ശിവശക്തി 8 [പ്രണയരാജ] 326

കാർത്തുമ്പിയുടെ കാലടി മണ്ണും,  മുടിയും അഞ്ജല തൻ്റെ ഗുരുദേവന് കൈമാറി. ആ മുഖം സന്തോഷത്തോടെ തിളക്കമേറി. അയാൾ തൻ്റെ ആഭിചാര കർമ്മങ്ങൾ തുടങ്ങി. ഹോമകുണ്ഡം അഗ്നിയാൽ ജ്വലിച്ചു , പൈശാചിക മന്ത്രങ്ങൾ ഉയർന്നു വന്നു.

ഈ സമയം കർത്തുമ്പി കുഞ്ഞുമായി അമ്പലത്തിൽ തൊഴുകയായിരുന്നു. എല്ലാ ദേവി ദേവൻമാരെയും തൊഴുത് കാളി ദേവിയെ തൊഴുമ്പോ… അവൾ അന്നു നേർന്നതെല്ലാം ഓർമ്മ വന്നു.

അപ്പുനെ ഒക്കത്തെടുത്തവൾ അടി പ്രദിക്ഷണം ചെയ്യാൻ തുടങ്ങി.ഒരു പുഞ്ചിരി തൂകി കൊണ്ട് അവളുടെ ഒക്കത്ത് അപ്പു അടങ്ങിയിരുന്നു.

ഈ സമയം ചകിരി നാരാൽ തീർത്ത പുതിയ പാവയെ കാലരഞ്ജൻ വസ്ത്രമണിയിക്കുകയാണ്. ശേഷം കാർത്തുവിൻ്റെ മുടി കൊണ്ട് ആ പാവയുടെ കഴുത്തിൽ ചുറ്റി, പിന്നെ ഇരു കൈ കാലുകളിലും . ശേഷം ഒരു വികടമായ പുഞ്ചിരി ആ മുഖത്തു വിരിഞ്ഞു. പാവയും കുറച്ച് നീളമേറിയ മൊട്ടു സൂചികളും തൻ്റെ ഉപാസനാ… മൂർത്തിക്ക് സമർപ്പിച്ച ശേഷം, അയാൾ ഹോമകുണ്ഡത്തിനരികിൽ ചെന്ന് മന്ത്രോച്ചാരണവും ആഹൂതിയും അർപ്പിച്ചു.

101 വട്ടം പ്രദിക്ഷണം കഴിഞ്ഞതും അവൾ പതിയെ അവസാന നേർച്ചയ്ക്കൊരുങ്ങി. പൂജാരിയെ വിളിച്ച് കാര്യം പറയുമ്പോ… ആ മുഖത്തും ഒരു പുഞ്ചിരിയുണ്ടായിരുന്നു. ആ സമയം. അദ്ദേഹം ഒരു പാത്രത്തിൽ പ്രസാദമായി വന്നു. പിന്നെ കടൽമണ്ണു പാറുന്ന ആ മുറ്റത്ത് പ്രസാദം ചൊരിഞ്ഞ ശേഷം അവളെ പുഞ്ചിരിയോടെ നോക്കി.

നിറഞ്ഞ ഭക്തിയോടെയും, സന്തോഷത്തോടെയും ആ പ്രസാദത്തിനരികിൽ അവൾ ഇരുന്നു. തൻ്റെ മടിയിൽ അപ്പുവിനെ ഇരുത്തി അവൾ പ്രസാദം കഴിക്കാൻ തുടങ്ങി. പ്രസാദം വാരാൻ ശ്രമിച്ച അപ്പുവിൻ്റെ കൈയ്യിൽ ചെറിയൊരടി നൽകി കൊണ്ടവൾ അവനെ വിലക്കി. അതിൻ്റെ നീരസം ആ കുഞ്ഞു മുഖത്ത് തെളിഞ്ഞു കാണാം.

ഈ സമയം കാലരഞ്ജൻ പാവയും മൊട്ടു സുചിയും കയ്യിലേന്തി തൻ്റെ പീoത്തിൽ ഇരിക്കുകയാണ്. ആ മുഖത്ത് ഭീകര ഭാവം തളം കെട്ടി നിൽക്കുകയാണ്. അയാൾ ആ പാവയെ ഒരു മരപ്പലകയിൽ വെച്ചു. ശേഷം വലതു കൈ ശരീരത്തോട് ചേരുന്ന ഭാഗം ലക്ഷൃമാക്കി ഒരു മൊട്ടുസൂചിയെടുത്ത് മന്ത്രം ചെല്ലി , ബന്ധനം എന്നു പറഞ്ഞു കൊണ്ട് കുത്തിയിറക്കി.

ഈ സമയം പ്രസാദത്തിൽ കുത്തിയ കൈയിൽ ഒരു വേദന കർത്തുമ്പിക്ക് അനുഭവിക്കാൻ കഴിഞ്ഞു. കൈ അനക്കാൻ കഴിയാത്ത പോലെ. ഈ സമയം അവളുടെ മാറിലെ ഓംകാര ചിഹ്നം ചെറിയ തോതിൽ ചുവന്ന പ്രകാശം പോലെ തിളങ്ങിയതും അവളുടെ കൈകൾ അനങ്ങി.

ആ സമയം പാവയിലെ മൊട്ടുസൂചി , പാവയിൽ നിന്നും തെറിച്ചു ദൂരെ പോയി വീണു. അതിശയത്തോടെ ആ കാഴ്ച്ച കാലരഞ്ജൻ നോക്കി നിന്നു. അയാളുടെ കഴിവിനേറ്റ അപമാനമായി കണ്ടയാൾ പല തവണ ബന്ധനത്തിന് ശ്രമിച്ചു പക്ഷെ പരാജയം മാത്രം അയാൾക്ക് നേരിടേണ്ടി വന്നത്.