? ഋതുഭേദങ്ങൾ ?️ 04 [ഖല്‍ബിന്‍റെ പോരാളി ?] 719

““എന്നാല്‍ ഗേറ്റിനടുത്തേക്ക് നിന്നേക്കു…. ഞാന്‍ വരായി…”” ദേവ് ഇത്രയും പറഞ്ഞു ഫോണ്‍ കട്ട് ചെയ്തു… അനു ഫോണ്‍ ഹാന്‍ഡ് ബാഗില്‍ വെച്ചു നന്ദുവിനും ഹരീഷിനും അടുത്തേക്ക് വന്നു.

““എന്തായി….?”” നന്ദു ചോദിച്ചു.

““ഇപ്പോ വരും…. ഗേറ്റിനടുത്തേക്ക് ചെന്നു നില്‍ക്കാന്‍ പറഞ്ഞു….”” അനു മറുപടി നല്‍കി…

““എന്നാ വാ…. നമ്മുക്ക് അങ്ങോട്ട് നടക്കാം…””  നന്ദു അനുവിനോടും ഹരിയേട്ടനോടുമായി പറഞ്ഞു.

മറുപടിയൊന്നും പറയാതെ തന്നെ രണ്ടുപേരും ഗേറ്റിനടത്തേക്ക് നടന്നു തുടങ്ങി. നന്ദുവും ഹരീഷും അടുപ്പിച്ച് നടന്നു പോവുമ്പോള്‍ അനു അവരുമായി ഒരു ചെറിയ ദുരം മാറി നടന്നു.

അനു നന്ദുവിനെയും ഹരിയേയും നോക്കി കാണുകയായിരുന്നു. അന്ന് തന്നോട് അയാളുമായി ജീവിയ്ക്കുന്നതില്‍ ദേഷ്യം സങ്കടവും അറിയിച്ച നന്ദു ഇന്ന് എത്ര സന്തോഷത്തോടെയാണ് അവനൊപ്പം നടക്കുന്നത്… ഹരീഷും അവളുടെ ഓരോ കാര്യവും ചോദിച്ചറിഞ്ഞു കുടെയുണ്ട്. ഒരു നിമിഷം അവള്‍ക്കെന്തോ ഒരു ഒറ്റപ്പെടല്‍ അനുഭവപ്പെട്ടു. താന്‍ തനിയ ഇങ്ങിനെ നടക്കുന്നതില്‍ സ്വയം നാണകേട് തോന്നി. ഒരു നിമിഷം അവള്‍ ദേവിനോടൊപ്പം ഇങ്ങനെ നടക്കുന്നത് ചിന്തിച്ചു പോയി. അറിയാതെ അവളുടെ ചുണ്ടുകളില്‍ ഒരു മന്ദഹാസം വിരിഞ്ഞു.

അധികം വൈകാതെ ഗേറ്റിനടുത്തെത്തി. അവരും അനുവിനൊപ്പം ദേവിനെ കാത്തു നിന്നു. അല്‍പനേരം പരസ്പരം മറ്റു കാര്യങ്ങള്‍ സംസാരിച്ചിരുന്നുകൊണ്ടിരിക്കുമ്പോഴാണ് ദൂരെ നിന്ന് ദേവ് കാറില്‍ വരുന്നത് അനു കണ്ടത്. അനു അങ്ങോട്ട് നോക്കുന്നത് കണ്ടു ഹരീഷും നന്ദനയും അങ്ങോട്ട് നോക്കി.

കാര്‍ പതിയെ അവരുടെ അടുത്തെത്തി റോഡ് സൈഡിലായി നിര്‍ത്തി. അനുവിന് അടുത്ത് രണ്ടുപേരെ കണ്ടു ദേവ് കാറില്‍ നിന്ന് ഇറങ്ങി അനുവിനും കുട്ടരുടെയും അടുത്തെത്തി നടന്നു ചെന്നു. നന്ദുവും ഹരിയും ദേവിനെ നോക്കി പുഞ്ചിരിച്ചു. ദേവ് തിരിച്ചും. അടുത്തെത്തിയ ദേവിന് നേരെ ഹരീഷ് കൈ നീട്ടി. ദേവ് സന്തോഷത്തോടെ അതിലേക്ക് തന്‍റെ കൈകുടെ വെച്ചുകൊടുത്തു ഷെയ്ക്കഡ് പൂര്‍ത്തികരിച്ചു. അനു ദേവിനെ തന്നെ നോക്കി നിന്നു. എന്നാല്‍ അനുവിനെ ദേവ് കാര്യമായി പരിഗണിച്ചതുപോലുമില്ലെന്ന് പറയുന്നതാവും ശരി.

““ഞാന്‍ വൈകില്ലില്ലലോ അല്ലേ….”” ദേവ് ഹരീഷിനോടും നന്ദനയോടും ചോദിച്ചു.

““ഏയ്…. ഇല്ല…. പറഞ്ഞ സമയത്ത് തന്ന്യേ എത്തിയല്ലോ….”” ഹരീഷ് മറുപടി നല്‍കി.

പിന്നെ ദേവും ഹരീഷും നന്ദനയും കാര്യമായിട്ടു തന്നെ പരസ്പരം പരിചയപ്പെട്ടു. മൂന്നു പേരും പരസ്പരമുള്ള സംസാരം കേട്ടു അനു ബാക്കിയുള്ളവരെ പരസ്പരം നോക്കി നിന്നു. അല്‍പനേരം കൊണ്ടു തന്നെ നര്‍മം കൊണ്ടും വാക്ചാതുര്യം കൊണ്ടും ദേവ് ഹരിയേയും നന്ദുവിനേയും കയ്യിലെടുത്തു. അല്‍പം കഴിഞ്ഞപ്പോഴാണ് അനു അവിടെ നില്‍പ്പുണ്ടായിരുന്നു എന്ന ബോധം നന്ദുവിന് വന്നത്. ദേവുമായുള്ള സംസാരത്തിന് ഇടയില്‍ എപ്പോഴോ ഒന്ന് കണ്ണുവെട്ടിച്ചാപ്പോഴാണ് നന്ദു അവരുടെ സംസാരത്തില്‍ മുഷിഞ്ഞ് നില്‍ക്കുന്ന അനുവിനെ ശ്രദ്ധിച്ചത്. നന്ദുവിന് അനുവിന്‍റെ നില്‍പ്പ് കണ്ടപ്പോഴെ കാര്യം അത്ര പന്തിയല്ലയെന്ന് മനസിലായി.