💞സ്നേഹ തീരം 5 💞 [ ചെകുത്താനെ സ്നേഹിച്ച മാലാഖ ] [Climax] 670

“കിച്ചൂ…. എല്ലാം ഞാൻ പറയാം …. ”

വിഷ്ണു നടന്ന എല്ലാ കാര്യങ്ങളും അവരോട് പറഞ്ഞു …..

” ഹാവു …. ഞാൻ അതല്ലേ ആലോചിച്ചേ ….. എല്ലാം ഉപേക്ഷിച്ച് വലിച്ചെറിഞ്ഞ ഹോക്കി സ്റ്റിക്ക് ഇന്ന് ചേട്ടൻ അന്വേഷിച്ചതിന്റെ കാരണം . അവന്മാര് ജീവനോടെ ഉണ്ടോ ചേട്ടാ …. ”

കിച്ചു ഒരു തമാശ രൂപേണ ചോദിച്ചു.
അതിന് വിഷ്ണു ഒന്ന് പുഞ്ചിരിക്കുക മാത്രം ചെയ്തു .

” ദേ , ഇതാണ് പാറു …… ഇഷ്ടമായാലും ഇല്ലേലും ഞാൻ ഇവളയെ വിവാഹം കഴിക്കൂ …. എന്തെങ്കിലും എതിർ ഉണ്ടെങ്കിൽ പറഞ്ഞാൽ മതി ഞാൻ ഇറങ്ങി തരാം ….. കുറേ കേട്ടതാണ് കുത്ത് വാക്ക് ഇനി വയ്യ …. ”

വിഷ്ണു അവന്റെ അമ്മയെ നോക്കി പറഞ്ഞു .

” നിർത്തെടാ ….. ഞാൻ നിന്നെ ഒരു പാട് വഴക്ക് പറഞ്ഞു ശരിയാ …. അത് നീ കാരണം ഒരു പെൺകൊച്ചിന്റെ ജീവൻ നഷ്ടമായി എന്ന് കേട്ടത് കൊണ്ടാ അല്ലാതെ നിന്റെ ഇഷ്ടങ്ങൾക്ക് ഞങ്ങൾ എതിരല്ല അന്നും ഇന്നും …. ”

വിഷ്ണുവിന്റെ അമ്മ അത് പറഞ്ഞതും അവരുടെ കണ്ണുകൾ നിറഞ്ഞിരുന്നു .

” വാ മോളേ ….. ”

വിഷ്ണുവിന്റെ അമ്മ ലക്ഷ്മി പാറുവിനെയും കൂട്ടി അകത്തേക്ക് കയറി .

” ഇനി എന്നെ വേണ്ടല്ലോ ….. ”

കിച്ചു അതും പറഞ്ഞ് ചിണുങ്ങി കൊണ്ട് പാറുവിന്റെ പുറകേ പോയി .

” എടാ …. മറ്റ് പ്രശ്നം ഒന്നും ഇല്ലല്ലോ ….. ”

വിഷ്ണുവിന്റെ അച്ഛൻ അവനോട് തിരക്കി .

“ഇല്ല അച്ഛാ …. ”

” എല്ലാം തീർത്തു അല്ലേ ……. ”

വിഷ്ണുവിന്റെ അച്ഛൻ അതും പറഞ്ഞ് ചിരിച്ച് കൊണ്ട് അകത്തേക്ക് കയറി .

” ചേച്ചി എങ്ങനെ ഉണ്ടായായിരുന്നു ഏട്ടനെ ഹോക്കി പ്ലേ ….. ”

കിച്ചു പാറുവിനോട് ചോദിച്ചു .

” എന്താ …. മനസ്സിലായില്ല . ”

പാറു ഒരു നിമിഷം ആലോചിച്ച ശേഷം മറുപടി നൽകി .

” പാറു ചേച്ചി ഏട്ടന്റെ ഹോക്കി സ്റ്റിക്ക് കൊണ്ടുള്ള അടിയുടെ കാര്യമാ ചോദിച്ചത് . സത്യത്തിൽ ചേട്ടൻ ഇവിടെ വന്ന് അതും എടുത്തോണ്ട് പോയ ശേഷം ഉളളിൽ തീ ആയിരുന്നു കാര്യം അറിയാതെ .
ചേച്ചിക്ക് അറിയോ കോളേജിൽ ഹോക്കി ടീമിന്റെ ക്യാപ്റ്റൻ ആയിരുന്നു ചേട്ടൻ പിന്നെ കോളേജിൽ ഓരോ പ്രശ്നവും ഉണ്ടാക്കി അടി ഉണ്ടാക്കുമ്പോ ആ ഹോക്കി സ്റ്റിക്ക് വച്ച് തന്നെ താണ്ഡവം ആടും . രണ്ട് മൂന്ന് വട്ടം സസ്പെൻഷനും കിട്ടിയിട്ടുണ്ട് . പിന്നീട് അച്ഛനും അമ്മയും ഒത്തിരി പറഞ്ഞതിന് ശേഷമാ എല്ലാം നിർത്തിയത് …… ”

കിച്ചു ഒരു പുഞ്ചിരിയോടെ പറഞ്ഞു . വിഷ്ണുവും അവന്റെ അമ്മ ലക്ഷ്മിയും എല്ലാം കേട്ടിരുന്നു . എല്ലാം കേട്ടശേഷം പാറു നോക്കിയപ്പോൾ ഒരു അവിഞ്ഞ ചിരിയുമായി ഇരിക്കുയാണ് വിഷ്ണു .

പുറത്ത് നിന്ന് ആരോടെ ഫോണിൽ സംസാരിച്ച ശേഷം വിഷ്ണുവിന്റെ അച്ഛൻ ശ്രീകുമാർ അകത്തേക്ക് വന്നു .

” ഞാൻ ഒരു തീരുമാനം എടുത്തിട്ടുണ്ട് . എന്തായാലും ഇങ്ങനെയൊക്കെ നടന്നു കഷ്ടകാലം കഴിഞ്ഞു എന്ന് കരുതിയാൽ മതി …… നാളെ നീ പാർവ്വതിയുടെ കഴുത്തിൽ താലി കെട്ടുന്നു ഇവിടത്തെ ദേവി ക്ഷേത്രത്തിൽ വച്ച് ശേഷം രജിസ്റ്റർ ഓഫീസിൽ പോയി ഒപ്പിടുന്നു .. എന്താ നിനക്ക് എന്തെങ്കിലും എതിർ അഭിപ്രയം ഉണ്ടോ… ? ”