മാത്രം ആയി വരാം എന്നാ ഒരു ഉടമ്പടിയിൽ വന്നതാണ് അവളീ വീട്ടിൽ…. താൻ ആണ് ഇപ്പോൾ പ്രതീക്ഷകൾ വയ്ക്കുന്നത്…. താനും കരുതിയതല്ല….. പക്ഷേ…. അവളെ അടുത്തറിഞ്ഞവർ ആർക്കും സ്നേഹിക്കാതിരിക്കാൻ ആവില്ല…. അറിയാതെ താനും സ്നേഹിച്ചു പോയി…. ആദ്യം അവളിലെ അമ്മയെ…. പിന്നേ ആമി എന്ന പെൺ മനസിനെ…… അവൾക്കിപ്പോൾ ഒരു ഭർത്താവിന്റെ സ്നേഹവും കരുതലും അല്ല വേണ്ടത്…. അവളുടെ അതിഥിയെ പോലെ ഒരു സൗഹൃദം ആണ്… ആദ്യം അവൾക്കെന്തും തുറന്ന് പറയാവുന്ന ഒരു സുഹൃത്ത് ആവാൻ കഴിയണം….. എന്നും കൂടെ കാണും എന്ന ഉറപ്പ് അവൾക്ക് നൽകാൻ കഴിയണം….. അപ്പോഴേ അവളുടെ കടിഞ്ഞാൺ വിട്ടു പോയ ഭാരിച്ച, അനാവശ്യ ചിന്തകൾ പേറിയ മനസ് ശാന്തമാകൂ….
ഇങ്ങനെ ഓരോന്നും ചിന്തിച്ചു കൊണ്ട് സിദ്ധു ബെഡിലേക്ക് കിടന്നു…. അപ്പോഴേക്കും ആമി മോളെയും എടുത്ത് വന്നിരുന്നു മുറിയിലേക്ക്…..

മോളെയും കിടത്തി ഉറക്കി അവളും ഒരു വശം കിടന്നു. സിദ്ധു ആമിക്ക് ഇനി ഒരു ബുദ്ധിമുട്ട് തോന്നേണ്ട എന്ന് കരുതി മറുവശം തിരിഞ്ഞു കിടന്നു….