അപരാജിതന്‍ 34 [Harshan] 8110

“അതെന്താ കുഞ്ഞേ ?” വൈദ്യർ മുത്തശ്ശൻ ചോദിച്ചു.

“ഇപ്പോൾ സത്യത്തിൽ തിമ്മയ്യൻ മുതലാളിയും കൂട്ടരും അടപടലം വിരണ്ടിരിക്കുകയാണ്, അത്രയേറെ നഷ്ടങ്ങൾ അവർക്കുണ്ടായിട്ടുണ്ട്, അതിന്‍റെ യൊക്കെ മൂലകാരണം ശിവശൈലത്തെ ആക്രമിച്ചതു കൊണ്ട് തന്നെയാണ് എന്ന് നമ്മൾക്കും അറിയാം ,, അതായതു നമ്മളിപ്പോൾ അവരെക്കാൾ ഒരുപാട് ശക്തർ തന്നെയാണ്”

“നമ്മളോ ,,ശക്തരോ ?” അത്ഭുതത്തോടെ സ്വാമി മുത്തശ്ശൻ ചോദിച്ചു

“പിന്നെ ,,സാക്ഷാൽ സംഹാരനാഥൻ സര്‍ക്കാര്‍  നമുക്ക് കൂട്ടിനുളളപ്പോൾ നമ്മളല്ലേ ശക്തർ ,, ” ഒരു ചിരിയോടെ ആദി പറഞ്ഞു കൊണ്ട് തുടർന്നു.

പക്ഷെ മറ്റുള്ളവരുടെ മുൻപിൽ നമ്മൾ തിമ്മയ്യൻ മുതലാളിയെ ഭയന്ന് ജീവിക്കുന്നവരാണ് എന്ന് ഒന്ന് ബോധ്യപെടുത്തണം ,,നമുക്ക് ജീവിക്കാൻ അവരുടെ ദയവു വേണം , അവരെ ഭയന്ന് നമ്മൾ ചന്തയിൽ കച്ചവട൦ ചെയ്തു തുടങ്ങണം ,,പഴയ പോലെ നായത്തറകളിൽ ഇരിക്കണം  ,, അവർക്കു നാലിൽ മൂന്നു ഭാഗം ചുങ്കവും കൊടുക്കണം  ,,പക്ഷേ വളരെ കുറവ് പാലുമാത്രമേ കൊണ്ടുപോകാവൂ ,, ഒരു ഇരുപതോ മുപ്പതോ ലീറ്റര്‍ മാത്രം ,,”

ആദി പകുതി നിര്‍ത്തി ഇരുവരെയും നോക്കി

“നമ്മളിങ്ങനെ ചെയ്താല്‍  ശിവശൈലത്തെ  നമ്മളെ ആരും  സംശയിക്കില്ല ,, നമ്മൾ അവരുടെ കാല്കീഴിൽ ഭയന്ന്  ജീവിക്കുന്നവരാണ് , ഇവിടെ നടന്ന അനിഷ്ടസംഭവങ്ങളിൽ നമുക്ക് യാതൊരു പങ്കുമില്ല എന്ന് മറ്റുള്ളവരുടെ  കണ്ണിൽ പൊടിയിടുന്ന കൊച്ചു പരിപാടി”

“ഇതൊക്കെ എന്തിനാ കുഞ്ഞേ ,,, ?” വൈദ്യര്‍ മുത്തശ്ശന്‍ ചോദിച്ചു

ആദി ഒന്ന് ചിരിച്ചു

“ഇതൊരു തന്ത്രമാ മുത്തശ്ശാ ,, തന്ത്രം ,,,, യുദ്ധതന്ത്രം ”

“യുദ്ധമോ ,, ?” ഇരുവരും ആകാംഷയോടെ ചോദിച്ചു

“ഈ ജീവിതമേ ഒരു യുദ്ധമല്ലേ മുത്തശ്ശ൯മാരെ,, ഏറ്റവും മികച്ച യുദ്ധവിജയം എന്നത് യുദ്ധം ചെയ്യാതെ തന്നെ ശത്രുവിനെ കീഴ്പ്പെടുത്തി നേടുന്ന വിജയമാണ് ,,നമ്മളും ഇപ്പോൾ ഒരു യുദ്ധത്തിലാണ് , അതും ജീവിക്കാനുള്ള യുദ്ധം , അതിൽ ആരും നമ്മളെ  ഇങ്ങോട്ടു വന്നിനി ആക്രമിക്കരുത് ,, അതിനു യുദ്ധതന്ത്രങ്ങൾ തന്നെ നമ്മൾ അനുവർത്തിക്കണം , അതിലൊന്നാണ് നമ്മൾ ശക്തരാകുമ്പോൾ ശത്രുവിനെ നമ്മൾ ശക്തിയില്ലാത്തവരാണെന്നു വിശ്വസിപ്പിക്കുക , അതുപോലെ നമ്മൾ ശക്തിയില്ലാത്ത ഘട്ടത്തിൽ ശത്രുക്കളേ , നമ്മൾ അവരെക്കാളും ശക്‌തരും തോൽപ്പിക്കാൻ സാധിക്കാത്തവരാണെന്നും വിശ്വസിപ്പിക്കുക, ഇപ്പോൾ ആദ്യം പറഞ്ഞ കാര്യം നമ്മൾ ചെയ്യുന്നു , അവർ കരുതു൦  നമ്മൾ വീണ്ടും അടിമകളായി  തന്നെ പഞ്ചപുച്ചമടക്കി മുന്നോട്ടു പോകുന്നു എന്ന് ,, നമ്മൾ അവരെ ഭയന്ന് അവരുടെ വരുതിയിൽ പോകുന്നു എന്ന് ,,

ഇരുവരും ആലോചിച്ചതിനു ശേഷം

“ചെയ്യാം ,,,അറിവഴകാ ,, നീ പറഞ്ഞത് ശരിയാ , നമ്മൾ തല താഴ്ത്തി ജീവിച്ചാൽ മതി ഇനിയുള്ള കാലം  ”

“അതെ ,,പക്ഷെ ജീവിതകാലമല്ല ,, ഒരല്പം കാലത്തേക്ക് മാത്രം ,, ”

അവൻ ആത്മവിശ്വാസത്തോടെ തന്നെ പറഞ്ഞു

“നമുക്കിപ്പോള്‍ എല്ലാ ശത്രുക്കളെയും മനസ്സിലായി , രണ്ടറ്റങ്ങളില്‍ നില്‍ക്കുന്ന ശത്രുക്കളല്ലേ ,,ഒരു വശത്ത് കൊട്ടാരം , മറുവശത്ത് പോലീസ് തിമ്മയ്യ കുലോത്തമ൯ മാവീരന്‍ തുടങ്ങിയവരും , നമുക്ക് ഇനി ഒന്നു നില്‍പ്പുറപ്പിക്കണം അതിനുവേണ്ടിയാണ് ഇതൊക്കെ “