? ഋതുഭേദങ്ങൾ ?️ 04 [ഖല്‍ബിന്‍റെ പോരാളി ?] 719

““അനു….”” നന്ദുവിന്‍റെ ശബ്ദം കേട്ടതും എന്തോ ചിന്തയിരുന്നിരുന്ന അനു സ്വബോധത്തിലേക്ക് വന്നു നന്ദുവിനെ നോക്കി….

““നിനക്ക് കാര്യമായി എന്തോ പറയാനുണ്ടല്ലോ….”” നന്ദു ചോദിച്ചു.

““അതെടീ…. കുറച്ച് പ്രശ്നമുണ്ട്…..”” അനു പതിയെ മറുപടി നല്‍കി…

““എന്നാ പറ…. എന്നെകൊണ്ട് വല്ല സഹായവും വേണേമെങ്കില്‍ ഞാന്‍ ചെയ്യാം…””

““നിന്നെകൊണ്ടൊന്നും ശരിയാക്കാന്‍ പറ്റില്ലേടീ….”” അനു ടെന്‍ഷനടിച്ചതു പോലെ പറഞ്ഞു.

““നീ കാര്യം പറ… എന്നാലല്ലേ അത് തീരുമാനിക്കാന്‍ പറ്റുള്ളു….”” നന്ദു കാര്യമറിയാനായി അനുവിനെ പ്രോത്സാഹിപ്പിച്ചു.

അനു നന്ദുവിനെ ഒന്നൂടെ നോക്കി. പിന്നെ പറയാന്‍ തുടങ്ങി. വേളിയാലോചന വന്നത് തൊട്ട് രാവിലെ ആ കോളേജ് അംങ്കണത്തില്‍ എത്തുന്നത് വരെയുള്ള കാര്യങ്ങള്‍…. നന്ദു അനു പറയുന്നതെല്ലാം നല്ലൊരു ശ്രോതാവിനെ പോലെ കേട്ടിരുന്നു. അനു ഒറ്റയടിയ്ക്ക് തന്‍റെ കഴിഞ്ഞ രണ്ടുമാസത്തെ ജീവിതത്തിന്‍റെ ഒരു ദീര്‍ഘനിശ്വാസത്തോടെ പറഞ്ഞവസാനിപ്പിച്ചു. പിന്നെ നന്ദുവിന്‍റെ മുഖത്തേക്ക് നോക്കി. അവിടെയും നല്ല ചിന്തയിലായിരുന്നു. കുറച്ച് നേരം ഇരുവരും ഒന്നും മിണ്ടിയില്ല.

““നന്ദു….”” അനു ചിന്തയിലുണ്ടായിരുന്ന നന്ദുവിനെ വിളിച്ചു. നന്ദു അനുവിനെ നോക്കി. പിന്നെ ചോദിച്ചു.

““അപ്പോ നിന്‍റെ ഭര്‍ത്താവ് നീയുദ്ദേശിച്ച ആള് അല്ലല്ലെ….”” നന്ദു ചോദിച്ചു.

““ഹാ…. പക്ഷേ അങ്ങേരുടെ സ്വഭാവമെന്തായെന്ന് ഇപ്പോഴും എനിക്കറിയില്ല….”” അനു തല കുനിച്ചുകൊണ്ടു പറഞ്ഞു.

““അല്ലാ…. അയാളിതുവരെ നിന്നെ ഒന്നു തൊട്ടു നോക്കിയിട്ടുപോലുമില്ലേ….”” നന്ദു എന്തോ ചിന്തിച്ച ശേഷം ചോദിച്ചു.

““ആദ്യരാത്രി കൈയില്‍ കയറി പിടിച്ചിരുന്നു. ഞാന്‍ പറഞ്ഞില്ലേ…. പിന്നെയാണ് അങ്ങേരുടെ മറ്റൊരു മുഖം ഞാന്‍ കണ്ടു തുടങ്ങിയത്….””

““എന്നാലും നിന്നെപോലെയൊരുത്തിയെ കിട്ടിയിട്ട് ഒന്നു തൊട്ട് നോക്കുകപോലും ചെയ്തില്ല എന്ന് പറയുമ്പോ….”” നന്ദു അനുവിനെ വശ്യമായി ഒന്നു നോക്കി കൊണ്ടു ചിരിയോടെ ചോദിച്ചു.

““അതിന് ഭൂമിയിലെ എല്ലാ ആണുങ്ങളും നിന്‍റെ ഹരിഷേട്ടനെ പോലെയല്ല… എന്തോക്കെയായിരുന്നു നിന്‍റെ അന്നത്തെ സംസാരം…. ആദ്യരാത്രി തന്‍റെ അനുവാദമില്ലാതെ അങ്ങിനെയൊക്കെ ചെയ്തു. എനിക്ക് അവിടെ വേദനിക്കുന്നേ…. ഇവിടെ വേദനിക്കുന്നെ…. എന്തോക്കെയായിരുന്നു…..”” അവസാനം നന്ദുവില്‍ നിന്ന് കേട്ടാ ചൊറിച്ചിലില്‍ മറുപടിയെന്ന പോലെ അനു തിരിച്ചടിച്ചു.

““അ….അതൊക്കെ പണ്ടല്ലേ….”” അനുവിന്‍റെ പെട്ടെന്നുള്ള മാറ്റത്തില്‍ ഒന്നു അമ്പരന്നെങ്കിലും നന്ദു പറഞ്ഞൊപ്പിച്ചു.

““പണ്ടോ….. അപ്പോ ഇപ്പോഴോ….”” അനു സംശയം ചോദിച്ചു.

““ഇപ്പോ ഒക്കെ മാറി പെണ്ണേ…. അതുകൊണ്ടു തന്നെ എനിക്കുറപ്പുണ്ട് എന്നെ വേണ്ട എന്നു വെച്ചു എന്‍റെ ഹരിയേട്ടന്‍ വേറെയൊരുത്തിയെ തേടി പോവില്ല….”” നന്ദു തിരിച്ചടിച്ചു. പക്ഷേ അതു കേട്ടപ്പോ അനുവിന്‍റെ മുഖത്തുണ്ടായ ചിരി മാഞ്ഞു.