💞സ്നേഹ തീരം 5 💞 [ ചെകുത്താനെ സ്നേഹിച്ച മാലാഖ ] [Climax] 670

അപ്പോഴാ ഞാൻ മരിച്ചു എന്നുള്ള പത്രം എനിക്ക് തന്നത് ആ ആന്റി ….. ഏട്ടൻ മരിച്ചു പോയി എന്ന് അയാൾ എന്റെ രണ്ടാനച്ഛൻ ആ ആന്റിയോട് പറഞ്ഞു എന്ന് പറഞ്ഞു . എനിക്ക് പിന്നീട് ഭ്രാന്ത് പിടിച്ച അവസ്ഥയായിരുന്നു …. പല തവണ രക്ഷപ്പെടാൻ ശ്രമിച്ചു പക്ഷെ … ഒരു തവണ രക്ഷപ്പെടാൻ എന്നെ സഹായിച്ചതിന് ആ ആന്റിയെ അവർ തല്ലി ഇറക്കി ……. ഞാൻ ചത്ത് ജീവിക്കുകയായിരുന്നു ഏട്ടാ …… ”

പാറു കരഞ്ഞ് കൊണ്ട് വിഷ്ണുവിനോട് പറഞ്ഞു .

“മതി പാറു താൻ കരയാൻ വേണ്ടി ചോദിച്ചതല്ല
മതി … കരയാതെ.. തന്റെ അവസ്ഥ തന്നെ ആയിരുന്നു എനിക്കും . ഒരു മാറ്റം വേണം എന്ന് കരുതിയാ ചേട്ടായി നിർബന്ധിച്ച് ഗൾഫിലേക്ക് പറഞ്ഞ് വിട്ടത് …. ഒരു ദിവസം ചേട്ടായി വിളിച്ച് പറഞ്ഞു ഈ കാറ് വിൽക്കാൻ വേണ്ടി ചേട്ടായിയുടെ കയ്യിൽ ആ ബാലചന്ദ്രൻ ഏൽപ്പിച്ചു എന്ന് … എന്റെ പാറുവിന്റെ കാറ് മറ്റൊരാൾക്ക് കൊടുക്കാനോ … അയാൾ അറിയാതെ വേറെ ഒരു പാർട്ടി വഴി ഞാൻ ഈ കാർ അങ്ങ് മേടിച്ചു .”

വിഷ്ണു കാർ ഓടിക്കുന്നതിനിടയിൽ പാറുവിനോട് പറഞ്ഞു . അതു കേട്ടതും പാറു വിഷ്ണുവിന്റെ ഇടതു കയ്യിൽ അവളുടെ രണ്ട് കയ്യും കൊണ്ട് മുറുക്കെ പിടിച്ച് അവന്റെ തോളിൽ ചാരി മുൻപിലേക്ക് നോക്കി ഇരിക്കുകയാണ് .

” പാറൂ ….. ”

” മ് ”

” എന്താ ആലോചിക്കുന്നേ …. ”

” അത് ഞാൻ ഇത്രയും ദിവസം ആ മുറിക്കുള്ളിൽ മരിച്ച് ജീവിച്ചത് ഓർത്തു പോയതാ … ആത്മഹത്യ ചെയ്യാൻ പേടി ആയിട്ടാ അല്ലെങ്കിൽ ഞാൻ എന്തെങ്കിലും ചെയ്തേനെ …. ”

പാറു വീണ്ടും പൊട്ടി കരഞ്ഞു .

” പാറൂ കരയാതെ …. നമ്മുടെ ജീവിതത്തിലെ ഒരു കറുത്ത നിഴൽ അല്ലെങ്കിൽ കുറച്ച് നശിച്ച ദിവസങ്ങൾ അവസാനിച്ചു എന്ന് കരുതിയാൽ മതി ഇനി നമ്മൾ ജീവിക്കും ഒരുമിച്ച് ഒരു തടസ്സവും കൂടാതെ . ”

വിഷ്ണു അതും പറഞ്ഞ് പാറുവിന്റെ തലയിൽ ഒന്ന് തലോടി .

“ഏട്ടൻ എങ്ങനെ അറിഞ്ഞു ….ഞാൻ മരിച്ചിട്ടില്ല എന്ന് ”

പാറു ഒരു ആകാംഷയോടെ ചോദിച്ചു .

” അത് ഒരു കഥ തന്നെയാണ് പാറു …. ”

വിഷ്ണു പാർവ്വതിയുടെ കാര്യവും അവൾ പറഞ്ഞ കാര്യങ്ങളും എല്ലാം പാറുവിന് പറഞ്ഞ് കൊടുത്തു .

പാറു എല്ലാം കേട്ട് ഒരു അതിശത്തോടെ ഇരുന്നു .
വൈകാതെ പാറുവിന്റെ വീടിന് മുന്നിൽ കാർ എത്തി ഗേറ്റ് മലർക്കെ തുറന്ന് കിടക്കുകയാണ് അവൻ അകത്തേക്ക് കാർ ഓടിച്ച് കയറ്റി മുറ്റത്ത് നിർത്തി .

” എന്തിനാ ഇങ്ങോട്ട് വന്നത് ഇത് നരകമാ എന്റെ ജീവിതത്തിൽ ദു:ഖം മാത്രം തന്ന നരകം . ”

പാറു ഒരു പേടിയോടെ സങ്കടത്തോടെ പറഞ്ഞു .

” പാറു ഇനി ഇത് നരകമല്ല സ്വർഗ്ഗമാണ് , പാറൂ ഒന്ന് ഫ്രെഷായി ഡ്രെസ് മാറി വാ ഇതൊക്കെ മുഷിഞ്ഞതല്ലേ . തന്റെ റൂമിൽ തന്റെ ഡ്രെസ് കാണാതിരിക്കില്ല …. ”

പാറുവിന്റെ കൈകൾ കോർത്ത് പിടിച്ചു കൊണ്ട് വിഷ്ണു പറഞ്ഞു .

” അയാൾ ഇവിടെ ഉണ്ടാകും ….. ”