ഈ കഥയുടെ ആദ്യം മുതൽ എന്നെ പ്രോൽസാഹിപ്പിച്ച വായനക്കാർക്കും സുഹൃത്തുക്കൾക്കും ആദ്യമേ തന്നെ ഞാൻ ഒരായിരം നന്ദി പറയുന്നു . ഈ ഭാഗത്തോടെ സ്നേഹതീരം എന്ന ഈ കഥ ഇവിടെ അവസാനിക്കുകയാണ് .
എല്ലാവരോടും ഒരിക്കൽ കൂടി നന്ദി പറഞ്ഞു കൊണ്ട് തുടങ്ങട്ടെ 🙏🙏🙏 …………സ്നേഹത്തോടെ ……, Vichu [ ചെകുത്താനെ സ്നേഹിച്ച മാലാഖ ]

💞സ്നേഹ തീരം 5💞
Snehatheeram Part 5 | Author : Chekuthane Pranayicha Malakh | Previous Part

…………………

( കഥയുടെ കഴിഞ്ഞ ഭാഗം അവസാനിച്ചത് ആ മലമുകളിൽ വച്ച് പാർവ്വതി പറഞ്ഞ ഒരു വലിയ സത്യത്തിൽ നിന്ന് ആണെങ്കിൽ ഇപ്പോൾ കഥ ആരംഭിക്കുന്നത് കാല ചക്രം പല തവണ കറങ്ങി വിരലിൽ എണ്ണാവുന്ന ചില വർഷങ്ങൾക്കു ശേഷമുള്ള ഒരു ദിവസം , മറ്റൊരു സ്ഥലം ……)

മൂന്ന് വർഷത്തിന് ശേഷം …….
സമയം 9.30 AM , കൊച്ചി എന്ന മഹാ നഗരം.

ഒരു കൺസ്ട്രക്ഷൻ കോൺട്രാക്റ്റ് കമ്പനിയിലെ മീറ്റിംഗ് റൂം .

” എടോ വേഗം ….. ചെയർമാൻ പത്ത് മണിക്ക് എത്തും . എല്ലാം ഒന്ന് കൂടി റെഡിയാണോ ? ബോർഡ് മെമ്പർമാരെല്ലാം വന്നോ ? എന്ന് ഒന്ന് നോക്കി ഉറപ്പു വരുത്ത് . എന്തെങ്കിലും വീഴ്ച നമ്മുടെ ഭാഗത്ത് നിന്ന് വന്നാൽ ഈ കോൺട്രാക്റ്റ് തന്നെ ക്യാൻസൽ ചെയ്ത് അങ്ങേര് മടങ്ങി പോകും . നാല് വർഷത്തിന് ശേഷമാ ഈ കമ്പനിയുമായി വീണ്ടും ഒരു കോൺട്രാക്റ്റ് നമ്മുടെ കമ്പനിക്ക് കിട്ടിയത് . ഈ പുതിയ ചെയർമാൻ പുള്ളി ആള് ഭയങ്കര സ്ട്രിക്ട് എന്നാ അറിഞ്ഞത് . മുൻപത്തെ ചെയർമാനെ പോലെ അല്ല . എങ്ങനെയും ഈ കോൺട്രാക്റ്റ് നമുക്ക് തന്നെ മേടിക്കണം .”

കമ്പനി എം ഡി തന്റെ പേഴ്സണൽ മാനേജരായ ഒരു ചെറുപ്പക്കാരനോട് പറഞ്ഞു .

” സർ ഇന്ന് വരുന്ന ചെയർമാന്റെ പേര് വിഷ്ണു എന്ന് അല്ലേ …. ? മുൻപത്തെ ചെയർമാന് എന്താ പറ്റിയത് ? ”

ആ ചെറുപ്പക്കാരൻ അയാളോട് തിരക്കി .

” അയാൾക്കോ …… അയാൾക്ക് ഇപ്പൊ എണീക്കാനോ സംസാരിക്കാനോ ഒന്നും പറ്റാതെ കിടപ്പിലാണെന്നാ അറിഞ്ഞത് . എന്തോ തെന്നിവീണ് എന്നോ കോമ സ്റ്റേജിൽ ആയി എന്നോ ഒക്കെ കേട്ടു . മനുഷ്യന്റെ ഓരോ കാര്യം .