? ഋതുഭേദങ്ങൾ ?️ 04 [ഖല്‍ബിന്‍റെ പോരാളി ?] 719

…. പിന്നിട് ഒരു രാത്രി അയാളുടെ കുത്തിമറയല്‍ കഴിയുമ്പോ ഞാന്‍ ഒരു ജോലിയ്ക്കു പോണം എന്ന ആഗ്രഹം പറഞ്ഞു. ആദ്യം പറഞ്ഞപ്പോ അയാള്‍ മറുപടിയൊന്നും പറയാതെ തിരിഞ്ഞു കിടന്നുറങ്ങുകയാണ് ചെയ്തതു. എതിര്‍പ്പ് തുടങ്ങിയതിലും ഈ ബന്ധം ഇങ്ങനെ ഓരോന്ന് പറഞ്ഞു അവസാനിപ്പിക്കണമെന്നും മനസില്‍ കണക്കുക്കുട്ടി ഞാനും കിടന്നുറങ്ങി.

എന്നാല്‍ എന്നെ ഞെട്ടിച്ചുകൊണ്ടു പിറ്റേന്ന് രാവിലെ പ്രാതലിന്‍റെ സമയത്ത് ഹരിയേട്ടന്‍ എന്നോട് കാര്യങ്ങള്‍ ചോദിച്ചു. എങ്ങനത്തെ ജോലി വേണമെന്നും എന്താ ചെയ്യണ്ടേതെന്നുമൊക്കെ…..

സത്യം പറഞ്ഞാല്‍ ഹരിയേട്ടന്‍ എന്നെ ഞെട്ടിച്ചു കളഞ്ഞു. തലേന്ന് രാത്രി തന്നെ എല്ലാം മറന്നു സ്വന്തം കാര്യം മാത്രം നോക്കി പോവും എന്നു വിചാരിച്ച എനിക്ക് പാടെ തെറ്റിയിരുന്നു. അന്ന് ഞാന്‍ അയാളുമായി തെറ്റി പിരിയാന്‍ വേണ്ടി പറഞ്ഞ ആഗ്രഹത്തിന്‍റെ പുറത്തു അയാള്‍ തന്നെ മുന്‍കൈ എടുത്തു വാങ്ങി തന്ന ജോലിയാണ് ഞാന്‍ ഇപ്പോ ചെയ്യുന്നത്. പിന്നെയും രാത്രി ഞാന്‍ ആഗ്രഹങ്ങള്‍ പറഞ്ഞുകൊണ്ടിരുന്നു. എല്ലാം ഹരിയേട്ടന്‍ തന്നാല്‍ കഴിയും വിധം സാധിച്ചുതന്നിരുന്നു. അപ്പോഴേക്കും അറിയാതെ ഞാന്‍ അങ്ങേരെ പ്രണയിച്ചു തുടങ്ങിരുന്നു. എനിക്കുവേണ്ടതെല്ലാം ചെയ്തു തരുന്ന അങ്ങേരെ ഞാനെന്തിനാ ഉപേക്ഷിക്കുന്നേ….

അങ്ങനെ ഞാന്‍ ഹരിയേട്ടനെ കുറിച്ചു കുടുതല്‍ അറിയാന്‍ ശ്രമിച്ചു. അതിന് ഹരിയേട്ടന്‍റെ അമ്മയോട് തന്നെ ചോദിച്ചു. ഹരിയേട്ടന്‍റെ കഴിഞ്ഞ കാലത്തെ കുറിച്ചും മറ്റും. ഹരിയേട്ടന്‍റെ അച്ഛന്‍ കേന്ദ്ര ഗവണ്‍മെന്‍റിലെ ഉദ്യോഗസ്ഥനായിരുന്നു. അടിക്കടി സ്ഥലമാറ്റമുണ്ടാവുന്നതുകൊണ്ടു അച്ഛന്‍ മകനെ ഒരു ബോര്‍ഡിംഗ് സ്കുളില്‍ നിര്‍ത്തി പഠിപ്പിച്ചു. അതിനാല്‍ തന്നെ അധികം കുട്ടുകാരോ ഒന്നും ഹരിയേട്ടന് ഉണ്ടായിരുന്നില്ല. ക്ലാസുള്ള നാളുകളില്‍ വരുന്ന പണവും മാത്രമായിരുന്നു ഹരിയേട്ടന് കിട്ടിയ മാതാപിതക്കാളുടെ സ്നേഹം.

പതിയെ ഹരിയേട്ടന്‍ അന്തര്‍മുഖനായി മാറി. പഠനം കഴിഞ്ഞു ജോലി കിട്ടിയപ്പോഴും അതെ സ്വഭാവം തന്നെ തുടര്‍ന്നു പോയി. തന്‍റെ മകന്‍ ഇങ്ങനെയായി പോയി എന്നറിയാന്‍ ആ അച്ഛനും അമ്മയും ഏറെ വൈകിയിരുന്നു. അവര്‍ക്കു അത് പറഞ്ഞുതരുമ്പോഴും വലിയ സങ്കടമുണ്ടായിരുന്നു.

പിന്നെ ഞാന്‍ ഹരിയേട്ടനെ മനസിലാക്കി തുടങ്ങി. പതിയെ പതിയെ അടുത്തു. ഹരിയേട്ടനെ പാടുപെട്ട് സംസാരിപ്പിച്ചു. എല്ലാ കാര്യങ്ങളും പരസ്പരം പങ്കുവെച്ചു. പതിയെ പതിയെ ഹരിയേട്ടന്‍റെ സ്വന്തം നന്ദുവായി മാറി. ഇപ്പോ ഹരിയേട്ടന് നല്ല മാറ്റമുണ്ട്. ആള് ഫുള്‍ ടൈം ഹാപ്പിയാണ്…. അതുകൊണ്ടു ഞാനും…”” നന്ദു ഒരു പുഞ്ചിരിയോടെ പറഞ്ഞു നിര്‍ത്തി.

““എന്നിട്ട്…. ഇപ്പോ ബെഡ്റൂമില്‍ നല്ല മാറ്റമുണ്ടോ….?”” അനു ചിരിയോടെ ചോദിച്ചു.