? ഋതുഭേദങ്ങൾ ?️ 04 [ഖല്‍ബിന്‍റെ പോരാളി ?] 719

““അനഘയ്ക്ക് എന്തോ പറയാനുണ്ടെന്ന് തോന്നുന്നു….?”” ദേവ് ചോദിച്ചു.

““മ്…..”” അനു ഒന്നു മൂളി….

““എന്താണ് പതിവില്ലാതെ ഒരു സംസാരം….. പറയു….””

““അത്…. ഈ ഞായറാഴ്ച എനിക്കൊരു ഗേറ്റ് ടുഗതറുണ്ട്…. കോളേജില്‍….””

““അഹാ…. പോവുന്നില്ലേ…..”” ദേവ് ചോദിച്ചു.

““പോവണമെന്നുണ്ട്…. പക്ഷേ ഇവിടെന്ന് അങ്ങോട്ട് ബസ് ഒക്കെ എപ്പോഴാ എന്ന് എനിക്കറിയില്ല്യാ….”” അനു പോകുന്ന കാര്യത്തെ കുറിച്ചാലോചിച്ച് പറഞ്ഞു.

““അതിപ്പോ രാവിലെ ഒരു മണിക്കുര്‍ കുടുമ്പോ ഉണ്ടാകും….”” ദേവ് മറുപടി നല്‍കി.  കിട്ടേണ്ട മറുപടി കിട്ടിയപ്പോ അനുവിന്‍റെ മുഖം തെളിഞ്ഞു.

““അല്ലാ…. താന്‍ ബസിലാണോ പോകുന്നത്….?”” ദേവ് ചോദിച്ചു.

““പിന്നെ…. ഇത്രയും ദൂരം ഓട്ടോയില്‍ പോകുന്നത് ശരിയാവില്ലലോ….”” അനു ദേവിനെ നോക്കി പറഞ്ഞു.

““ഞാന്‍ കൊണ്ടുപോയാക്കണോ….?”” ദേവ് ചോദിച്ചു.

““എങ്ങനെ….?””

““സൂരജിന്‍റെ കൈയില്‍ നിന്ന് കാര്‍ വാങ്ങാം….”” ദേവ് പറഞ്ഞു.

““നിങ്ങള്‍ക്ക് കാര്‍ ഓടിക്കാന്‍ അറിയുമോ….?”” അനു അതിശയത്തോടെ ചോദിച്ചു.

““അങ്ങനെ ചോദിച്ചാല്‍…. ലൈസന്‍സൊക്കെയുണ്ട്…. പിന്നെ കാര്‍ അതികം ഓടിച്ചിട്ടില്ല…. എന്നാലും ഇങ്ങനെ ഒക്കെ അല്ലെ ശീലമാവുന്നത്…”” ദേവ് പറഞ്ഞു.

““അയ്യോ….. അവസാനം എനിക്ക് അവിടെയെത്താതെയാവുമോ….?”” അനു സംശയത്തോടെ ചോദിച്ചു.

““നമ്മുക്ക് നോക്കാമെന്നെ….
അതിന് മുമ്പ് എനിക്ക് മൈസുരിലേക്ക് പോവേണ്ടതുണ്ട്. നാളെ ഞാനങ്ങോട്ട് പോവും….”” ദേവ് എന്തോ ചിന്തിച്ച പോലെ പറഞ്ഞു.

““ഓ…. ഫോണിലെ അവളെ കാണാനാവുമല്ലേ….”” അനു ഒരു പുഛത്തോടെ ചോദിച്ചു.

““അതെ…. ഇപ്പോ ഗുഡ് നൈറ്റ്….”” ഇത്രയും പറഞ്ഞ് ദേവ് ബെഡ്ഷിറ്റ് നിലത്ത് വിരിച്ച് കിടന്നു. അനുവിനെ ചെറിയ അശ്വാസമായെങ്കിലും വീണ്ടും സംശയങ്ങള്‍ ഉയര്‍ന്നു.

അധികവും ദേവിന്‍റെ ആദ്യം കരുതിയ സ്വഭാവത്തില്‍ വരുന്ന മാറ്റങ്ങളെയായിരുന്നു. ചിന്തകളില്‍ വേളി കഴിഞ്ഞതിന് ശേഷമുള്ള ദേവുമായുള്ള നിമിഷങ്ങളായിരുന്നു അധികവും.

പുറത്ത് ഒരു ദേവും മുറിയ്ക്കുള്ളില്‍ മറ്റൊരു ദേവുമായിരുന്നു. എന്നാലും ഒരു നോട്ടം കൊണ്ടു പോലും തന്നെ ശല്യം ചെയ്തിട്ടില്ല. എന്തെങ്കിലും ഉണ്ടെങ്കില്‍ അത് നേരെ തുറന്നു പറയും. അതിപ്പോ തനിക്ക് നേട്ടമായാലും കോട്ടമായാലും അങ്ങോട്ട് ചോദിക്കുന്ന ചോദ്യങ്ങളില്‍ നിന്ന് ഒഴിഞ്ഞു മാറുന്നതുകൊണ്ട് ദേവിന് ചുറ്റുമുള്ള ഒരു മിസ്റ്റ്റി ഇപ്പോഴും അങ്ങിനെ തന്നെ നിലനിന്നിരുന്നു. ഉറക്കം ഇതൊക്കെ ചിന്തിച്ചു തീര്‍ന്നപ്പോഴെക്കും ഉറക്കം അവളെ കീഴടക്കിയിരുന്നു.