💞സ്നേഹ തീരം 5 💞 [ ചെകുത്താനെ സ്നേഹിച്ച മാലാഖ ] [Climax] 670

കാണാനാകാത്ത വിധം തലമുടിയൊക്കെ അലങ്കോലമായി കിടക്കുന്നു . ഒരു മുഷിഞ്ഞ വസ്ത്രമാണ് ധരിച്ചിരിക്കുന്നത് .
വിഷ്ണുവിന്റെ മനസ്സ് മന്ത്രിച്ചു അത് നാവിലൂടെ പുറത്തു വന്നു .” പാറു .”

പാറുവിനെ കണ്ടതും വിഷ്ണുവിന്റെ ശബ്ദം നിലച്ചതു പോലെ നാവ് ഉയരുന്നില്ല . കാലുകൾ നിലത്ത് ഉറച്ചതു പോലെ . ശ്വാസം അതും നിലച്ചതുപോലെ അവൻ സ്തംഭിച്ച് നിന്നു . അവന്റെ കയ്യിൽ ഇരുന്ന ഹോക്കി സ്റ്റിക്ക് അപ്പോഴേക്കും പിടിവിട്ട് നിലത്തേക്ക് വീണിരുന്നു

” പാറൂ …….. ”

അവൻ ഒരു വിധം ശ്വാസം അകത്തേക്ക് വലിച്ച് തന്റെ അവസ്ഥയെ മറികടന്നുകൊണ്ട് ഉറക്കെ വിളിച്ചു .

ഒരു സ്വപ്നത്തിൽ നിന്ന് ഞെട്ടി ഉണർന്നതു പോലെ അലക്ഷ്യമായി മുഖത്ത് മുന്നിലൂടെ കിടന്ന അവളുടെ മുടി മാറ്റി കൊണ്ട് പാറു ആ ശബ്ദം വന്ന ദിശയിലേക് നോക്കി . അവിടെ ഒരാൾ നിൽക്കുന്നത് അവൾ കണ്ടു പക്ഷെ അവളിൽ ഒരു മാറ്റവും വന്നില്ല . പക്ഷെ …… പരിചിതമായ
ശബ്ദം ” പാറൂ …….. ” എന്നുള്ള വിളിയും , പാറു ഒന്നുകൂടെ സൂക്ഷിച്ച് വിഷ്ണുവിനെ നോക്കി , താടിയും മുടിയും നീട്ടി വളർത്തി രൂപമാറ്റം സംഭവിച്ച വിഷ്ണുവിന്റെ മുഖത്തേക്ക് .

അവളുടെ കണ്ണുകൾ വിടർന്നു അത് അറിയാതെ തന്നെ നിറഞ്ഞു .

” വിഷ്ണു ഏട്ടൻ ”

പാറുവിന്റെ നാവിൽ നിന്നും ആ വാക്കുകൾ പുറത്തേക്ക് വന്നു

പാറുവിന്റെ കണ്ണുകളിൽ നിറഞ്ഞ് കണ്ണുനീർ കണ്ണിൽ നിന്ന് പുറത്തേക്ക് കവളിലൂടെ ഒഴുകി ഇറങ്ങി .

വിഷ്ണു പാറുവിന്റെ അടുത്തേക്ക് നടന്നതും പാറു ഒരു പരവേശത്തോടെ കട്ടിലിൽ നിന്നും ഇറങ്ങി ഓടി വന്ന് അവനെ കെട്ടിപ്പിടിച്ച ശേഷം അവന്റെ നെഞ്ചിൽ മുഖം ചായ്ച്ചു .

“ഏട്ടൻ ….. ഏട്ടൻ …. മരിച്ചു എന്നാ …… എന്നോട് അവർ പറഞ്ഞത് ”

പാറു പൊട്ടി കരഞ്ഞ് കൊണ്ട് ഒരു ഏങ്ങലോടെ പറഞ്ഞു . വിഷ്ണുവിനെ അവൾ കൈ കൊണ്ട് വരിഞ്ഞ് മുറുക്കി പിടിച്ചു . നഷ്ടപ്പെട്ട എന്തോ ഒന്നിനെ തിരിച്ച് കിട്ടിയ സന്തോഷത്തോടെ .
വിഷ്ണു പാറുവിനെ തന്റെ നെഞ്ചോട് ചേർത്ത് പിടിച്ച് പാറുവിന്റെ അലക്ഷ്യമായി കിടന്ന മുടിയിഴകൾ ഒന്ന് തലോടി ……

” പാറൂ ….. കഴിഞ്ഞ രണ്ടുവർഷമായി ഞാൻ ഉരുകി ജീവിച്ചതും ഇതേ പോലെ ഞാൻ അറിഞ്ഞ ഒരു വ്യാജ വാർത്ത കാരണമാ ….. താൻ മരിച്ചു എന്നുള്ള പത്ര വാർത്ത . ”

വിഷ്ണു അതും പറഞ്ഞു കൊണ്ട് അവളുടെ മുഖം അവന്റെ കൈകളിൽ കോരി എടുത്തു .

” എനിക്ക് അറിയാം എല്ലാം ….. ഞാനീ ലോകത്തിന് മുൻപിൽ രണ്ടര വർഷം മുൻപേ മരിച്ച് കഴിഞ്ഞില്ലേ ……. എന്നാലും അതിനേക്കാൾ സങ്കടം ഏട്ടൻ മരിച്ചു എന്ന് എന്നോട് അവർ പറഞ്ഞതാ ….. ”

പാറു പൊട്ടി കരഞ്ഞ് കൊണ്ട് പറഞ്ഞു .

പാറുവിന്റെ കണ്ണുനീർ കണ്ടതും വിഷ്ണുവിന്റെ കണ്ണുകളും നിറഞ്ഞു .