അപരാജിതന്‍ 26 [Harshan] 11530

“അവൻ ഒരു വെറും ചെറ്റയാ ,,, എല്ലാവരെക്കാളും കൂടിയ ഐറ്റം ,, മനുഷ്യനല്ല മൃഗമാണ് ,, ”

അതൊക്കെ കേട്ട് പാർവ്വതി ആകെയൊന്നമ്പരന്നു.

“പൊന്നൂസെ ,, ഇവിടത്തെ ഭൂമിശാസ്ത്രം പഠിക്കണം,, വൈശാലി , അതിനപ്പുറം അരുണേശ്വരം , വൈശാലിക്ക് അതിർത്തി കഴിഞ്ഞു ശിവശൈലം ,, അരുണേശ്വരത്തിനപുറത്ത് ചന്ദ്രവല്ലി , അരുണേശ്വരത് നിന്നും  പടിഞ്ഞാറോട്ടു തിരിഞ്ഞു പോയാൽ കലിശപുരം ,, പിന്നെ ആ റൂട്ട് തന്നെ ഉമരി എന്നൊരു സ്ഥലമുണ്ട് ,, ചന്ദ്രവല്ലിയിൽ നിന്നും മറ്റൊരു വഴി പോയാൽ കമ്മോർവാഡ , അത് ലോഹപണിക്കരുടെ നാടാണ്  ,, ഇതിൽ വൈശാലിയൊഴികെ മറ്റുള്ള സ്ഥലമൊക്കെ ഈ പറഞ്ഞ റൗഡികളുടെ അധീനതയിൽ വരുന്ന  സ്ഥലങ്ങളാണ് ,, ”

“അല്ല ഇവിടെ പെൺ റൗഡികളുമുണ്ടോ ഇന്ദൂട്ടി ”

“ഉണ്ടോന്നോ ,, അങ്ങനെ ഒരുത്തിയുമുണ്ട് ,,മുത്യാരമ്മ എന്ന് പേര് ,,അരുണേശ്വരത്തു വലിയൊരു മാളികയിൽ  വേശ്യാലയ൦ നടത്തുന്ന വൃത്തികെട്ട സ്ത്രീയാ ”

“അയ്യേ ,,ഇവിടെ റെഡ് ലൈറ്റ് ഏരിയയും ഉണ്ടോ ,, ?”

“ഇവിടെയല്ലല്ലോ ,,അരുണേശ്വരത്തല്ലേ ,, അതൊരു ചെറിയ സെറ്റ് അപ്പൊന്നുമല്ല ,, പല റേറ്റിലും പല പ്രായത്തിലും അവിടെ ദേവദാസികളെ  വിൽപ്പനയുണ്ട് ,, ”

“എന്തൊക്കെയാ ഈ കേൾക്കുന്നേ ,, ദേവദാസികളോ ,”

“അതെ പൊന്നൂസെ ,, ദേവദാസികളെന്നു വെച്ചാൽ ,,ഇവിടെ അകലെയായി ഉത്കല എന്നൊരു ക്ഷേത്രമുണ്ട് , അതൊരു ഗന്ധർവ്വനെ പ്രതിഷ്ഠിച്ച ക്ഷേത്രമാണ് ,, അവിടെ പണ്ട് മുതലേ പെൺകുട്ടികളെ ദേവദാസികളായി സമർപ്പിക്കും  ,, അവർ ആട്ടവു൦ പാട്ടുമൊക്കെ പഠിച്ചു വേശ്യവൃത്തി സ്വീകരിക്കും ,, അവരെയൊക്കെ വാടകയ്ക്ക്  ആ മുത്യാരമ്മ മാളികയിലേക്ക് കൊണ്ട് വരും ,, ”

“പാവങ്ങൾ ,, അപ്പൊ അവരെ വിറ്റു ആ വൃത്തികെട്ട സ്ത്രീ കാശുണ്ടാകുമല്ലേ .,”

“അതെ ,,, അതുപോലെ ആ വേശ്യാലയത്തിൽ ഒരു ഹൈ ക്ലാസ് വേശ്യ കൂടെയുണ്ട് ,,,അമ്രപാലി ,  , അവളുടെ ഒപ്പം കിടക്കാൻ  പുറ൦ നാടുകളിൽ നിന്ന് പോലും ആളുകൾ വരുന്നുവന്നാ കേട്ടിരിക്കുന്നത് ,, ലക്ഷങ്ങളാണ് അവർ ചാർജ്  ചെയുന്നത് ,,,,,,”

അതിശയത്തോടെ പാർവതി ഇന്ദുവിനെ നോക്കി

“അല്ല ,,ഇന്ദൂട്ടി , ,,നമുക്കുള്ളതൊക്കെയല്ലേ അവൾക്കുമുള്ളത് ,,അല്ലാതെ എണ്ണം കൂടുതലൊന്നുമില്ലല്ലോ ,, പിന്നെ  എന്താ ഈ ലക്ഷങ്ങളൊക്കെ ,,,?”

“പൊന്നൂസെ ,, സംശയം ന്യായമാണ് ,,ഒരു നോട്ടം കൊണ്ട് പോലും ആണിനെ കീഴ്പ്പെടുത്തി അടിമയാക്കി കളയും  ,, ”

“നോക്കിയാ ,, അങ്ങനെയൊക്കെ കീഴ്പ്പെടുവോ ..?”

“ആവോ എനിക്കറിയില്ല ,, അങ്ങനെയാണ് കേട്ടറിവ് , കാമകലകൾ അഭ്യസിച്ചവളാ , വൈശികതത്രവും കുട്ടനീമതവും അനംഗരാഗവും പഠിച്ച് പ്രാഗൽഭ്യം നേടിയവളാ , അവളുടെ കണ്ണുകളിലേക്ക് നോക്കിയാൽ , അവൾ കണ്ണിന്റെ ചലനം കൊണ്ട് ,, ” ഇന്ദു ചുറ്റും നോക്കി , ആരുമില്ല എന്ന് ഉറപ്പ് വരുത്തി

“പുരുഷനെ കീഴടക്കി അവനിൽ  നിമിഷങ്ങൾക്കകം ശുക്ളസ്രവണം വരുത്തും ”

“,അയ്യേ ,,,,” അതുകേട്ടു പാർവതിക്ക് നാണം വന്നു

“പിന്നെ ,,ഒന്ന് പോയെ ,,അതൊക്കെ വെറുതെ പറയുന്നതല്ലേ ”