💞സ്നേഹ തീരം 5 💞 [ ചെകുത്താനെ സ്നേഹിച്ച മാലാഖ ] [Climax] 670

മൂന്ന് മന്നിക്കൂറുകൾക്ക് മുൻപ്

” എന്നെ ഒന്നും ചെയ്യരുത് ഞാൻ എല്ലാം പറഞ്ഞല്ലോ……. ”

അയാൾ തന്റെ കഴുത്തിൽ പിടിച്ചിരിക്കുന്ന വിഷ്ണുവിന്റെ കയ്യിൽ പിടിച്ച് കൊണ്ട് പറഞ്ഞു

” പാറു ഇപ്പൊ എവിടെ ?”

വിഷ്ണു കഴുത്തിൽ അമർത്തിയ കൈകൾ ഒന്നുകൂടെ മുറുക്കിയ ശേഷം ചോദിച്ചു.

” അവൾ ….. അവൾ ….. ആ ….. ഫോറസ്റ്റ് ഏരിയയ്ക്ക് അടുത്തുള്ള RJ ഗ്രൂപ്പിന്റെ പഴയ ആ ഉപയോഗമില്ലാത്ത എസ്റ്റേറ്റ് ബംഗ്ലാവിൽ ഉണ്ട് …..”

അയാൾ അത് പറഞ്ഞതും വിഷ്ണു അയാളുടെ കഴുത്തിലെ പിടി വിട്ടു . അയാൾ നിർത്താതെ ചുമയ്ക്കുകയാണ് ……

” എന്നെ ഒന്നും ചെയ്യരുത് …… ”

അയാൾ തൊഴുതു കൊണ്ട് വിഷ്ണുവിനോട് പറഞ്ഞു .

” നീ എന്നെ എന്ത് ചെയ്തിരുന്നെങ്കിലും ഞാൻ ക്ഷമിച്ചേനെ പക്ഷെ പാറുവിനോട് നീ കാണിച്ചത് എനിക്ക് ക്ഷമിക്കാനോ പൊറുക്കാനോ കഴിയില്ല . നിന്നെ ഞാൻ കൊല്ലില്ല പക്ഷെ നീ ചത്ത് ജീവിക്കും , ഞാനും പാറുവും സന്തോഷത്തോടെ ജീവിക്കുന്നത് നീ കാണണം . ”

വിഷ്ണു അതും പറഞ്ഞ് അയാളെ തിരിച്ച് ചുവരിനോട് ചേർത്ത് നിർത്തി വിഷ്ണു തന്റെ ചൂണ്ട് വിരൽ ചുഴറ്റി അയാളുടെ പുറം തലയ്ക്ക് താഴെ കഴുത്തിൽ ഒരൊറ്റ കുത്ത് അയാൾ ഉടനെ തന്നെ ബോധമറ്റ് വീണു .

” ഇത് ആരോടും ചെയ്യാൻ പാടില്ലാത്തതാ … മർമ്മ വിദ്യയിൽ മനുഷ്യ ശരീരത്തിൽ ചെയ്യാൻ പാടില്ലാത്ത അടവ് പക്ഷെ നിനക്ക് ഇത് തന്നെയാണ് ശിക്ഷ …… ”

വിഷ്ണു അയാളെ നോക്കി പറഞ്ഞ ശേഷം വേഗം താഴേക്ക് ഇറങ്ങി റോഡിൽ കിടന്ന തന്റെ കാറിൽ കയറി ….

…………………….

“അയാൾ ഇപ്പൊ കൊമയിൽ അല്ലേ …”

വിഷ്ണു ഒരു പുഞ്ചിരിയോടെ അജിനോട് ചോദിച്ചു.

” അതെ ….. എന്നാലും നീ ഒരു സാധനം എന്നല്ലേ പറഞ്ഞത് …. പുറത്ത് മുറ്റത്ത് കിടന്ന ആ മുഴുത്ത ജിമ്മന്റെ കാര്യം പറഞ്ഞില്ലല്ലോ … എന്നെക്കൊണ്ട് പറ്റാത്തത് കൊണ്ട് ഞാൻ പിന്നെ ആംബുലൻസ് വിളിച്ചാ ഇവിടെ എത്തിച്ചത് . ”

അജിൻ ഒരു പുഞ്ചിരിയോടെ പറഞ്ഞു ……

“പാറു ഇനി അയാൾ ഒരു തടസ്സമായി വരില്ല….. ”

വിഷ്ണു പാറുവിനോട് പറഞ്ഞു. അവളുടെ മുഖത്ത് ഒരു ചെറു പുഞ്ചിരി വിടർന്നിരുന്നു …..

…………

പാറുവും വിഷ്ണുവും വിഷ്ണുവിന്റെ വീട്ടിലേക്ക് വന്നു . മുറ്റത്ത് കാർ വന്ന് നിൽക്കുന്ന ശബ്ദം കേട്ട് കിച്ചു ഓടി പുറത്തേക്ക് വന്നു . വിഷ്ണു കാറിൽ നിന്നും പുറത്ത് ഇറങ്ങി . അപ്പുറത്തെ ഡോറ് തുറന്ന് ഇറങ്ങിയ പാറുവിനെ കണ്ട് കിച്ചു ഞെട്ടി നിന്നു .

” വായ അടച്ച് വയ് ഈച്ച കേറും . ”

വിഷ്ണു അതും പറഞ്ഞ് കിച്ചുവിന്റെ തലയിൽ ഒരു കൊട്ട് കൊടുത്തു .

പാറു ഓടി വന്ന് കിച്ചുവിനെ കെട്ടിപ്പിടിച്ചു .

” പാറു ചേച്ചി ഇത് എനിക്ക് ഒന്നും മനസ്സിലാകുന്നില്ല .. ”

കിച്ചു പാറുവിനോട് ചോദിച്ചു . അപ്പോഴേക്കും വിഷ്ണുവിന്റെ അച്ഛനും അമ്മയും വീടിന്റെ സിറ്റ് ഔട്ടിലേക്ക് എത്തിയിരുന്നു . പാർവ്വതിയെ കണ്ട് അവരും ഞെട്ടി തരിച്ച് നിൽക്കുകയാണ് , പത്രവാർത്തയിലെ പാറുവിന്റെ ഫോട്ടോ അവരും കണ്ടതാണല്ലോ …..